Ықсанов көшесінің бойында аймақ кәсіпкерлері жергілікті өнімдерін төмен бағамен саттыққа шығарды. Жәрмеңкеге 60 тауар өндіруші қатысып, тегін орын жайға ие болды.

Жәрмеңкеге Орал қаласы мен Бөкей орда, Жәнібек, Шыңғырлау, Теректі, Ақжайық аудандарының шаруа қожалықтары мен тауар өндірушілері қатысып, 32 төшке ірі қара, 10 төшке жылқы еті мен 10 тонна картоп, 18 мың дана жұмыртқа сатылған. Бұл жөнінде Орал қалалық ауыл шаруашылығы бөлімінің басшысы                Махамбет Батырғалиев мәлімдеді.

Қазір жәрмеңке ауқымды деңгейде өтетін болған. Таңдау мол, және бағалар да көңіл қуантарлықтай,-  дейді қала  тұрғындары.

Аталмыш шараға әкімдіктің қолдауымен тегін орын жайға ие болған 60 тауар өндіруші қатысты. Ауыл шаруашылығы жәрмеңкелері қаламыздың Ықсанов көшесінің Достық даңғылы мен Құрманғазы көшелері аралығында 14,21, 28 сәуір күндері жалғасады.

-"Жәрмеңке 7, 14, 21, 28-сәуір күндері Ықсанов көшесінің бойында таңғы сағат 9:00-ден түскі 13:00ге дейінгі аралықта өтеді. Келіңіздер, жергілікті өнімді қол жетімді бағаға сатып алыңыздар",-дейді Орал қалалық ауыл шаруашылығы бөлімінің бас маманы Сәуле Есқалиева.

Әдеттегі бағадан әлдеқайда төмен болғандықтан жәрмеңкеде ет пен жұмыртқа ең өтімді тауарға айналды. Тегін орынға ие болған кәсіпкерлер бұдан өзге сүт, балық өнімдері мен көкөніс, жеміс-жидектерін де Ықсанов көшесінің бойында саттыққа шығарды. Бұл биылдыққа шаһарымызда өтіп отырған екінші жәрмеңке. Баға қолжетімділігін қалыптастыруды мақсат тұтқан шара Ықсанов көшесінің бойында ұйымдастырылды. Жәрмеңкеге Тасқала, Теректі, Бөрлі, Қаратөбе аудандары мен Орал қаласының ауыл шаруашылығы өнімін өндірушілері қатысты.

Жәрмеңкеге тұрақтандыру қорынан картоп өнімдері шығарылып, қолда бар 1300 тоннаның 300 тоннасы сатылды. Тегін орын-жайға жайғасқан кәсіпкерлердің өнімін төмен бағаға сатып алу қарапайым халық үшін тиімді болғаны аңғарылды. Қаламызда ауыл шаруашылығы өнімдерінің кезекті жәрмеңкесі 17-наурыз күні өткізіледі деп жоспарланып отыр.

БҚО-да былтыр тағамдық және тағамдық емес өнімдерден алынған сынамалардың 11 пайызының сапа талаптарына сай келмейтіні анықталған. Ал биыл мемлекеттен бөлінетін қаржы сомасы артып, дүкендерден зертханалық сараптамаға алынатын өнімдер көлемі де ұлғайып отыр.

Өнімдердің қауіпсіздігіне мониторинг жүргізу үшін мемлекеттік бюджет есебінен санитарлық-эпидемиялогиялық бақылаудың формасы ретінде сатып алу жүргізіледі. Ет, сүт, күріш, сусындар, балалар тағамы, көкөністер мен жеміс-жидектер және алкоголь өнімдері де сараптамада тексерілген.

Өнім қауіпсіздігін бақылау үшін 2017-жылы 3 жарым млн. теңге бөлінсе, биыл 6 млн. қарастырылыпты. 268 сынаманың Кеден одағының техникалық регламенттеріне сай келмейтіні анықталған. Тағам өнімдеріндегі сәйкессіздік 4 пайызды құраса, оның 85-і кеден одағына мүше мемлекеттер мен отандық өндірушілерге, ал 14 пайызы шетелдік өндірушілерге тиесілі болып шыққан.

Былтыр департаментпен жоспардан тыс 5 тексеріс ұйымдастырылып, сәйкессіздіктерді жою туралы 60 ұйғарым дайындалған. Осылайша жалпы сомасы 181 520 теңгені құрайтын 5 айыппұл салыныпты.

Қоғамдық денсаулық сақтау департаменті шағым түспейінше ешбір бизнес өкілін тексеруге құқығы жоқ екенін айтады. Сол себепті өнім сапасына байланысты күмән болса, тұтынушы арыз жазуы керек. Қазір бұл қызметті оңтайландыру үшін ғаламтор арқылы арыз-шағым қабылдау жүйесі де жұмыс жасауда.