Оралдық кәсіпкерлер медициналық маскалар тіге бастады. Қазіргі таңда үш кәсіпорын дәріханада тапшы болған бетпелерді тігуді қолға алған. Сала мамандары оралдық өнімді дәріханалардан сатып алуға болады,- дейді.

Коронавирустың көптеп таралуының кесірінен дәріханаларда медициналық маска тапшы. Сұраныс көбейген сайын, қоймадағы бетперделердің бағасы да шарықтап, бірнеше есе қымбаттап отыр. Бұған қарамастан медициналық маскаларды сабылып іздеп жүрген бұқараның қарасы қалың.

Оралдық тігіншілер азаматтар таппай жүрген медициналық маскаларды тіге бастаған. Мына өндіріс ошағында 3-4 күннің ішінде 6000 дана бетпердені жасапты. Сала мамандары шикізатты Ресейден сатып алатындығын айтады. Қазір қоймада 30-40 мың данаға жететін мата бар көрінеді. Тапшы болған маскаларды тіге бастаған нысанның директоры қалған маталардың шекарадан кіре алмай тұрғандығын айтады. Өндіруші бір масканың құны 180 теңгені құрайды,- дейді. Оралдық шеберлер тіккен тауарға мекемелер көптеп тапсырыс беруде. Өндіріс ошағы тікелей тұрғындарға медициналық маскаларды саудалай алмай отыр.

Жалпы облыста 7 жеңіл өнеркәсіп нысаны бар. Қазіргі таңда олардың үшеуі медициналық масканы тіге бастапты.

Сала мамандарының таратқан ақпарына сүйенсек, жақын күндері оралдық тігіншілердің қолынан шыққан бетпелерді қаланың дәріханаларынан сатып алуға болады. Бұл өз кезегінде маскаларға деген сұранысты төмендетіп, бағаның тұрақтануына сеп болмақ.

Батыс Қазақстан облысында газ өндіретін зауыттың үшінші кезеңі іске қосылды. Өндіріс ошағы Чинарев мұнай және газ конденсаты кен орнында орналасқан. Жаңа нысанның ашылу салтанатына облыс әкімі Ғали Есқалиев қатысты.

Батыс Қазақстан облысында көгілдір отын өндіретін зауыттың үшінші кезеңі іске қосылды. Аталмыш нысанның құрылыс жұмыстарын жүргізуге батысқазақстандық компаниялар да ат салысқан. Облыс әкімі зауыттың үшінші кезеңінің іске қосылуына арнайы барып, құтты болсын айтты.

Жаңа нысанда табиғи газды өндіріп, оны кондетсат, сұйық және құрғақ газға дейін ыдыратады. Сала мамандары замануи техника сағатына 250 мың куб тауарлық газ, 220 тонна конденсатты өндіруге қауқарлы,- дейді.

Күні бүгінге дейін аталмыш өндіріс ошағынан 600 мың тонна болатын конденсат бен 800 млн куб құрғақ газ шетелге экспорталыпты. Зауыт 2022-2023 жылдарытолыққанды қуаттылығын арттырып,жылына 4,2 млрд куб газ өндіруді жоспарлап отыр.

Желаев нан комбинаты 40 жылдық мерей тойын атап өтті. Қазіргі таңда, өндіріс ошағы технологиялық модернизацияны қолға алған. Мерей тойды кәсіпорын ұжымы Наурыз мерекесінің форматында атап өтуді жөн көріпті. Мерекені тойлау үшін комбинаттың ұжымы алаңға жиналған.

Желаев нан комбинаты жұмысын осыдан 1978 жылдан бастады. Сол кезде бұл өндіріс ошағында тек элеватор жұмыс жасаған еді. Ал, қазіргі таңда бұл өндіріс ошағы 150 мың тонна бидайды сақтай алатын мүмкіндікке ие. Сондай-ақ, нан комбинаты күніне 500 тонна өнім өндіре алатын қуатылыққа ие. Ұн мен макарон зауыты еуропалық құрылғыларымен жабдықталған. Өнім өңіріміздің қажеттілігін өтеп отыр. Ақжайық өлкесінде өндірілген өнімнің жартысы еліміздің түкпір-түкпіріне жөнелтілуде.

Қазіргі таңда, өндіріс ошағы үлкен модернизацияны қолға алған. Бұл заман талабы екені сөзсіз.

Мереке күнін жұмысшы ардагер кеңінен атап өтуге ат салысты. Ардагердің еңбегі еленіп, олар сый-құрметке иеленді. Бұл Анна Шкуропат. Ол өндіріс ошағына мектепті бітіргеннен соң, еңбек етуге келген. Бүгінгі таңда, ол зейнет жасына жеткен ардагер жұмысшының бірі.

"Желаев" өндіріс ошағының иесі, Александр Матевосян жұмысшылардың айлығын мамыр айынан бастап он пайызға өсіретінін хабарлады.

Мерекелік концерт түрлі ән мен биге ұласты. Наурыз мейрамын тойлауға келген бұқара халыққа екі қазан өзбектің палауы даярланып, өндіріс ошағының қызметкерлері ұлттық тағамнан дәм татқан еді.