"Ауыл аманаты" мемлекеттік бағдарламасы аясында облысқа биыл 6,4 млрд теңге бөлінген. Алайда бүгінге дейін республикалық бюджеттен су тасқынының салдарын жою жұмыстарына орай 1 млрд теңге ғана қаражат түскен. Облыстық ауыл шаруашылығы басқармасының басшысы Жасұлан Халиуллин жылдың соңына дейін тиісті сома игеріледі,-дейді."Ауыл аманаты" мемлекеттік бағдарламасы облыс бойынша өткен жылдан бастап жүзеге асты. Аталмыш жоба бойынша былтыр аймақ тұрығындарына 6,4 млрд теңге қаражат бөлініп, 932 несие берілген. Осылайша ауылдағы ағайын кәсібін дөңгелетіп қана қоймай, 1136 жұмыс орнын ашты. Биылғы жылы бұл бағытқа бөлінген қолдау көбейгенімен қаражат төтенше жағдайларды жоюға бағытталып, шаруаларға субсидия кеш беріліп жатқан көрінеді. Осы орайда сала өкілдері қолдауға ие болғандар жоба бойынша жұмысты тек қаражат қолға тиген соң бастауға болатынын айтады. Бұл мәселе тек біздің облысқа ғана емес, Түркістан, Қостанай, Актөбе сынды су басқан аймақтарда да орын алып отырған көрінеді. Биылғы жылы бағдарламаға өзгеріс енгізіліп, қолдау қаржысының 50 пайызы мал шаруашылығына, 50 пайызы кәсіпті жандандыруға бағытталыпты. “AQJAIYQ” әлеуметтік-кәсіпкерлік корпорациясы аталмыш жоба бойынша Бөрлі мен Орал қаласының аумағында сүт өнімдерін өндіретін қос зауыттың бой көтеретінін айтады. Ауыл шаруашылығы еліміз үшін стратегиялық маңызы бар салалардың бірі болғандықтан бұл саладағы ахуал мемлекетіміздің азық-түлік қауіпсіздігіне тікелей әсер етеді. Еліміздегі ауылшаруа­шы­лық саласы әлі де болса тәуекелі жоғары, табиғи-климаттық жағдайларға тәуелді. Сол себепті сүт белдеуін қалыптастыру үшін зауыт салынып, қала халықына өзіміз өндірген табиғи өнім ұсынылмақшы.
«Ауыл аманаты» жобасы бойынша қайтарылған 270 млн теңгеге де несие беріліпті.

"Сбербанктың" облыстағы филиал ғимаратына келуші халықтың қатары көп. Банк тұтынушыларының айтуынша, соңғы бір айда ақша аудару мүмкін болмай отыр. Және несие төлеуге қатысты да бірқатар мәселе бар.Бірнеше күннен бері ресейлік банк филиалына жиналған халықтың қарасы қалың. Банк клиенттерінің сөзіне сенер болсақ, көбі шетел аумағында жүрген жақын-жуығына ақша аудара алмай әбігерге түскен. Солардың бірі - Ольга Щучкина. Ол Ресейде оқитын ұлына қаражат жібере алмай жүр. Оған қоса ниесе төлеміне қатысты да мәселе айтылуда. Өйткені кешегі тәуліктен бастап тұтынушыларға смс хабарлама келіп, төлемдердің өзге банк арқылы жүргізілетіні хабарланыпты. Белгілі болғандай жарияланған санкцияға байланысты Halyk Bank және «Сбербанк» АҚ ортақ келісімге қол қойды. Оның шеңберінде клиенттерінің кредиттік портфелін толықтай Halyk Bank орындайтын болады. Бұл туралы Қазақстанның даму банкі хабарлады. Мәміле Қазақстан Даму Банкінде жеңілдікпен кредит беру бағдарламасы бойынша рәсімделген.
Қазіргі уақытта жеке тұлғалар кредиттерінің ауысу процесі іске қосылған. Түсіндірме жұмыстары жүргізілуде.

БҚО-да несие алып, кәсіптерін дөңгелеткен бизнес нысандарының көмегімен 627 адам жұмыспен қамтылған. Қазіргі уақытта Орал қаласының кәсіпкерлерін қаржыландыру жалғасуда. Іс бастаймын деп мемлекеттен қолдау күткен жандарға жалпы сомасы 500 млн. болатын 50 -ден астам несие берілетін болады. Мемлекеттік бағдарлама бойынша бөлінген қаржының игілігін Подстепное ауылының тұрғыны да көріп отыр.

Подстепное ауылының тұрғыны Мұрат Баймұхамбетов автокөліктер қозғалтқышының бүріккішін жөндеу ісін осыдан бір жыл бұрын бастапты. Кәсібін ашуға ауыл шаруашылығын қаржылай қолдау қорынан 6 пайыздық жылдық мөлшерлемемен 6 млн теңге несие рәсімдеген. Осы қаражатқа еуро стандартты дизель отынмен жүретін техникалардың электронды форсункаларын жөндейтін және жөндеген соң ақау жоғын тексеретін арнайы қондырғы сатып алған. Кәсіпкер жазғы уақытта жұмысы жақсы жүргенін айтады. Ал қазір тапсырыстар біраз азайған. Айта кетейік, "Еңбек" бағдарламасының 4 бағыты бар. Мал және егін шаруашылығы, ауылдық жерде кәсіпкерлікті дамыту, ауыл шаруашылығы өнімдерін қайта өңдеу. Несиелер көп балалы аналар мен жағдайы төмен отбасылаға 4 пайызбен 6 жарым жылға беріледі. Мұрат Баймұхамбетов бағдарлама бағыттарының бірін пайдаланып отыр.

Жеңілдікпен қолдау алу үшін несие тарихыңыз бен басқа қарыздарыңыздың бар-жоғы тексеріледі және кепілге қоятын мүлігіңіз болуы шарт.

Бұл Сырым ауданы Шағырлыой ауылында орналасқан "Тіленші" шаруа қожалығы. Қожалық иесі 2013 жылы алғаш рет "Ауыл шауарышылығы қаржылай қолдау" қорынан несие алып, 50 бас аталық және аналық ірі қара сатып алады. Мемлекеттік бағдарлама бойынша берілген қаражатты қайтарып, шаруасын дөңгелетіп отырған кәсіпкер ақсақал Ерген Таумышев биыл тағы да 30 млн теңге несие алыпты.

Қазіргі таңда шауары қожалықта 250 бас мүйізді қара мен 70 тен астам жылқы бар. Барлығы да жергілікті мал. Сондықтан табиғатқа бейімделіп, жерсінуі жағынан қиындық болмаған.

Бірақ бұл матор қазір жанармаймен жасап тұр. Сондықтан малды суарудың өзі қымбатқа түседі. Күніне 20 литр жанармай жұмсалады.  "Тіленші" шаруа қожалығына тиесілі жайылымдық жер көлемі 1 445 гектар. Мал азығын дайындайтын техникалары жеткілікті. Бүгінде облыста ауыл шаруашылығын қаржылай қолдау қоры мал шаруашылығымен айналысамын деушілерге 30 млн теңгеге дейін несие береді. Ірі қара, жылқы, қой, түйе шаруашылығын дамытуға берілген несиенің мерзімі 10 жылға дейін. Екі жылға дейін ақшаны қайтаруда демалыс жарияланып, шаруа қожалықтың аяқтан тұруына уақыт беріледі. Қазір "Тіленші" шаруа қожалығының басшысы Ерген Таумышев еңбегінің жемісін көріп отыр. Оған бұл істе ұлдары көмектеседі. Маңдай терімен нәпақасын тауып отырған еңбек адамы болашақта асыл тұқымды мал басын сатып алып, шаруасын одан әрі дамыту, кеңейту жоспары барын айтады.

Еліміздің аумағында жас отбасыларға арналған жаңа бағдарлама іске қосылды. Аталмыш бағдарламаға барлық жас отбасылар және отау құрғандарына 3 жылдан аспаған ерлі-зайыптылар қатыса алады.

Жас отбасылар үшін қуанышты жаңалық. Елімізде жас отау тіккен жандарға арналған "Жас отбасы" атты бағдарлама іске қосылды. Аталмыш бағдарламада ерлі-зайыптылардың жасына қарамайды. "Жас отбасыға" қатысу үшін ерлі-зайыптылардың заңды түрде отау құрғандарына 3 жылдан аспауы керек.

Жас жұбайлар жаңадан депозит ашып, үйдің 50 пайыз құнын жинауы шарт. Бір жылдан кейін 6 пайызбен несие рәсімдеуге болады.

Бағдарламаға қатысушылар үйдің жарты ақшасын жинап, бағалау көрсеткішін 5 баллға жеткізгеннен кейін, жаңа үйден немесе екінші нарықтан пәтер әлде жер үй алуға несие ала алады. Мамандар құжаттарды тапсыру үшін ерлі-зайыптылардың төлқұжаты мен неке қиғандығын растайтын құжат қажет,- дейді. Және банк қызметкерлері ерлі-зайыптыларға екі шот ашып, қаражат жинауға кеңес береді.

2020 жылдан бастап "Нұрлы жер" бағдарламасы арқылы үйді несиеге рәсімдейтін ережеге өзгерістер енді. Жаңа талаптар бойынша пәтер кезегінде тұрған жандар ғана мемлекеттік бағдарлама арқылы баспананы несиеге рәсімдей алады. Биылғы жылдан бастап тұрғын үй-коммуналдық шаруашылығын дамытуға арналған мемлекеттік бағдарлама сатылы деңгейде жұмыс жасап, баспана мұқтаждығын азайтпақ.

2020 жылы БҚО "Нұрлы жер" мемлекеттік бағдарламасының аясында 10 көп қабатты тұрғын үй пайдалануға берілмек. Баспана кезегінде тұрған жандардың тұрғын үй мәселесін шешуге арналған бағдарламаны орындау үшін қазынадан 11 млрд. теңгедей қаражат бөлінген. Көп қабатты тұрғын үйдің 8-і Орал қаласында бой түзесе, Бөрлі ауданына қарасты Ақсай қаласында екі үйдің құрылысы аяқталмақ.

Елімізде 2020 жылдан бастап тұрғын үй -коммуналдық шаруашылығын дамытуға арналған "Нұрлы жер" мемлекеттік бағдарламасының шарттары өзгерді. Енді мемлекеттік бағдарлама сатылы деңгейде жүзеге аспақ. Бағдарламаның бірінші сатысында жалдамалы пәтерлер сатып алу құқығынсыз әлеуметтік аз қамтылған отбасыларға берілмек. Бағдарламаның екінші сатысы "Бақытты отбасы" деп аталады. Аталмыш бағдарлама 2018 жылдан бері жұмыс жасап келеді. "Бақытты отбасыға" көпбалалы, мүмкіндігі шектеулі баланы тәрбиелеп отырған отбасылар мен жалғыз басты аналар қатыса алады. Былтыр республика бойынша аталмыш бағдарламаны іске асыру үшін 50 млрд. теңгедей қаражат қарастырылған болатын.

Енді бағдарламаның үшінші сатысына тоқталсақ. Ертеректе, "Нұрлы жер" бағдарламасы арқылы "Тұрғын үй құрылыс жинақ банкінің" салымшылары мен әкімдіктің есебінде түрлі категория бойынша пәтер кезегінде тұрған азаматтар тиімді шарттармен несиеге рәсімдей алатын еді. Бірақ, биыл бағдарламаның шарттары өзгерді. Жаңа талаптар бойынша бағдарламаға тек пәтер кезегінде тұрған жандар ғана қатыса алады.

Ал енді баспана кезегіндегі ешбір категорияға енбейтін, бірақ "Тұрғын үй құрылыс жинақ банкінің" салымшысы болып табылатын азаматтар қалай пәтер ала алады деген сұрақ туындайды. Сала мамандары бірінші "Нұрлы жер" бағдарламасы арқылы пәтер кезегінде тұрған жандар арасында конкурс ұйымдастырылады. Кейін, олардан артық қалған пәтерлер болса ғана банктің салымшылары несиеге рәсімдей алады,-дейді. Сондай-ақ басқа несиелік бағдарламалар арқылы да баспанаға қол жеткізу мүмкіндіктері бар. Облыс көлемінде барлық тұрғын үйдің құрылысын арнайы "Map.stroy-bko.gov.kz сайтынан бақылап, салынып жатқан нысан туралы ақпарат алуға болады.

Оралдық 170 жанұя “бақытты отбасы" бағдарламасына қатысу үшін жолдамаға ие болады. Бұл туралы қалалық әкімдәкте өткен жиында белгілі болды. Аталмыш бағдарлама пәтер кезегінде тұрған азаматтардың үш категориясына арналған. Яғни, көпбалалы отр, мүгедек баланы тәрбиелеп отырған жанұялар мен толық емес отбасылар 20 жылға дейін баспананы несиеге рәсімдей алатын мүмкіндікке ие болып отыр.

Еліміздің аумағында "Бақытты отбасы" бағдарламасы өз жұмысын бастады. Бұл бағдарлама көп балалы, мүгедек баланы тәрбиелеп отырған жанұя мен толық емес отбасыларға арналған. Яғни, пәтер кезегінде жылдап тұрған жанұялар арман болған пәтерлерін несиеге рәсімдей алады. Несиенің көрсеткіші 2 пайызды құрап отыр. Көптен күткен баспанаға қол жеткізу үшін тұрғын үй коммуналды шаруашылығына келіп, тиісті жолдама алып, оны банкке тапсыру шарт.

Жалпы облыс бойынша "Бақытты отбасы" бағдарламасына қатысу үшін 216 адамға жолдама берілді. Оның 170-сі оралдықтарға тиесілі. Яғни, көпбалалы аналар санатындағы отбасылар үшін 80 орын, көпбалалы 45 ал, мүгедек балаларды тәрбиелеп отырған жандар үшін 45 жолдама беріліп отыр. Бағдарламаның шарты бойынша олардың баршасы пәтер кезегінде тұруы керек.

Қазіргі таңда Орал қаласы бойынша 13 категория бойынша 19500-ден астам азамат пәтер кезегінде тұр. Биыл аталмыш санаттағы жандар үшін 216 пәтерлік тұрғын үйдің кілтті табыс етіледі деп жоспарлануда.

"Ұлттық банк" кімдердің несиесі кешірелетіндігін айтып берді. әзірге облыс бойынша берешекті өтеу үшін тиісті қаражат тапшы. Банк қызметкерлеріне еңбек және әлеуметтік қорғау министрлігінен борышкерлер туралы ақпарат берілмепті.  Батысқазақстандықтар қанша несие алды?

Мемлекет басшысының әлеуметтік тұрмысы ақсап тұрған жандардың 300 мың теңге көлеміндегі несиелік берешегін жабатыны туралы ақпаратты естіген бұқара халықтың қуанышында шек жоқ еді. Аталмыш сомма әсіресе, аз қамтылған жанұялардың қалтасын қағады. Сол себепті, мемлекет оларға жәрдемдеспек. Сондай-ақ, түрлі айыппұл мен тұтынушылық несиелердің өсімпұлдарды да кешірілмек.

Әзірге берешекті жабу үшін қанша қаражат қажет екендігі белгісіз. Банк қызметкерлері барлық ақпарат еңбек және әлеуметтік қорғау министрлігінде дейді. Жалпы батысқазақстандықтар алған тұтынушылық несие 92 млрд теңгені құрап отыр. Несиенің біраз бөлігі кешірілетін жандардың келешекте қарыз алуын банктың өзі шекпек.

Алайда, банк қызметкерлері берешекті колекторлық компанияларға өткізіп жіберсе, мемлекет бұл дауға араласа алмайтындығын атап өткен жөн. Бұл кезде несие кешірілмейді.

Биылғы жылдың төрт айында БҚО - да адамдар банктен 91,3 млрд теңге көлемінде несие алған. Бұл өткен жылғы көрсеткіштермен салыстырғанда 21,5 пайызға көп. Бүгінгі таңда несие бойынша берешектің көлемі 262,1 млрд теңгені құрап отыр.

Бірінші жартыжылдықты қорытындылаған ұлттық банктың өңірдегі өкілдері биылғы жылдың бес айында 91,3 млрд теңге көлемінде несие берілгендігін айтады. Олардың 159,9 млрд теңгесі жеке тұлғаларға тиесілі. Берешектің соммасы 262,1 млрд теңгедей қаражатты құрапты. Сондай-ақ, банк қызметкерлері азаматтардың депозиттеріндегі көрсеткіштің де артқандығын тілге тиек етті.

"Ұлттық банк" қазақстандықтардың баспаналы болуы үшін "7-20-25" бағдарламасын "Баспана" ипотекалық ұйымымен жасақтағаны баршаға мәлім. Қазіргі таңда облыс көлемінде осы бағдарламамен 6 банктың филиалдары белсенді жұмыс жасап жатыр. Азаматтардан бағдарламаға қатысу үшін 372 өтініш келіп түскен.

Сондай-ақ, Ұлттық банктың өкілдері бес айдың көлемінде 97 арыздың келіп түскендігін хабарлады. Шағымдардың дені жеке тұлғалардан. Азаматтар көбіне, банктердің пайыздық мөлшерлемені дұрыс есептемей деген арыздарымен шағымданатын көрінеді.

Бұл жөнінде бүгін өңірлік коммуникациялар қызметінде өткен брифингте айтылды. ҚР ұлттық банкі өкілдері тілшілермен болған кездесуде қанша несие рәсімделгенін атап, "әрбір отбасына баспана алудың жаңа мүмкіндіктерін беру" ипотекалық тұрғын үй кредиттеу бағдарламасының жүргізілу барысын баяндады.

Несиенің нысаналы мақсаты - тұрғын үй сатып алуға арналған. Яғни салымшы өз қалауы бойынша баспана тауып, несие рәсімдей алады. Бұл кезде шотында үй немесе пәтер құнының 20 пайыздық бастапқы жарнасы болуы керек. Ипотекалық тұрғын үй қарызы тек қана теңгемен беріледі. Батыс Қазақстан облысында сатып алынатын баспананың ең жоғарғы бағасы 15 миллион теңгеден аспайды. 2018 жылғы қаңтар - шілдеде банктердің филиалдары 142,6 млрд. теңге сомасында кредиттер беріліпті. Бұл 2017 жылдың қаңтар - шілдемен салыстырғанда 22,4%-ға көп. Ұлттық валютада берілген кредиттер 141,8 млрд. теңге құрап, 22,5%-ға өскен. Шетел валютасында берілген несиелер көлемі де 12,1 есеге көбейіпті. 2018 жылғы 20 тамызға елімізде екінші деңгейдегі банктермен жеке тұлғалардан 7-20-25 бағдарламасы бойынша займ алу үшін 1586 өтінім қабылданды, соның ішінде жалпы сомасы 11,9 млрд. теңгеге 1026 өтінім мақұлданыпты.