Орал халықаралық әуежайының құрылысы қарқын алды. Бүгінде жүзге жуық жұмысшы жаңа қос қабатты нысанның құрылысын жыл соңына дейін аяқтау үшін бар күштерін сарп етуде.Қазір болашақта бір күнде 400 адамға дейін қызмет көрсететін жаңа терминалдың құрылысы қызған. Нысан басындағы құрылысшылар түсірілім тобымызды көре сала ат тондарын ала қашып, қандай да бір ақпарат беруден бас тартты. Тек бізге белгілі бір ғана мәлімет-құны 6,5 млрд. теңгені құрайтын жаңа нысанның жыл соңында пайдалануға берілетіні. Бұл туралы осыдан бір апта бұрын аймақ басшысы Ғали Есқалиев ҚР Президенті жанындағы Орталық коммуникациялар қызметі алаңындағы баспасөз мәслихатында мәлімдеді.Естеріңізде болса, әуежайды қайта жөндеу жұмыстары 2018 жылы басталып, оған бастапқы уақытта 1,5 млрд қаражат бөлінген еді. Кейін әуежай терминалын қайта жөндеу жұмыстарында техникалық қателіктер орын алғандықтан, жоба уақытша тоқтатылды. Сондай-ақ, жаңа терминалдың құрылысы биылғы жылдың басында жобаға бірқатар өзгерестір енгізілгеннен кейін, қайта жанданды. Бірнеше жылдан бері тар нысан арқылы сапарға шыққан жолаушылар енді құрылыстың қызуына байланысты әкімшілік ғимаратқа дейін бірнеше метр жаяу жүруге мәжбүр.«Қарашығанақ Петролиум Операйтинг» компаниясының есебінен жүзеге асырылып жатқан құрылысқа жауапты - «Казконтракшнгрупп» құрылыс компаниясы.

Орал халықаралық әуежайының терминалын жөндеу жұмыстары келер жылы аяқталмақ. Бұл туралы AQJAIYQ Әлеуметтік-Кәсіпкерлік Корпорациясының басқарма төрағасы Надир Курумбаев мәлімдеді. 2019 жылы ескі ғимараттың бірі жөнделу үшін уақытша жабылған болатын. Бұған дейін әуежайдың ескі ғимаратын қайта жаңғырту шаралары қолға алынған болатын. Алайда сарапшылар ескі ғимарат іргетасының көнергені сонша, қайтадан қалпына келмейтінін мәлімдеді. Сол себепті Орал халықаралық әуежайы толықтай сүріліп орнына су жаңа терминал бой көтеретін болады. Бүгінде құрылыс жұмыстары қызған. Ол үшін қазынадан 2,5 млрд теңге қарастырылды.Соңғы 40 жылдан аса уақыт ішінде мұнда бірде-бір рет жөндеу жүргізілмеген. Терминал толықтай жаңғырған кезде оның өткізу мүмкіндігі сағатына 300 адамға, ал жылына 300 мың адамға дейін артады. Әзірге сыйымдылығы 80 адамға есептелген шағын терминал қызмет көрсетуде. Орал әуежайы арқылы Ақтау, Атырау, Алматы, Нұр-Сұлтан, Мәскеу және Франкфурт қалаларына ұшуға мүмкіндік бар. Жазда Анталья мен Шарм-Эль-Шейхқа чартерлік рейстер қатынайды. Жаңа терминал іске қосылған кезде жаңа рейстер ашылуы мүмкін. Ал бүгінде 100 орынға арналған көлік тұрағы тұтынушыларға қызмет көрсетуге дайын. Тек карантиндік режим аяқталуы тиіс.Ұшу-қону жолағына 2014-2015 жылдары жөндеу жұмыстары жүргізілгені аян. Одан кейін ұшу жолағы ені 65 метр, ал ұзындығы 2800 метрге дейін ұлғайған. Сондықтан кез келген ұшақ түрін қабылдауға мүмкіндік бар.

Оралда ұшақтар әуеге көтеріле бастады. Төтенше жағдайға байланысты екі айға жуық уақыт әуе рейстері жұмысын уақытша тоқтатқан еді. Совид 19 анықтамасы алып тасталғаны баршамызға аян. Алайда санитарлық талаптар қатаң сақталатын болады. Ал жолаушы пойыздары 1 маусымнан бастап жұмысын жандандырмақ. Жолаушылар міндетті түрде медициналық маска, антисептикалық құралдарды өздерімен бірге алып жүруі тиіс. Сонымен қатар тіркелуге ұшақ ұшпастан екі сағат бұрын келуі қажет. Өйткені жолаушылардың дене қызулары тексеріліп кейін сапарға рұқсат береледі. Орал халықаралық әуежайының бас директоры Хайретдин Расқалиевтің айтуынша, бүгінде әуежайда санитарлық талаптар толықтай сақталған. Күніне бірнеше мәрте дезинфекциялық шаралар жүргізіледі. Сонымен қатар, әуе көлігіде сапарға шықпас бұрын сақтық шаралары жүргізіледі. Жолаушылардан қандай да бір ауру белгілері байқалса, бірден жедел жәрдем қызметі шақырылады.

Орал халықаралық әуежайының ғимаратының жөндеу жұмыстары алдағы жылы аяқталмайтын болды. Бұл туралы Орал әлеуметтік-кәсіпкерлік корпорациясының мамандары мәлімдеді.Бұл жобаға қазынадан 2,4 млрд. теңге бөлінген. Құрылысқа жауапты «Казконтракшнгрупп» құрылыс компаниясы. Халықаралық әуежай басшылығы мәлімдегендей құрылыс жұмыстары жүріп жатқандықтан, қазір қызмет барасында бірқатар қиындықтар туындауда.Жаңғырту жұмыстары барысында қосымша ғимарат бой көтеретін болады. Бұрын сағатына 200 жолаушыға қызмет көрсетілсе, жаңарту жұмыстарынан соң 400 жолаушы әуежайдан шыға алады. Сонымен қатар ғимараттың көлемі екі есеге ұлғаймақ.