Кеңес барысында министр Асхат Аймағамбетов оқулықтарды сараптау рәсімін және республикалық ғылыми-практикалық "Оқулық" орталығының жұмысын сынға алды. Жыл сайын оқулықтардың сапасы туралы сан мәрте айтылып келеді. Оқулықтардың сапасына байланысты халықтың наразылықтары көп. Біз бұл наразылқтарды ескеріп, келісуіміз керек. Біреу оларды қате деп есептейді, енді біреуі техникалық қателік деп атайды, бірақ, қоғамды бұл қызықтырмайды, - деп атап өтті Білім және ғылым министрі. Бүгінде көпшіліктің шымбайына батқан оқулықтарды басып шығару жұмыстары аяқталып, оқулықтардың 40 пайызы облыстарға жеткізілуде. Бұның ішінде біздің де өңіріміз бар.

Сонымен қатар, лицензиясы жоқ баспа орталықтары оқулықтарға қойылатын талаптардың бірін де ескермей, тек пайда табу үшін нарыққа жалған өнімдерін ұсынып әлек.

Жиын соңында білім және ғылым министрі мұғалімдерді іріктеп, олардың оқығандығы жөнінде куәлік беру, оқулықтар авторларын курстан өткізу, электронды платформа арқылы баспаларға айтылған ескертулерді бақылау сынды оқулықтардың сапасын жақсартудың 10 қадамын ұсынды. 2018 жылдың өзінде мемлекеттің білім беру саласына кететін шығыны көлемі - 2 трлн теңгені құраған. Қазіргі оқулықтардың өрескел қателерін түзету үшін ел қазынасынан енді қанша қаражат бөлінбек?! Ал, қазына қаржысы халықтың ақшасы.

Еліміздегі мазмұны жаңартылған оқулықтардың сапасы сын көтере ме? Жырға айналған орыс тілі кітаптарының ішінде ақылға қонымсыз тапсырмалардың бар екені рас. Білім және ғылым министрі Ерлан Сағадиев мырза «Бағдарламаның аз бөлігінде заманауи орыс тілін берсек, бала бұдан жаман болмайды» деген де болатын. Даулы оқулықтарға қатысты Елбасының өзі арнайы тапсырма да беріп, бүгінде министрлік қызметкерлері өңір-өңірде түсіндірме жұмыстарын жүргізуде. Жаңартылған білім мазмұнына сәйкес жазылған оқулықты ата-аналармен бірге талқылап, түсіндіру үшін білім және ғылым министрлігінің бір топ өкілі Оралға арнайы келді. Астанадан ат терлетіп келген делегация мүшелігінде министр кеңесшісі де бар. Олар Орал қаласындағы №7 орта мектепте 5-7-сыныптың ата-аналарымен және ұстаздармен кездесіп, оқулықтардың уақыт талабына сай екендігін жеткізді. Жаңа бағдарлама - іргелі білімге, аналитикалық тәжірибеге негізделген. Сәйкесінше, жаңа оқулықтар да жаңартылған білім беру мазмұнына сәйкестеліп, мейілінше баланың сындарлы ойлай білу қабілетін дамытуға бағытталған.
Айта кетелік, Оқулықтарды «Оқулық» республикалық ғылыми-практикалық орталығының сайтында орналасқан. Бұл портал оқу әдебиеттерінің сапасы бойынша ата-аналардың және педагогтар қауымының пікірлері мен ұсыныстарын қабылдауға арналған.