облыс біріншілігі – TDK-42

Грек-римнен облыс біріншілігі өтті

Ажар Хамитова — Mon, 02 Mar 2020 12:50:06 +0000

Орал қаласында жасөспірімдер мен балалар арасында грек-рим күресінен облыс чемпионаты өтті. Аталмшы жарыс Сидоренко Михаил Ивановичтың жүлдесіне орай ұйымдастырылған болатын. Спорттық додаға 16 команда мен 400 спортшы бақ сынап, үздік палуанды анықтаған еді. Михаиль Ивановичтың жүлдесіне арналған сайысқа Ресейдің 10 командасы белдесу үшін арнайы келіпті. Аталмыш сайыс облыс орталығында осымен бесінші мәрте өтті. Сала мамандары облыстық чемпионатта үздік өнер көрсеткен жас спортшылар сәуір айында Алматыда өтетін спорттық сайыста бақ сынап, өңір намысын қорғайтынын айтады.

Облыс біріншілігі басталды

Ажар Хамитова — Wed, 16 Jan 2019 12:48:22 +0000

0:00 / 0:00

Орал қаласында қазақ күресінен Батыс Қазақстан облысының чемпионаты басталды. Аталмыш шара 2004-2005 жылы туылған палуандар арасында ұйымдастырылып отыр. Қазақ күресінің тарихы ерте заманнан басталған. Аталмыш спорт түрі тұңғыш рет 1938 жылы Алматы қаласында ұйымдастырылған республикалық спартакиаданың бағдарламасына енгізілген еді. Бүгінде облыс орталығында басталған байрақты бәсекеде 200-ден астам спортшы қатысып, бақтарын сынауда.

Қазақ күресінің спортшыларға берер пайдасы көп. Мәселен, аталмыш спортты жанына серік қылған жасөспірім шапшаңдыққа, ептілікке, тез арада шешім қабылдауға үйретеді. Бұл - боз кілемде үш бірдей қарсыласын жеңіп, өз өнерін ортаға салған Диас Гельманов есімді жас спортшы. Ол қазақ күресімен бес жылдан бері айналысып келеді. Он төрт жасар палуан үшінші кездесуінен алған әсерін былай деп айтып берді.

Облыс біріншілігінде жеңіске жеткен жас палуандар ақпан айында Алматы қаласында ұйымдастырылатын ел чемпионатына жолдама алмақ.

Президенттік көп сайыстың облыстық кезеңі болып өтті

Ажар Хамитова — Mon, 17 Sep 2018 08:27:49 +0000

Орал қаласында Президенттік көп сайыстың облыстық кезеңі өтті. Спорт аламанына 150-ден астам спортшы қатысты. Жарысқа қатынасқан 9 команданың мүшелері түрлі сайыста өнерлерін ортаға салды. Олар түрлі спорттық сайыста кім мықтыны анықтауға тырысқан болатын. Жарыстың жеңімпаздары Алматы қаласында ұйымдастырылатын ел біріншілігіне жолдама алмақ.

Баскетболдан облыс біріншілігі басталды

Ажар Хамитова — Fri, 05 Jan 2018 13:14:48 +0000

0:00 / 0:00

Шаһарымызда жасөспірімдер арасында баскетболдан спорттық сайыс басталды. Облыс біріншілігінде 2003 пен 2006 жылдан жылы туылған жас спортшылар бақ сынауда. 3 күнге жоспарланған спорттық сайыстың қорытындысының жеңімпаздары арқылы облыс құрамасы жасақталмақ.