облыстық кезең – TDK-42

"Мерейлі отбасы" бауқауының облыстық кезеңінде Қарсақовтар жанұясы жеңімпаз атанды

Ажар Хамитова — Fri, 24 May 2019 12:09:42 +0000

0:00 / 0:00

БҚО - да "Мерейлі отбасы" ұлттық байқауының облыстық кезеңінде Қазталовтық Қарсаковтар әулеті жеңімпаз атанды. Отбасылық құндылықтарды насихаттайтын республикалық байқау биыл алтыншы мәрте ұйымдастырылып отыр. Аталмыш байқауға 48 отбасы қатысуға ниет білдіріпті. Ауыл, аудан мен қалалық кезеңнен сүрінбей өткен жанұялар облыс біріншілігіне жолдама алған.

"Мерейлі отбасы" байқауы осымен алтыншы жыл қатарынан ұйымдастырылып келеді. Еліміздің барлық дерлік елді-мекен, аудан мен қалаларда республикалық байқауға іріктеу жұмыстары жүріп, үздіктер анықталды. Ақ жайық өлкесінде ұйымдастырылған "Мерейлі отбасы" байқауына қатысу үшін 48 жанұя өтініш білдірген. Олардың 13-ші сайыстан сүрінбей облыстық кезеңге жолдама алыпты.

"Мерейлі отбасының" облыстық кезеңінде Қазталовтық Карсаковтар әулеті жеңімпаз деп танылды. Сайыстан сүрінбей өткен жанұя көп балалы, бүгінде 5 перзентті тәрбиелеп отыр. Отбасында қазақы дәстүр сақталып, балалардың дамуына ерекше көңіл бөлінетін көрінеді. Әулеттің тұңғышы отбасына деген махабатын өлең жолдары арқылы білдірді.

Облыстық кезеңде жеңіске жеткен Карсаковтар әулеті "Мерейлі отбасы" ұлттық байқауының республикалық кезеңінде өңір намысын қорғамақ. Отбасылық құндылықтар насихатталатын сайыс қыркүйектің тоғызы Нұр-сұлтан қаласында ұйымдастырылады.

Президенттік көп сайыстың облыстық кезеңі болып өтті

Ажар Хамитова — Mon, 17 Sep 2018 08:27:49 +0000

Орал қаласында Президенттік көп сайыстың облыстық кезеңі өтті. Спорт аламанына 150-ден астам спортшы қатысты. Жарысқа қатынасқан 9 команданың мүшелері түрлі сайыста өнерлерін ортаға салды. Олар түрлі спорттық сайыста кім мықтыны анықтауға тырысқан болатын. Жарыстың жеңімпаздары Алматы қаласында ұйымдастырылатын ел біріншілігіне жолдама алмақ.

Оралхан оқулары өтті

Ажар Хамитова — Fri, 20 Apr 2018 10:58:54 +0000

0:00 / 0:00

Орал қаласында дәстүрлі түрде Оралхан Бөкейдің оқуларының облыстық кезеңі өтті. Аталмыш шара биылғы жылы 17-ші мәрте ұйымдастырылып отыр. Облыстық кезеңге 28 қатысушы жолдама алыпты.

Мемлекеттік тілді насихаттау, ұлттық құндылықтарымызды өскелең ұрпақтың бойына сіңіру мақсатында Оралхан Бөкейдің оқулары ұйымдастырылды. Қазақ әдебиетінің тарихында ойып тұрып орын алған жазушының шығармаларын насихаттау үшін болып өткен сайыс үш кезеңнен тұрды. Бірінші кезеңде сайыс қатысушылары жазушының прозасынан үзінді оқыды.

Оралхан Бөкей шығармашылығына арналған додада 28 қатысушы бақ сынасты. Сайыстың шарты бойынша қатысушылардың жасы 16 мен 22 жастан аспауы керек. Сайысқа қатысып жатқан жандар түрлі салада қызмет етеді, студенттер мен мектеп оқушылары да бар. Аудандық кезеңде топ жарған көркемсөз шеберінің бірі- Ұлдай Есказиева. Ол Ақсай қаласынан келген.

Оралхан оқуларына қатысқан 28 үміткердің алтауы үздіктердің қатарынан көріне білді. Бәйгенің бас жүлдесін Махамбет Өтемісұлы атындағы БҚМУ-дың студенті қанжығалады. Оралхан оқуларында жеңіске жеткен қатысушы облыс намысын республикалық додада қорғамақ.

"Үздік мемлекеттік қызметкер" сайысының облыстық кезеңі ұйымдастырылды

Ажар Хамитова — Tue, 10 Apr 2018 06:33:51 +0000

"Үздік мемлекеттік қызметкерлер" атты республикалық сайыстың облыстық кезеңі ұйымдастырылып жатыр. Аталмыш сайыстың негізгі мақсаты: мемлекеттік қызметкерлердің беделі мен кәсіби шеберлігін арттыру. Республикалық додаға бақ сынау үшін 28 қызметкерлер ниет білдіріпті. Алайда, облыс деңгейінде өтіп жатқан жарыстың тестілеуін тек 15 маман тапсырған. Тестілеуден сүрінбей өткен мемлекеттік қызметкерлермен сұхбаттасу ұйымдастырылды.