Өңірде эпидемиологиялық ахуал әлі де тұрақсыз. Дегенмен аурушаңдық мамыр айында 23 пайызға төмендеген. Облыстық КВИ-ға қарсы жедел штаб отырысында айтылғандай өңір тұрғындары өздерінің науқас екенін біле тұра жолға шығып, арудың одан әрі таралуына себеп болуда.Ауру таралу көрсеткіші бойынша өңір бір аптадан бері сары аймақтар тізімінде. Дегенмен де бұл матрица бір тәулікте өзгеруі бек мүмкін. Өйткені өңір Ресейдің бірнеше облысымен шекаралас орналасуы себепті ауру өзге аумақтан тасымалдануы ықтимал. Күніне шекарадан шамамен 2000-нан аса адам өтетіндігін ескерсек, санитарлық талаптарды сақтау аса маңызға ие. Жедел штаб отырысында медицина саласы өкілдерінің баяндамалары тыңдалды. Мәселен, ауруға қарсы препараттар жеткілікті. Дегенмен де, науқастардың дерті дендеп, өмірмен қоштасу жағдайлары азаяр емес. Оған негізгі себеп-ауру жұқтыруды жасыру және үй жағдайында өз беттерінше емделу. Мәселен, жыл басынан бері стационардағы науқастардың 14 пайызы қайтыс болған. Талдаулар қорытындысында көрсетілгендей марқұмдардың 85 пайызында созылмалы аурулардың асқынуы болған. Сонымен қатар, бірнеше адам дигноздарын біле тұра жолға шығып, балаларға ауру жұқтырыпты. Сол себепті облыстағы мекемелер мен кәсіпкерлік субъектелері тек "Ашық" мобильді қосымшасымен қызмет атқаратын болады. Күні бүгінге дейін аймақта барлығы 467 нысан "Ашыққа" тіркелген. Сонымен қатар өңір басшысы қала әкіміне монитоингтік топтар халықтың көп жиналатын орындарында тексеруді күшейту қажеттігін ескертті. Мәселен, Оралдағы тынымбақтар мен саябақтарда адамдардың топталып серуен құруы мәселені одан әрі ушықтыру мүмкін. Айта кеткен жөн, 8 мониторингтік топ тек қана шағымдар негізінде ғана жұмыс жасайды.Бүгінге дейін барлығы 186 бұзушылық анықталып, олардың 123-нде заңсыздық орын алғаны белгілі болыпты.

Соңғы аптада БҚО-да КВИ жұқтыру дерегі 15 % ке азайған. Бұл туралы өңірлік коммуникациялар алаңындағы брифингте облыстың бас санитар дәрігері Мұхамғали Арыспаев мәлімдеді. Індеттің бәсеңсуі облыста енгізілген карантиндік шектеулердің нәтижесі,- дейді сала мамандары. Оның үстіне ауруға қарсы екпе алушылардың саны күрт көбейген. Еліміз бойынша вакцина қабылдауға ниет танытқандар қатары өңірде көп көрінеді. Әсіресе денсаулығына алаңдаған қарапайым халық демалыс күндерінде де емханаларға көптеп жүгінуде. Айта кету керек өңірде ауруы асқынып, еміне дауа болмай, өмірмен қоштасқандар қарасы да азаймай отыр. Оған негізгі себеп - санитарлық талаптарға бой ұрмай, көпшілік көп жиналатын орындарға бару және ауруды асқындыру. Жыл басынан бері 121 адам тажалдан ажал құшқан. Өңірде өткен тәулікте коронавирустық инфекциямен 151 жағдай тіркелген.Облыста бірінші мамырдан бастап 21 орында блокбекет қойылды. Осы өткелдерде полиция қызметкерлерімен карантин режимін бұзудың 383 фактісі анықталыпты. Алдағы мерекелерге орай, шектеулер әлі де жалғасады.

Екпе алғандар өздерін қалай сезінуде? Құдды бір челлендж секілді вакцина еккендерін желіде жарыса жариялаған облыс басшыларының орынбасарлары мен лауазымды қызметтегі атқамінерлердің жағдайы қалай? Арада үш күн өтті... Мысалы, коронавирусқа қарсы вакцина алған медицина қызметкерлері өздерін жақсы сезінетін көрінеді.Ресейлік вакцинаны салдырған облыстың бас санитар дәрігері Мұхамғали Арыспаев пен орынбасары Нұрлыбек Мұстаев, облыс әкімінің орынбасары Айдар Нұрәлиевтің жағдайлары жақсы дейді дәрігерлер. «Спутник V» препаратын қабылдағаннан соң олар 30 минут дәрігерлердің бақылауында болған. Ал облыстың бас дәрігерінің міндетін атқарушы Арман Қалибеков бір тәулікте қалада 100-ге жуық адамның вакцина алатынын мәлімдеді. Ескере кететін бір жағдай медицина қызметкерлерінің ішінде бүгінгі күні халықпен тығыз қарым-қатынаста болатын топтар екпе қабылдауда. Солардың бірі №1 қалалық емхананың медбикесі - Меңдіғаным Ахмедиярова.Вакцинаның екінші партиясы 10 ақпан күні облысқа жеткізіледі деп жоспарланып отыр. Қазір коронавирусқа қарсы күшке айналған препарат қан орталығында сақталуда. Батыс Қазақстан

Бір аптада аурушаңдық 44,2 пайызға өсті. Қаңтар айы басталғалы БҚО-да коронавирустық инфекцияның 1561 зертханалық расталған жағдайы тіркелді. Оның 992 жағдайында белгілері бар, белгілері жоқ 569 жағдай. Бұл жағдайлар эпидемиологиялық көрсеткіштер арқылы анықталды. Ай басынан бері тіркелген жағдайлардың 45,5 пайызы, яғни 711-і ЖРВИ белгілері бар науқастарды тексеру кезінде анықталған. Инфекция ошақтарын тексеру кезінде байланыста болған 501 адамда, кәсіби мақсатта тексеруден өткен 270 адамда, стационарларға емдеуге жатқызу алдында эпидқадағалау мақсатында ПЦР тест тапсырған 79 адамда вирустық инфекция табылған. Соңғы аптада, нақтырақ айтқанда 22-28 қаңтар аралығындағы аурушаңдық алдыңғы аптамен салыстырғанда 44.2 пайызға өсіп отыр. Яғни 353-тен 633 жағдайға дейін көтерілді. Аурушаңдықтың ең жоғары көрсеткіші Орал қаласында, Бәйтерек ауданында және Бөрлі ауданында тіркелген. Байланыста болған 2040 тұлға зерттеліп, медициналық бақылауға алынған. Қаңтар айының басынан бері жалпы 53 347 зерттеу жүргізілген. Айта кеткен жөн облыста мониторингтік топ жұмыстары нәтижесін бере бастады. Сала мамандарының айтуынша, көпшілік және мерекелік шаралар қазір тиылған. Осы орайда мониторингтік топ тұрғындардың топтасу деректерін енді арнайы бағдарламаның көмегімен анықтайтын болады. Яғни, мобильді қосымша арқылы адамдардың жиналған жері базаға автоматты түрде түсіп, топ бақылауға алынады. 1 ақпанға дейін облысқа 1000 дозалы вакцина әкелінеді. Ол - Ресей Федерациясында өндірілген «Спутник -V» вакцинасы. Екпені бірінші кезекте медицина қызметкерлері алады.

Батыс Қазақстан облысының әкімі Ғали Есқалиев коронавирусқа қарсы жедел штабтың кезекті отырысында тұрғындарға карантиндік шектеулерді қатаң ұстануды ескертіп, жауапты мекемелерге түсінік жұмыстарының қарқынын үдетуді тапсырды.Осы аптаның сейсенбісінде облыс әкімдігінде өткен штаб жиынында облыстық санитариялық-эпидемиологиялық бақылау департаментінің басшысы Мұхамғали Арыспаев соңғы күндердегі облыстағы эпидемиологиялық ахуал көңіл көншітпейтінін мәлімдеді. Ағымдағы жылдың қаңтар айының 1-18-і аралығында өңірде жұқпалы індет жұқтырудың 764 оқиғасы тіркелген. Соның ішінде ауру белгілері бар науқастар қатары көбейгенін айтқан департамент басшысы аудандар бойынша да ауру жұқтыру көрсеткіштерін атап көрсетті.– Науқастардың 49 пайызы жедел респираторлы вирусты инфекция белгілерімен емханаға өздері барып, медициналық көмекке жүгінген. Оларға ПТР-тестілеу жүргізу кезінде коронавирус жұқпасы анықталған. Бұлардан бөлек 26 пайызы – бұрын ауырған адамдармен байланыста болғандардан, жиырма пайызы – басқа елді мекенге кетер алдында ПТР-тестілеуден өткендерден,бес пайызы – ауруханаға басқа аурулармен ем алу үшін барғандардан анықталып отыр, – деді Мұхамғали Қайыржанұлы.Бұдан әрі облыстың бас мемлекеттік санитариялық дәрігері қауіпті індетті жұқтыру фактілері түрлі мекемеде жұмыс жасайтын қызметкерлерден көптеп анықталғанын айтты. Тағы бір айта кетерлігі, тұрғындардың адамдар көптеп шоғырланатын орындарға баруы азаймай тұр. Бұған ауруға шалдыққандардың 30 пайызының індетті осындай орындардан жұқтыруы дәлел бола алады. Облысымыздағы ПТР-тестілеуді жүзеге асыратын 12 зертханада қаңтар айының басынан бері 33 мыңнан астам тестілеу жүргізілген.БҚО денсаулық сақтау басқармасы басшысының міндетін атқарушы Арман Қалибеков емханалар жанындағы дағдарыс орталықтарының жұмысы туралы баяндады. – Дағдарыс орталықтарының міндеті – тәуекел тобындағы диспансерлік есепте тұрған емделушілермен және 65 жастан асқан тұлғалармен хабарласып тұру, дәрілік препараттарды қабылдау бойынша кеңес беру, карантиндік режимді сақтау және нашарлау белгілері бойынша дәрігерді үйге шақыру жөнінде ақпараттандыру. Орталықта жалпы тәжірибе дәрігері, психолог, эпидемиолог және қажет болған жағдайда өзге де дәрігерлер қызмет көрсетеді. Коронавирустық белгілер байқалған науқастар туралы ақпарат мобильді топқа беріледі, – деді Арман Талғатұлы. Жұқпалы аурулар стационарларындағы қазіргі ахуалдан хабардар еткен басқарма өкілі биыл жаңа модульді аурухананың іске қосылуымен жұқпалы ауруларға арналған орын саны 579-ға ұлғайғанын жеткізді. Бүгінде 300 науқас жатқызылған барлық жұқпалы аурулар ауруханаларының толығу деңгейі 51,8 пайызды құрапты. Бұл денсаулық сақтау мекемелерінде 62 реанимациялық төсек жасақталып, 22 науқас ем алуда. Өз сөзінде облыстың бас дәрігері көп жағдайда науқастардың ауруын асқындырған күйде медициналық көмекке жүгінетіндерін мәлімдеп, тұрғындарды қауіпті індеттен барынша сақтануға шақырды.Жиында Орал қаласының әкімі Абат Шыныбеков облыс орталығындағы мониторингтік топтардың жұмысы, карантиндік режимді бұзу жағдайлары, тексеріс іс-шаралары, қоғамдық көліктердегі санитарлық талаптардың орындалуы туралы баяндады. Облыстық полиция департаменті бастығының орынбасары Нұрлан Рамазанов қоғамдық орындарда санитарлық-эпидемиологиялық талаптардың сақталуы туралы мәлімет берді. Сондай-ақ эпидахуал бойынша жағдай күрделенген Ақжайық және Бәйтерек аудандарында атқарылып жатқан жұмыстар тыңдалды.Жиынды қорытындылаған өңір басшысы Ғали Нәжімеденұлы эпидемиологиялық статистика бойынша Батыс Қазақстан облысына «қызыл» аймаққа ену қаупі төніп тұрғанын жасырмады. – Күн санап облысымызда ауру жұқтырғандар саны артуда. Денсаулық сақтау министрінің мәліметінше, наурыз, сәуір айларында олардың саны тіптен көбеюі мүмкін. Демек, өткен жылдың жаз мезгілінде орын алған жағдай қайталануы ықтимал. Жағдайды зерделесек, «қызыл» аймақтардың қатарына кірудің аз-ақ алдында тұрмыз. Егер тұрғындар бізді қолдамаса, өкінішке орай, жағдай күрделене түседі. Ондай жағдайда карантиндік шектеулерді әлі де күшейтеміз, – деп ескертті облыс әкімі. Сәйкесінше, карантиндік талаптардың сақталуын бақылауды күшейтуді және тұрғындар арасында түсінік жұмыстарын қарқынды деңгейде жалғастыруды тапсырды.

Stopcovid.kz сайты мен «109» нөмірі арқылы ескерткендерді түнде тоқтатпайды. Карантин шектеуіне байланысты сағат 23:00-ден кейін көшедегі автокөліктер қозғалысына тыйым салынғаны белгілі. Бірақ кейбір тұрғын шұғыл шаруа туындауына байланысты көшеге шығуға мəжбүр болатынын, өз көлігімен еркін жүре алмайтынын айтып облыс əкіміне шағымданған. Бұл сауалға облыстық әкімдікте онлайн режимінде өткен жауап берген БҚО ақпараттандыру, мемлекеттік көрсетілетін қызметтер жəне архивтер басқармасының басшысы Сəкен Нұртазаев, көктемгі ТЖ кезіндегідей тұрғындар енді stopcovid.kz сайтына тіркеліп, ЖСН арқылы көшеге шығу себебін, баратын мекенжайын көрсетуіне болады. Бейнебайланыс арқылы өткен өңірлік жедел штаб отырысында облыс əкімі Ғали Есқалиевқа денсаулық сақтау басқармасының басшысы Болатбек Каюпов стационарларға ауадай қажет болып отырған медициналық мамандар ЖОО мен колледждер түлектері есебінен толығып жатқанын айтты.Орал қаласының əкімі Абат Шыныбеков облыс басшысының тапсырмасына сəйкес 20 мониторинг тобы карантин режиміндегі тəртіптің сақталуын бақылауды күшейткенін баяндады. Мониторинг жұмысы нəтижесінде 8 заңды тұлғаға, 74 тұрғынға байланысты əкімшілік іс материалдары сотқа жолданған.Қала əкімі тамыз айының алғашқы онкүндігінде Зашаған кентіндегі мамандандырылған ХҚКО қасынан тағы бір көтерме сауда орнын ашуға дайындық жүргізілетінін айтты. Облыс əкімі Ғали Есқалиев бұл ұсынысты құптап, Теректі ауданы əкіміне қалаға жақын орналасқан Подстепный ауылынан санитарлық талапқа сай көтерме сауда орнын ашуды тапсырды. Бұл амал қала базарларына келетіндер қарасын азайтып, тəртіпті нығайтуға көмектесуі тиіс.Өңірлік штаб отырысында облыстағы бас мемлекеттік санитарлық дəрігер Мұхамғали Арыспаев карантин режимін бұзғандарға 171 əкімшілік хаттама толтырылып, 11 миллион теңге айыппұл салынғанын айтты. Шаштараз, сауна, мейрамхана секілді кəсіпкерлік нысандарына қатысты 17 заңбұзушылық анықталып, жеке кəсіпкерлерге 3 миллион теңгеден астап айыппұл төлеу міндеттелген.  Түнде бейсауат жүрген 131 адам жазаға тартылған. Шілденің 5-інен бері 12 үйлену тойы өткізілгені анықталдған.  Жиынды қортындылаған өңір басшысы Ғали Есқалиев мониторинг тобының жұмысын күшейтетін боламыз. Тойды кейін де өткізіп үлгеруге болады. Бəріміз карантин талабын мұқият сақтауымыз керек. Көп адам қатысып жатқан іс-шараларға куə болғандар «109» нөміріне заңбұзушылық туралы шұғыл хабарлауға болады. Коронавирус – қатерлі індет. Көпшілік жиналған жерде вирус адамдарға тез жұғады, – деді облыс əкімі Ғали Есқалиев.Батыс Қазақстан облысына 29 сəуір мен 22 шілде аралығында жеті лек гуманитарлық көмек жеткен. Эпидемиологиялық жағдайды жақсартуға Қытай, Үндістан, Пəкістан, Түркия, Жапония, Біріккен Араб əмірлігі қол ұшын созса, 3 халықаралық компания, 8 жауапкершілігі шектеулі серіктестік, 2 жеке қор демеу көрсеткен. Бас-аяғы 26 демеуші тараптан 7434 медициналық қорғаныс костюмы, 85 042 маска, 70 ультрақызыл термометр, 160 оттегі концентраторы, 400 пульсоксиметр, 200 респиратор, 78 395 бума 35 түрлі дəрі-дəрмек жəне санитайзер мен дезинфекциялық заттар облысқа жеткізілген.