Бектенов бастаған үкімет құрамын жасақтағанда мемлекет басшысының бірініш тапсырмасы-салық саясатына қатысты болды. Салық салу жүйесі қайта қарастырылады. Соның ішінде қосымша құн салығының механизіміне өзгеріс енгізілмек. Үкіметтің кеңейтілген отырысында Президент Қасым-Жомарт Тоқаев қазір әзірленіп жатқан жаңа салық кодексіне көңілі толмайтынын айтты. Үкіметке инвесторларға қолайлы жағдай жасайтын және бюджетке қажетті көлемде қаржы әкелетін құжат дайындауды тапсырды. Мемлекет басшысы Қазақстанда түпкі мәні өзгеріп кеткен қосылған құн салығының өзін реформалау қажет. Оны 12 пайыздан 16 пайызға дейін көтеру мәселені шешпейді деген еді. Сарапшылар қосылған құн салығын көтеру көлеңкелі экономиканың үлесін арттырып, инфляцияның өсуіне әкеп соқтыруы ықтимал деп орынды пікір білдіріп жатыр. Бұл қадам еліміздің инвестициялық тартымдылығына да кері әсер етуі мүмкін екенін алға тартады. Үкімет қосымша құн салығының ставкасын өсірмейтін болды. Сондай-ақ, бюджет шығыстарын қысқарту көзделіп отыр.

Қаржы министрінің мәліметінше, бүгінде бюджеттің шығысы 24 триллион теңгені құрайды. Үкімет қорғаныс саласы мен әлеуметтік төлемдерден басқа шығыс көздерін майшаммен қарамақшы. Яғни сансыз форумдар мен іссапарларға жұмсалатын шығыстар қысқаруы мүмкін.

Сондай-ақ, шағын кәсіпкерлер үшін қазір тиімсіз болып отырған мәселенің бірі- мобильді аударымдар. Елімізде ай сайын 100 адамнан мобильді аударым алғандардың шоты тексеріледі. Бұл 3 ай қатарынан қайталанса, банк азамат жайлы кірістер органдарына есеп береді.Мобильді аудармаларды тексеру заңсыз кәсіпкерлік қызметтің көлеңкесінен шығуға бағытталған.Алайда,бұл жаңашылдық шағын кәсіпкерлердің көңілінен шығып отырған жоқ. Ақжолдық депутаттар мобильді аударымдардың фискалды бақылауы бизнес үшін үлкен кедергі келтіріп отыр.Орта және шағын бизнес өкілдері – олигархия емес. Олар шағын ғана саудамен айналысатын қарапайым адамдар. Семлекет бюджетін жеп, оффшорға шығарып жатқан жоқ дей келе, бұл мәселені қайта қарауды ұсынғанды. Жаңа құрамдағы экономика және қаржы министрлері аталған мәселенің өте сезімтал екенін мойындап отыр. Сондықтан мобильді аударымдар мәселесі тағы бір рет қаралатын болады деді вице-премьер Нұрлан Байбазаров.