Бір апта ішінде үш көлікті рұқсатсыз тізгіндеген сегіз жасар Николай Керцман есіңізде ме? Бүгінде жасы 10-нан асқан мектеп оқушысы балалар үйінде тәрбиеленуде. Тағдыры сан қилы баланың ет жақындары о дүниелік болыпты.Осыдан бірнеше жыл бұрын Николай Керцманның бір аптада үш көлікті айдап кеткені көзі қарақты көрерменге аян. Көлік жүргізуге құштарлығы ерекше балғынның одан кейінгі тағдыры арнамыз арқылы бірнеше мәрте көпшілікке ұсынылды. Анасы ізім-қайым жоғалған Николай ата-әжесі және әкесімен бірге тұрып жатқаны туралы да айтылған болатын. Осыдан бірнеше ай бұрын балдырғанның әкесі мен атасы мәңгілік сапарға аттанып, арнайы комиссия шешімімен ол мемлекеттің қамқорлығына берілген. Бүгінде Николайды асырап алуға ниет танытқан отбасылар да бар көрінеді.26-шы ЖОББ мектепте білім алған ол, осы жағдайдан кейін 20-сыншы мектепке ауыстырылып биылғы оқу жылын қанағаттанарлық деңгейде аяқтаған. Бүгінде ол бейімдеу кезеңінен ойдағыдай өтіп жаңа орынға үйреніп келеді дейді отбасылық үлгідегі балалар ауылының директоры. Қала бойынша қазіргі кезде 333 мектеп жасындағы бала ұйымдастырылған қамқорлықта.

Өткен жылы бір аптада үш көлік алып қашқан Николай Керцман өз қателігінен  сабақ алып, заңға қайшы әрекет жасамауға уәде берді. Ол үшінші сыныпты бітірді. Коляның әкесі баласы тәртібін бұзбаса алдағы туған күніне велосипед сатып алуға уәде берді. 8 маусымда  Николай 9 жасқа толады. Бұл күнді балдырған асыға күтуде. Өйткені, атасы мен әкесі оның жағымды мінезі мен жақсы сабақ үлгерімін көрсеткені үшін өзі қалаған сыйлықты алып беруге уәде берген. 3 сыныпты ойдағыдай аяқтаған Николайдың ұстаздары баланың бойынан жақсы қасиеттерінің ояна бастағанын айтады.  Оқу жылы аяқталған соң ол, үй шаруасына қолғабыс етіп жүр. Николайдың әкесі Александр  болса алдағы оқу жылында  ұлы қайтадан білімін сыныптастарымен бірге жалғастыратына қуанышты. Естеріңізге сала кетеміз, өткен жылы Керцмандар отбасы төрт көлік иесіне келтірілген шығынды өтеу қажет боолды. 6 тамызда 2-сынып оқушысы Suzuki көлігін айдап әкетіп, жол жиегінде тұрған Lada Granta-ға соқтыққан. 9 тамыз күні Коля Toyota шағын автобусын ұрлап әкетіп, көпір бағанына ұрынды. 12 тамыз күні бала тағы бір көлікті – Hyundai-ды мініп қашқан. Бетон бөгетке соғылып, оқиға орнынан тайып тұрған. Баласы кәмелетке толмағандықтан шығынды әкесі өтеді. 2019-2020 оқу жылында Николай өзі оқитын 26 ЖББОМ қайта білімін жалғастырмақ. Титімдей болса ұл бала өз қателігінен сабақ алғанын айтады. Деседе автокөліккее деген махаббаты әлі де ерекше көрінеді. Ер жеткен соң, өзінің жеке көлік жөндейтін орнымды салғым келеді дейді Николай.