Орал қаласында 29 мұз айдыны құйылған. Суық түсе қаңырап қалатын ойын алаңдары бүгінде мұз айдындарына айналып, спортпен шұғылданушыларға коньки тебуге жағдай жасалған. «Жалпы, шаһар аумағында мұз сырғанақтарына келушілер қатары көп,- дейді мамандар. Тіпті демалыс күндері табиғат аясында тынығушылар еселене түсетін көрінеді екен. Мәселен, Достық 203 мекенжайында орналасқан хоккей тебу алаңына желтоқсан айында жасынды мұз құйылған. Деседе демалыс күндері түскен жауын-шашын мен боранның салдарынан мұз алаңына қайта құру шаралары жүруде. Қалалық дене тәрбиесі және спорт бөлімінің бас маманы Артур Шерғалиевтің айтуынша, қазір Оралда 29 мұз айдыны жұмысын бастады. Оның 11-еі хоккей қорапшасымен қоршалған. Оларға келуші балалардың саны мыңнан асады. Бүгінгі таңда Мәметова, Тұңғыш Президент алаңы, «Сити центр «ойын-сауық орталығы, «Жастар» стадионынада, «Еуразия» мен «Атамекен» туристік базаларында және қаладығы 11 мектептің ауласында мұз алаңдары жұмыс жасап тұр. Бұған қоса мұз қорапшаларының қасында коньки, сырғытпа таяқты жалға беретін пункттер де жұмыс істейді.Қысқы демалыс кезінде мұнда келушілердің саны көбейеді. Ал аяз күндері сырғанаушылардың саны азаяды. Балалар ата-аналарымен бірге келіп, коньки тебеді.