«Nur Otan» партиясы қайта жаңғырмақ. Партия қатарына елдегі жағдайды жақсы білетін, қоғам қолдауына ие беделді лидерлерді таңдау қажеттігі туындап отыр. Бүгін билік партиясының төрағасы, елбасы Нұрсұлтан Назарбаевтың қатысуымен Nur Otan партиясы саяси кеңесінің кеңейтілген отырысы өтті. Онлайн режимде өткен кеңесте партияның жаңа бағытта даму барысы, партияның "қайта жүктеу" бағдарламасын жүзеге асыру және партияішілік праймериз - сайлау өткізу барысын талқылады.

Билік партиясы қайта жүктеуден өтуді жөн деп тапты. Нұротандықтар өз қатарын елдің қамын жетік білетін, қоғам алдында беледі бар көшбасышлармен толықтырмақ. Ол үшін партия праймериз өткізді. Ендігі 10 мыңнан аса қазақстандық «Nur Otan» праймеризіне өтініш берсе, оның 9 мыңға жуығы кандидат ретінде тіркелді. Партия мәліметіне сүйенсек, кандидаттардың 36,4%-ы – әйелдер, 28,9%-ы – 35 жасқа дейінгі жастар. Nur Otan партиясы саяси кеңесі бюросының отырысында, Елбасы Нұрсұлтан Назарбаев  қоғам партияның праймеризіне қызығушылық танытып отырғанын айтты.

Қыркүйек айында жергілікті бағдарламалардың барлық 216 жобасы жарияланатын болады. Сондай-ақ партияның бес жылдық мерзімге арналған бағдарламалары қайта пысықталады.  Партияішілік іріктеу кезеңдерін жүзеге асыру барысында елдегі індеттің таралуына орай санитарлық норманы сақтау басты мәселе болмақ.

Партия көшбасшысы «Nur Otan» қазақстандықтарды, қоғамның барлық сындарлы және салауатты күштерін біріктіруі тиіс деді. Тек сонда ғана кез келген қиындыққа төтеп бере аламыз деп тәмамдады өз сөзін. Партияның жан-жақты дайындығына қарағанда елде өтетін сайлаудың ауылы алыс емес -ау.

«Nur Otan» партиясының «Біз біргеміз!» акциясы аясында Батыс Қазақстан облысы бойынша 3325 отбасы азық-түлікпен қамтамасыз етілген. Бұл ретте өңірдің кәсіпкерлері мен мәслихат депутаттары, ерікті жастар, аудан әкімдіктері, «Жас отандықтар» және партия өкілдері айрықша белсенділік танытып отыр.Карантинде тарыққан халықты әлеуметтік көмектің жай-жапсары мазалайды. Осы орайда Елбасы, «Nur Otan» партиясының төрағасы Н.Назарбаевтың бастамасымен құрылған «Birgemiz» қоғамдық қоры төтенше жағдай аяқталғанша мұқтаж азаматтарға көмек қолын соза бермек. Бірінші транш арқылы Орал қаласының 5440 тұрғыны 50 мың теңгеден материалдық көмек алған. Екінші кезеңде 708 млн. теңгеге 18 мыңға жуық отбасыға көмек көрсетілген. Яғни 80 мың адам қаржылай және тамақ өнімдерінің пакеттерімен қамтамасыз етілген. Елімізде жарияланған төтенше жағдайға байланысты партияның облыстық және аумақтық филиалдары тұрғындардың арыз-шағымдары бойынша көмек көрсетуді жалғастыра бермек.«Біз біргеміз!» акциясы аясындағы азық-түлік тасымалдауды «Жас Отан» жастар қанаатының 100-ден аса еріктілері санитарлық нормаларды сақтай отырып жүзеге асыруда.Бүгінде партияға деген сенімділік артқан. Партияның облыстық штабына хабарласатын халықтың қатары екі есеге артыпты.

4-ші мамыр күні ҚР Президенттігіне кандидат Қасым-Жомарт Кемелұлы Тоқаевты қолдау мақсатында «Nur Otan» партиясының облыстық сайлауалды штабы ашылды. Штаб жұмысы Қазақстан Республикасының Сайлау туралы заңдарына сәйкес 11 мамырдан басталады. Бұл туралы  «Nur Otan» партиясының облыстық филиалы ғимаратында өткен брифинг барысында партияның облыстық филиалы төрағасының бірінші орынбасары Серік Сүлейменов мәлім етті.Облыстық филиалы төрағасының бірінші орынбасары айтуынша, «Nur Otan» партиясы алда өтетін Президент сайлауына дайын отыр. Өңірімізде партияның белсенділері мен жақтастарын қолдау мақсатында 13 қалалық және аудандық штабтар құрылып, 300 адам жұмысқа тартылды.
Партия мүшелері науқанда алға қойған мақсаттарын толық орындап шығатынына сенімді. Осыған орай үміткердің сайлауалды үгіт-насихат жұмыстарын тиімді жүргізу жолында жоспар жасақтап қолда бар мүмкіндіктер мен шаралардың барлығын іске қоспақ. Ал, «Nur Otan» партиясының Орал қалалық штабын Мұхтар Давлетжанов басқарады. Облыс бойынша 273 бастауыш партия ұйымында 34 600-ден астам мүше болса, бүгінде сайлау алды науқанға өңірлік штабтың 82 мүшесін нақты бекітілген.