Биғалиевтер ансамблі әр түрлі жанрдағы қазақ, орыс, түрік тілдеріндегі әндерді нақышына келтіріп орындайды. Әулеттің отағасы Марат Биғалиев мал өсірумен айналысатын шаруа қожалығын басқарады. Отанасы Нұржамал Сұраншиева "батыр ана" төс белгісінің иегері. Осы ата-аналары құрған отбасылық ансамбльге биыл 40 жыл толып отыр.

Наурыз мерекесін Биғалиевтар отбасы бірге қарсы алып, атап өтеді. Бір кездері ата-аналары бастаған отбасылық ансамбль құрамы бүгінде өзгеріп, жасара түскуен. Әулет дәстүрі бойынша бұл үйдің ұл-қызы ұлттық құндылықтарды сақтап, дәріптеуге аса мән береді.

Сондай-ақ отбасылық ансамбль мүшелері бұл күндері барлық мерекелік ән кештер мен думан-тойдың гүлі болып, өнерлерімен елді сүйсіндіруден шаршамайды. Ал қонақтар үшін жайылған дастарханнан дәм үзілген емес.

Отанға деген ыстық махаббат пен патриоттық рухты, ұлттық тәрбиені өз ұрпағының бойына сіңіріп өсірген бұл отбасының өнегесі баршаға үлгі боларлықтай.

Орал қаласында бой түзеген РУ 170/2 түзету мекемесінде Әз-Наурыз мерекесі өз бастауын алды. Сотталған азаматтар "Жастар шығармашылық орталығымен" бірлесе отырып, мерекелік концерт ұйымдастырды. Шараға діни бірлестіктердің өкілдері мен құзырлы мекеме мамандары да қатысқан болатын.