Орал қаласында республикалық олимпиада өтуде. Жалпы білім беретін пәндер бойынша ұйымдастырылатын сайыс 30-сәуірде өз мәресіне жетпек. Биыл пандемияға байланысты білім додасы облыс орталығында өтуде.

Облыс орталығында оқушылар арасында жалпы білім беретін мектеп пәндері бойынша республикалық олимпиада басталды. Аталмыш шара пандемияға байланысты, Орал қаласындағы "Юстадэй" орталығында өтіп жатыр.

Олимпиаданың облыстық кезеңінен топ жарып, еліміздің білімді оқушыларымен білім бәйгесінде жарысып, алған білімдерін тәжірбие жүзінде сынайтын оқушылар бейнебақылау құрылғысы бар компьютерде отырып тапсырмаларды орындауы шарт. Жарыстың өзі қоғамдық-гуманитарлық пәндер мен жаратылыстану бағыты бойынша өтеді.

Республикалық олимпиада 30-сәуірде аяқталады. Білім бәйгесінде топ жарған оқушылар 1,2,3 -орын мен министрліктің медаліне ие болмақ.

Дәстүрлі түрде ұйымдастырылатын спорттық олимпиада ойындары басталды. Шара өскелең ұрпақты саламатты өмір сүру салтына үйретіп 0ана қоймай, бұқаралық спортты дамытуды көздейді. Жыл бойы жас спортшылар түрлі жас ерекшелік бойынша сынға түсіп, шеберліктерін шыңдап, жеңімпаздарды анықтайды.

Биылғы жылы оқушылар 22 спорт түрінен сынға түседі. Спорттық сайысқа бірнеше жылдан бері қатысып келе жатқан өрендер бұл шараның маңызды тұсын атап өтіп, өткен жылы ұйымдастырылған жарысты айтып берген еді.
Мектеп оқушыларының басын қосқан қала біріншілігі мамыр айында қорытындыланады. Жарыстан оқ бойы оза шапқан спортшылар қала намысын облыс пен республика деңгейінде қорғамақ.

Білім бөлімінің мұрындық болуымен оздырылған шараға жас өнерпаздар қатысып, өз туындыларын сынға салды. Айта кетейік, облыс орталығында қазір 30-ға тарта мектепте құлтемірлерді құрастырып, ғылыми жұмыстармен айналысуға мүмкіндік жасалған. Осы бағытта оқушыларға арналған үйірмелер жұмыс жасап, аталмыш сала жақсы дамып келеді,-дейді мамандар.

№43ші жалпы орта білім беретін мектепте өтіп жатқан олимпиадаға өз мектептерінде робототехника саласында ізденіспен жұмыс жасап жүрген оқушылар қатысты.

-"Болашақта барлық салада пайдалануға болады деп күтіліп отырған құлтемірлерді жасау қазір мектеп бағдарламасына енгізілген болатын. Ондағы мақсат-ақпараттандыру, цифрландыру, компьютерлік технологияны жастарға тезірек меңгерту",-дейді Орал қалалық білім бөлімінің басшысы Жансұлу Төремұратова.

Спорт залда әр мектептің оқушылары өз туындыларының қандай мүмкіндіктері барын көрсетіп, бақ сынасты. Бүгінде мектеп мұғалімдері де осыған сай арнайы біліктіліктерін арттырған.

Қиын жұмысты атқаруда, адам денсаулығына қауіпті өндірісте жұмыс жасауда роботтардың қажеттілігі де, маңызы да әлемдік тәжірибеден аңғарылып отыр. Ал оқушылар қазір өз деңгейлерінде ғылыми жетістіктерді бағындыруға ұмтылуда.

Барлығы алғашқы қадамнан басталады. Дамыған заман ағымынан қалмау үшін оқушылар қарапайымнан күрделі механизмге көшіп, инновация жетістіктерін меңгеретін болады.

Шара олимпиада ойындарына қатысқалы отырған спортшыларға қолдау көрсету мақсатында ұйымдастырылған. Дүбірлі додаға қатысушылар арасында қос бірдей Батыс Қазақстандық бар екенін еске саламыз. Еліміздің байрағын олимпиадада алып жүру құрметі - Абзал Ажғалиевке сеніп тапсырылып отыр. Қазақстандықтарды қолдауға келген халық мұз сарайына лық толды. Аймақта допты хоккей мен шорт трек жақсы дамып, 250 ден астам адам осы спорт түрлерімен айналысады. Олимпиадаға біздің өңірден Нұрберген Жұмағазиев пен Абзал Ажғалиев қатысқалы отыр. Олар 500, 1500 метрлік қашықтықта және командалық эстафетада құрама сапында өнер көрсетпек.