Бөкей Ордасы ауданының орталығында былтыр су жаңа оқушылар жатақханасы салынып, оқу жылының басында қолданысқа табысталған. 70 орынға шақталған екі қабатты жатақханада балалардың жатып алаңсыз білім алуына бар жағдай жасалған. Мәншүк Мәметова атындағы орта жалпы білім беретін мектебінің жанынан ашылған аталмыш интернатқа Мұхамед-Салық Бабажанов атындағы білім ордасының оқушылары да орналастырылыпты. Екі мектептің шәкірттеріне баспана болып отырған су жаңа жатақхананы ауданға жұмыс сапарымен барған өңіріміздің бірқатар лауазымды тұлғалар аралап көрді. Бүгінде Бөкей Орда ауданында 9 орта және 9 бастауыш білім беру ошақтары жұмыс жасап тұр. Орта мектептер аудан орталығы мен округтерде орналасқан болса, бастауыш мектептері бар шағын елді-мекендердің оқушылары бастауыштан шыққасан округтерге барып білім алуға мәжбүр. Сайхындағы бұрыңғы интернаттың сиқын көрген облыс әкімі былтыр жаңа жатақхана салуды жеделдетуді тапсырған. Міне соның нәтижесінде бір жылдың ішінде екі қабатты жаңа жатақхана бой көтеріп, жаңа оқу жылында пайдалануға берілді.
70 орындық жатақханада қазір балаларға толы. Мұнда тек М.Мәметова мектебінің ғана емес екінші Мұхаммед-Салық Бабажанов атындағы білім ордасының да оқушылары жатып оқып жүр. Екі қабатты еңселі жатақхананың ішіне кірсеңіз, кірсе шыққысыз. Шәкіртке керек жағдайдың бәрі бар, балаларға қалған енді тек алаңсыз білім алу ғана.
Жаңа нысанмен танысқан облыс әкімінің бірінші орынбасары бос бөлмелерге балалардың бос уақытын тиімді ұйымдастыруға арналған түрлі шеберханалар ашуға ұсыныс жасады.

Алыс аудандарға қатынайтын жолдардың жыры қашан бітеді. Әсіресе Орда, Жәнібек секілді алыс аудандардың халқы қашанғы жол азабын тартады. Осы мәселемен БҚО әкімі Алтай Көлгіновтің қабылдауына аудан тұрғындары жиі келеді. Мәселені шешуді облыс әкімі бастап та кеткен. Қазір Чапай- Жалпақтал- Казталовты жалғайтын күре жолдың бойында күрделі жол жөндеу жұмыстары жүріп жатыр. Бұл жұмыстардың биылға жоспарланған бөлігі қазір аяқтала келген. Алтай Көлгінов жолдардың сапасын қадағалаушылармен кездесіп, жол бойындағы жұмыстардың барысымен танысып қайтты.

Бұл Чапай - Жалпақтал - Казталовты жалғайтын күре жол. Жалпы ұзындығы 192 шақырым жол жөнделеді деп жоспарланған. Қазіргі уақытта мердігер компания өз міндеттерін жасап жатыр.

Егор Тэн, жоба жетекшісі
Жалпы ұзындығы 150 шақырым жол жөнделу керек. Қазір 5 шақырым, 200 метрдей жерге асфальт төсеу жұмыстарын аяқтадық. Жоғарғы қабатын жабу жұмыстарын 15 қазанға дейін тамамдаймыз

Бұл жолдарда жүргізіліп жатқан жөндеудің маңызы зор. Себебі осы жолдар шалғай жатқан Жәнібек, Орда секілді аудандарға қатынасты жеңілдетеді,- деді олыс әкімі Алтай Көлгінов. Олай деп отырған себебі осындай ұзақ мерзімді жол жөндеу жұмыстары арқылы жолды Ордаға дейін тарту көзделген.

Жалпы Казталов ауданы бойынша жол жөндеу жұмыстары қарқынды жүріп жатыр, осы ауданға қарасты Жаңажол ауылында ауыл ішілік жолдарға асфальт төсеу жұмыстары аяқталып қалған. Жаңажол ауылында ауыл ішілік 7 шақырымдай жолға жөндеу жүргізілген.

Казталов ауданында жұмыс сапарымен болған олыс әкімі бұдан әрі Киров-Шежін су қоймасының жұмысымен танысты. Бұл су қоймасы іске қосылса төрт бірдей елді мекеннің халқына мал суаруға, егіс суаруға мол мүмкіндік жасалмақ.

Ауылдық жердегі халық үшін малдың азығы жем шөбі мен суы бірінші орында екенін ескерсек Киров-Шежін каналының қаншалықты маңызды нысан екенін түсінуге болады. Осы канал арқылы қара өзенмен жайықты қосу көзделіп отыр, осылайша ресейден  келетін суға тәуелділікті азайту жоспарланған.

Бұдан бөлек облыс әкімі Казталов ауданы Жалпақтал ауылында салынып жатрған екі қабатты тұрғын үйдің құрылыс жұмыстарымен танысты. 12 пәтерден тұратын үйді желтоқсан айында тапсыру көзделіп отыр.