Сала мамандары қара жерге дән сеуіп, тыраштанып еңбектеніп, нәпақасын тауып отырған шаруалармен жүздесті. Олар арнайы жаднама таратып, тілсіз жау таралмас үшін сақталуы тиіс ережелерді ескертті.

Өткен жылы Круглоозерный кентінің егіс алқабынан өрт шыққан еді. Абырой болғанда, барлық шаруа қожалықтары мен өрт сөндірушілер бірлесіп, тілсіз жауды ауыздықтады.

Еңбекке кіріскен диқандар қазірдің өзінде сұйық отынның кеш берілуіне шағымданып отыр. Олар: "Далалық жұмыстарға кірістік. Қазір бұрынғы қорымызбен жұмыстанып жатырмыз. Бір-екі күнде дизельді отынды таусылса жердегі ылғал құрғап кетуі мүмкін" ,-деп дабыл қағуда.

Бүгінгі таңда дизельді отынды тасымалдайтын компания анықталған. Ол шаруаларға бір литр сұйықтық отынды 161 теңгеден саудаламақшы екен. Алайда диқандар дизельді отынның қызығын қашан көретіні белгісіз. Тасымалдау баяу жүргізілсе, шаруалардың жұмысы тоқтап қалуы мүмкін.

Сурет ғаламтордан жүктелген.

Орал қаласында төтеншеліктер саяжай қоныстарындағы өрт оқиғаларының алдын алу шараларына кірісті. Бүгін қалалық төтенше жағдайлар басқармасының мамандары қала маңындағы саяжайларды аралап, халықпен кездесті. Олар саяжай тұрғындарына саяжай аумағын тазалау кезінде өрттің алдын алу шараларын түсіндірді.
Күн жылынып, жер аяғы кеңейген уақытта қала тұрғындары өз саяжайларына барып жұмыс жасай бастайды. Саяжайдың маңайын тазалап, қоқысты өртейді. Міне осындай тұрмыстық қалдықтар мен қоқыстарды өртеудің соңы үлкен өрт оқиғасына ұласып кетуі мүмкін. Қайғылы жағдайдың алдын алу мақсатында төтеншеліктер волонтерлермен бірге саяжайларды аралап, халықпен кездесіп, қауіпсіздік ережелері жазылған үнпарақтар таратып жүр.
Саяжайлықтар болса жиналған қоқысты тастайтын жер жоқ дейді. Мұнда арнайы қоқыс жинайтын орындар белгіленбеген. Оны шығаратын машиналар саяжайларға кірмейді. Саяжай маңындағы ағаш қалдықтары мен күл - қоқысты өртеуден басқа амалымыз жоқ дейді. Қоқысты жинамай, ескірген тал -теректерді шауып, айналаны тазаламаса тазалық шарасы сақталмаған деп айыппұл салынады. Ал, жинап өртесе өрт қауіпсіздігін сақтамадын деп айыптайды, сонда біз қайттік дейді тұрғындар.
Ал төтеншеліктер болса қауіптің алдын -алу мақсат дейді. Сондықтан үлкен өрт болып адамдар зардап шекпес үшін саяжайларға қарай барып, бау-бақшамен айналыспақшы болған тұрғындарға арнайы үн парақтар таратылып жатыр. Арнайы бағбандар дүкенінде де осындай шаралар жалғасып жатыр.

Орал қаласында 42 мектеп өрт қауіпсіздігі талабына сай емес. Бұл туралы Орал қалалық төтенше жағдай басқармасының мамандары мәлімдеп отыр. Яғни, өткен жылы төтеншеліктер облыс орталығында орналасқан барлық білім ошақтарын өрт қауіпсіздігі талаптарын тексеріп, олқылықтарды анықтапты. Сала мамандары өрт қауіпсіздігін сақтамаған мектеп директорларына жалпы құны 700 мың теңге көлемінде айыппұл салған. Олқылықтарды түзетпеген басшыларды сотқа беріпті. Төтеншеліктер өрт қауіпсіздігінің сақталмауына ғимараттардың ескіргені себеп болып отыр,- дейді.

Жыл сайын төтеншеліктер мектептерді өрт қауіпсіздігіне байланысты тексеріп отырады. Былтырғы тексерістің нәтижесінде қаланың 50 мектебінің 42-сінің талапқа сай келмейтіні анықталыпты. Сала мамандары жалпы заңды тұлғаларға 700 мың теңге көлемінде айыппұл салғанын айтады. Төтеншеліктердің ұйғарымын уақытылы орындамаған лауазымды тұлғалар сот алдында жауап беріпті. Өрт қауіпсіздігінде тіркелген олқылықтарды түзету үшін қалалық білім беру бөлімі 43 млн 656 мың теңге көлемінде қаражат бөлген.

Осындай олқылықтарды болдырмас үшін қалалық №1-мектепте арнайы жиналыс өтті. Шара барысында төтеншеліктер мектеп директорларының сұрақтарына жауап берген болатын.Қазір қала мектептеріне террорлық әректерге қарсы турникеттер қойылғаны белгілі. Ал, төтеншеліктер болса мектепке турникет қою өрт қауіпсіздігі ережесін бұзады,- дейді.Турникет қоймаса тағы пәле, анти терорлық ведомство мектеп терорлық актілер қауіпсіздігіне жауап бермейді деп шығады. Екі оратада таяқ жейтін мектеп диреткорлары. Жиын барысында осындай күрделі мәселер талқыланды.

Сондай-ақ,мектеп директорлары өрт қауіпсіздігіне байланысты жаңашылдықтарды уақытылы хабарлап отырса деген ұсыныстарын ортаға салды. Төтеншеліктер биыл мектептерді ақпаннан бастап, мамырға дейін өрт қауіпсіздігіне тексермек.

БҚО аумағында 2 орман және 115 шөптің жануы тіркеліпті. Бұл туралы төтенше жағдай департаментінің мамандары хабарлап отыр. Қызыл жалынның алдын алу үшін рейд шаралары ұйымдастырылуда. Нәтижесінде өрт қауіпсіздігін сақтамаған 102 тұлға әкімшілік жауапкершілікке тартылған. Оның 97-сі ескерту алса, 5 азамат айыппұл арқалапты. Сала мамандары өрттің қауіпті кезеңінде сақтық шараларын естен шығармауды сұрайды.

Кемереводағы "Зимняя вишня" сауда ойын-сауық орталығында 60 адам көз жұмып, оның ішінде 41 сәбидің өмірін қиған қайғылы жағдайдан соң елімізде осындай нысындардың қауіпсізідігін тексеру басталып кетті. Кездесуге өрт қауіпсіздігі талаптарынан тексерістен өткен нысан өкілдері мен ТЖД мамандары қатысты. БҚО-да жүргізілген тексерістер кезінде барлық сауда нысандарынан өрескел түрде талапқа сай келмеушіліктер анықталған болатын. Олар ғимарт ішін қолдан өзгерту, эвакуациялық шығу есіктерінің болмауы, өрт сөндіру жүйесінің дұрыс жұмыс жасамауы сынды кемшіліктер. Нысандарға олқылықтарды жоюға уақыт берілген болатын. Ал енді мектепке дейінгі ұйымдардың қауіпсіздігі тексерілуде.

Кездесуге "Орал" ӘКК да қатысқан болатын. Кеңес мүшелері аймақта жүзеге асырылып жатқан мемлекеттік жеке серіктестік жобаларына қатысты сауалдарын ашық алаңда қоюға мүмкін алды. Бағдарлама арқасында ашылған мектепке дейінгі мекемелер балабақша кезегін сейілтуге септігін тигізіп отыр. Мемлекетке де тиімді тұсы баршылық. Кәсіпкерлер құқықын қорғау бойынша өткен кеңесте әр түрлі сала мамандары тұшымды ойларын ортаға салып, сұрақтарына жауап алып тарқасты.

Биылғы жылдың өзінде өңіріміз бойынша екі орман өрті тіркеліп үлгерді. Орман алқабында орын алған тілсіз жау мемлекетке 69 мың теңге көлемінде шығын келтіріпті. Сала мамандарының айтуынша,  өткен жылы орын алған 200-ден астам қызыл жалынның салдарынан 2 адам жан тапсырып, он азамат зардап шеккен. Сондай-ақ, 2017 жылы азаматтар жазғы мезгілде суға батып, қаза болғандардың саны 17-ге жеткен. Марқұм болған жандардың бесеуі кәмелет жасына толмаған жандар. Жазғы маусымда төтенше жағдай оқиғаларын болдырмау үшін қандай шаралар қолға алынғандығы тілші материалында.

Жаз мезгілі келген тұста, өзен жағалап, табиғат аясында демалатын жандардың қарасы көбейеді. Өткен жылы суға шомылып, бой жазам деп барған жандардың он жетісі өлім құшты. Төтеншеліктер жүргізген он жылдық санаққа көз жүгіртсек, суға батып кеткен жандардың саны 270-ті құрайды. Тілсіз жаудың құрбаны болған жандардың басым көпшілігі белгіленбеген жерде суға шомылып, ажал тырнағына іліккен. Аталмыш олқылықты жою үшін биылғы жылдың ақпанында облыс әкімінің бұйрығына сәйкес, 69 жағалау жабдықталуы тиіс. Сондай-ақ, суға түсу маусымы басталғанша, жағалаулар мен балалар лагері орналасқан орындарда су асты тексерілуі тиіс.

Ауа-райы температурасы жоғарылаған сайын, өрттен келетін қауіп басым. Өткен жылы облыс бойынша 200-ден астам өрт оқиғасы тіркелген. Әсіресе, тілсіз жау өңіріміздің 216 мың гектар жерді алып жатқан ормандарына қауіпті.

Сала мамандары демалыстарын көңілді өткізгісі келетін жандар орманда тазалықты сақтамай, күл қоқыс шашып кетеді. Бұл өз кезегінде, өрттің орын алуына әкеп соғады, -дейді.

Табиғат сақшылары орман мен өзен жағалауларындағы қоқысты тазарту үшін арнайы сенбіліктер ұйымдастырып, 800 тоннаға жуық қатты тұрмыстық қалдықтарды тазалапты.

Сала мамандары өңірімізде қызыл жалынды ауыздықтау мақсатында қажетті құрал саймандар жабдықтап, орман алқаптарында тілсіз жау орын алмау үшін рейд жұмыстарын бастап кетіпті.

Орал қаласының маңындағы ірі өндірістік нысанда өрт шықты. Қала халқының 27 пайызын электр желісімен қамтып отырған мекеме бүгінде табиғи газды жарыққа айналдырар қауқары бар. Ал нысандағы төтенше жағдай қалай ауыздықталды? Төтеншеліктер қанша бірлік техника пайдаланды. Арна тілшісі оқиға орнынан хабарлайды.

Бұл - қала халқының 30 пайызға жуығын электр желісімен қамтып отырған өндірістік мекеме. Өрт сөндірушілерге төтенше жағдай туралы ақпар түскен бойда жедел жеткен олар қызыл жалынды ауыздықтауға кірісті. Байбаламға бармаған нысан қызметкерлері де ғимараттан дереу тысқа шығып, қауіпсіз аймаққа көшірілді.

Абырой болғанда, бұл шара тек оқу-жаттығу болатын. Нысан қызметкерлері алдымен теориялық білімдерін шыңдап, төтенше жағдайлар департаменті мамандарының өз аузынан қауіпсіздік ережелерін білуге мүмкіндік алды. Кейін бұл білімдерін іс жүзінде бекітіп, қызыл жалынды ауыздықтауға өздері де үлестерін қосты.

Айта кетелік, тек биылғы жылдың өзінде облысымызда 200ден астам өрт оқиғалары тіркеліп, бұдан келген шығын көлемі 5 млн теңгеге жеткен. Тілсіз жау салдарынынан тіпті 1 адам қаза тауып, 7еуі жарақаттанды. Қайғылы жағдайлардың алдын алмаққа бүгінде төтеншеліктер 10 астам осындай оқу-жаттығу шараларын ұйымдастырып, бұқараның өрт қауіпсіздігіне қатысты сауаттылығын арттырмақ ниетте.