Жылқы өлекселері әлі жол бойында жатыр

Айнур Құрмашева — Mon, 08 Nov 2021 12:29:48 +0000

0:00 / 0:00

Осыдан бір апта бұрын көлік қағып өлтірген жылқылар «Орал-Атырау» тас жолының бойында әлі жол жиегінде жатыр. Бұл туралы арнамызға хабарласқан ауыл тұрғындары мәлімдеді. Олардың айтуынша, жануарлардың өлекселері күннің суықтығына қарамастан иістеніп жатырған көренеді. Оқиға 1 қараша күні шамамен сағат 21:30-да Ақжайық ауданы Тайпақ ауылы тұсында болды. Орал-Атырау тас жолының 290-шақырымында 30 жастағы жүргізуші «Ford Transit» автокөлігімен еркін жайылып жүрген 4 бас жылқыны қағып кеткен. Сол оқиғадан бері жылқылардың өлекселері әлі күнге дейін мал моласына апарылып, өртелмеген. Мұны ауыл әкімінің орынбасары жылқы иелерінің табылмағанымен байланыстырды.
Аталған факты бойынша мал иесі анықталып, ҚР Әкімшілік құқықбұзушылық кодексі 408-бабына сәйкес айыппұл салынатын болады. Қазір жол оқиғасына себеп болған жануарлар иесінің біреуі ғана анықталып, оған айыппұл салынған. Айта кеткен жөн, заң бойынша мал иесі анықталғанан кейін жануарларды жою мәселесімен өзі шұғылдануы тиіс көрінеді.

Орал-Атырау тас жолы кеңейтілмек

Айнур Құрмашева — Mon, 15 Mar 2021 12:46:40 +0000

Батыс Қазақстан облысында жолды уақтылы күтіп ұстамаған «Қазавтожол» ЖШС БҚО филиалына 90 млн-ға жуық теңге айыппұл салынды. Айта кеткен жөн, компания қыс мезгілінде жол бойын қардан тазарту жұмыстарын уақытылы орындамаған.«Орал-Атырау» тас жолы. Аты аталғанда алдымен бойыңды қорқыныш билейтін бұл бағыттағы жол бойында қанша адам қыршыннан қиылды десеңші. Мәселен, өткен айда осы жолға шыққан 13 адам қайта келмес мәңгілік сапарға аттанды. Сала мамандары жол бойындағы қар мен мұздың уақытылы тазартылып отырғанына қарамастан тас жолдың тарлығы да қозғалыстың қауіптілігін еселеп отырғанын атап өтті. Сол себепті алдағы жылдан бастап осы жол бойында құрылыс жұмыстары жүргізілмек. Сала мамандары жол бойын күтіп ұстауға тиісті техникалар тапшылығы басты проблемаға айналып отырғанын жасырмады.Өңірде республикалық маңызы бар жолдың ұзындығы 1414 шақырым болса, соның 238 шақырымы күрделі жөнделуде. Ал 1176 шақырым жолға «Қазавтожол» ЖШС БҚО филиалы күтіп ұстау жұмыстарын жүргізуге тиісті. "Жол активтерінің ұлттық орталығы мамандарының айтуынша, жыл басынан бері республикалық маңызы бар жолдарда 40 тексеру жүргізілсе, олардың 10-да олқылық анықталған. Сала мамандары ауа-райының қолайсыздығы салдарынан жол жабылғаны туралы хабарлама келгенде сапарға шықпауға кеңес береді.

Орал-Атырау тас жолы – TDK-42

Жылқы өлекселері әлі жол бойында жатыр

Орал-Атырау тас жолы кеңейтілмек