Бауыржан Өміралиев 2-ші топ мүгедегі. 2017 жылдың қараша айында автокөлік жуу станциясына жұмысқа орналасады. Жұмыс күндерінің бірінде өндірістік жарақат алған. Көлігін жууға келген азаматша тежегіш орнына газды басып жіберіпті. Салдарынан қатты жылдамдықпен келген темір тұлпар Бауыржанды қысып тастаған. Екі ай ауруханада жатып ем-дом алғанымен екі аяғын сақтап қалу мүмкін болмапты. Бүгінде тек арнайы арба мен протездің арқасында ғана жүре алады.
Екі бірдей аяғынан айырылған Бауыржан өмірге деген құштарлығын жоғалтпады. Отбасының қолдауы арқасында күш-жігерін жиып, 2018 жылы мүгедектерге арналған спорт клубына келіпті. Осы жерде парашаңғы спорт түрімен айналысып, бүгінде ел құрамасының қатарында өнер көрсетіп жүр. Жеткен жетістіктері жетерлік. Парашаңғы спорт түрінен ел біріншілігінің бірнеше дүркін жеңімпазы. Бүгінде Токияда өтетін параолимпида ойындарына жолдама алу үшін жаттығуларды бастап кеткен.

Бауыржанға елімізде шығаратын протезде жүріп-тұру қиынға соғуда. Әлеуметтік желі арқылы Ресейде жасалатын арнайы протезді көріпті. Алайда оның құны 8 миллион теңге шамасында. Оны алуға әрине Бауыржанның қаражаты тапшы. Ел намысын Токияда қорғаймын деген параспортшы Бауыржанға көмек қолын созып, арнайы протез алуға жәрдем беремін деушілер төменде көрсетілген телефон нөмірі бойынша хабарласа алады. Каспий есепшоты да осы нөмірге тіркелген.

Кәсіпорын басшылығы мүмкіндігі шектеулі азамат тоқтауға рұқсат етілмеген жерде көлікке отырмақ болғанын айтады. Сол күнгі автобус пен оның жүргізушісі анықталып, жауап алынған.

Мүгедектігім үшін төленетін ақшам кешіккендіктен ашығып жүрмін. Орал қаласында Людмила Шестернова есімді азаматша көпшіліктен көмек сұрайды. 57 жастағы әйелдің жүрегіне ота жасалып, кардиостимулятор орнатқан. Бүгінге дейін 22 мың теңгеге бір ай өмір сүріп келген Шестернова алдағы бірнеше ай жәрдемақысыз қалатынына алаңдаулы.

Азаматша Құрманғазы көшесінің бойында орналасқан көп қабатты тұрғын үйдің жетінші қабатында тұрады. Людмила Шестернева жыл сайын мүгедектігін растау үшін арнайы медициналық сараптамадан өтеді екен. Басқа табысы жоқ болғандықтан мүгедектігі үшін төленетін жәрдемақыға күн көремін дейді. Соңғы рет ақша оған биыл сәуір айында түскен.

-"Қазір әйел тамақ сатып алатын ақшасыз қалдым. Жұмысқа жарамсызбын. Күн санап жағдайым нашарлап барады",- деп көмек сұрап отырған Людмила Шестернева мүгедекті үшін алатын ақша уақытынан кешігіп төленетінін біледі.

Азаматша сонымен қалалық 1-ші емханада кардиолог дәрігердің қабылдауында есепте тұр. Ал оған төленетін ақшаның уақытынан кешігуіне дер кезінде сараптамадан өтіп, құжаттарды тапсырмағаны себеп болуы мүмкін дейді мамандар. Людмила Шестернева болса, қиын жағдайда көмек қолын созатын жан табылса, айтар алғысым шексіз дейді.

Орал қаласында өткен есептік кездесуде облыс басшысына өтініштерін жеткізген орталық өкілдері өздерін мазалаған бірнеше мәселенің басын шалды. "Бәйтерек" мүгедек балалар қоғамдық бірлестігінің айтуынша, қазіргі ғимаратта орын тапшы. Сол себепті қысылып-қымтырылып, қуықтай жерде сабақ өткізуге мәжбүр. Ал 18 жасқа толған жеткіншектерді қоғамдық ұйым әрі қарай қамқорлығында қалдыруға қауқарсыз.

"Бәйтерек" мүмкіндігі шектеулі балалар қоғамдық бірлестігінің қамқорлығына 65 бала мен 180 ересек адам алынған. Орталық бүгінде бұрынғы қалалық жұмыспен қамту және әлеуметтік бағдарламалар бөлімінің ғимаратында орналасқан. Орынның тарлығына байланысты мамандар мында балаларды дамытуға қажетті қолда бар жаттығу құрылғыларын қораптарын ашып орната алмай отырғандарын айтады. Аталмыш мәселе облыс әкімінің халық алдындағы есебі кезінде көтерілді.

Ересек адамдар арасында да мүгедектік пен өзге де жағдайларда көмекке зәру азаматтарға көмек көрсету өзекті жайт. Оларға қолайлы жағдай жасау үшін алдымен орын-жай жабдықталуы тиіс.

Біздің облыста мүмкіндігі шектеулі жандарға кедергісіз қызмет алып, қоғамнан шеттетілмеуі үшін атқарылатын жұмыстардың маңызы зор дейді облыс әкімі.

Еліміздің кей өңірлерінде қариялар мен мүмкіндігі шектеулі жандардың жүріп-тұруына ыңғайлы жағдай жасалған баспаналар салынған.