Әдеп жөніндегі кеңесте көліктегі  санитарлық талаптар жағдайын дұрыс тексермеген басшысының ісі қаралды. Транспорттағы қоғамдық денсаулық сақтау бөлімінің мамандары биылғы жылдың наурызында поездің 44 вагонын тексереді. Алайда, сала мамандары тек қана 1 вагоннан олқылық тапқан деседі. Олар бұл іске жауапты деп жолсеріктің атына хаттама толтырған. Осы істі жіті тексерген Орал қалалық траспорттық прокурорының орынбасары санитарлық дәрігерлер вагондарды дұрыс тексермеді. Сала мамандары жауапқа заңды тұлғаны тарту қажет еді,-дейді. Барлық тексеру жұмыстарын басқарма қызметкерлері жүргізген. Аталмыш оқиға орын алған тұста бөлім басшысы еңбек демалысында болса да, хаттамаға сол азамат қол қойған.

Осы іске жауапты деп танылған Батыров мырза отарбадағы мән-жайды былай түсіндіріп беруге тырысты. Ең алдымен отарбаны тексеру үшін бір сағат беріледі. Алпыс минуттың ішінде 44 вагонды тексеріп шығу мүмкін емес. Белгіленген уақыттың ішінде тек 2 -ақ вагонды тексеруге болады. Сондай-ақ, вагондардағы сынамаларды алу үшін көп уақыт жұмсау қажет дегенді айтады.

Қателіктерге жол берген басшы қатаң сөгіс алды. Кейін, Зеленов ауданына қарасты Көшім ауылдық округінде орын алған заң бұзушылық кеңесте талқыланған еді. Ауыл әкімі осы уақытқа дейін өткен жылы өмірден озған қызметкерінің отбасына тиеселі өтемақы төлемепті. Әдеп кеңесі Зеленов ауданының әкіміне аталған фактіне өз бақылауына алып, өтемақының бір бөлігін шілде мен тамыз айларына дейін, келесі бөлігін қазанға дейін төлеп берсін деп шешім шығарды.