Аймақта азық-түлік бағасы қымбаттамайды. Облыс әкімі Ғали Есқалиев жетекшілік жасайтын штаб жұмысы биылғы жылы да жұмысын жалғастыра береді. Құрамына облыстық және аумақтық басқармалар мен департаменттердің өкілдері енген топ жұмысының мақсаты - әлеуметтік маңызы бар тауарлардың бағасына жүйелі мониторинг жасау және тұрақтандыру.Жыл басталысымен тауарлар мен азық-түлік бағасы шарықтап шыға келеді. Оған халық қанша наразы болса да, жылдағы үрдіске үйреніп барады. Биыл өңірдегі баға саясаты әлі де болса құбылып тұр. Әсіресе, бірінші кезектегі азық-түлік құны оның ішінде әлеуметтік маңызы бар тауарлар, өсімдік майы мен жұмыртқаның бағасы шамамен 20 пайызға дейін қымбаттағаны байқалады.
Әлеуметтік павильондарда ұсынылатын өнімдер тізіміне макарон өнімдері, күріш, май, ет және тұз секілді тағамдар жатады. Облыс орталығындағы он «Ел ырысы» шағын маркеттерінде тауарлар құны нарықтағы бағадан 15-20 пайызға арзан болса, ал ірі сауда орындары «Вега» мен «Алтындарда» сағат 9дан 11-ге дейін әлеуметтік маңызы бар өнімдер сатылымға шығарылады.
Бүгінде жергілікті әкімшілік пен ірі сауда орындары арасында бағаны тұрақтандыру турады меморандум бар. Соған сәйкес кәсіпкерлер тауар құнын беталды өсіре бермейді. Әзірге 1-ші сұрыпты нан бағасын қымбаттату жоспары жоқ.

Орал қаласының дәріханалары жіті бақылауда. БҚО тауарлар мен көрсетілетін қызметтердің сапасы мен қауіпсіздігін бақылау департаментінің мамандары, "Ақжайық-адалдық алаңы" мен жемқорлыққа қарсы қызмет дәрі-дәрмектің саны мен бағасын тексеру үшін атқа қонды.

Коронавирустың екінші толқынына дайындықты тексеру үшін бірнеше саланың мамандары Оралдағы дәріханаларды аралап, дәрінің санын білді. Мақсат біреу- дәріханада кезек болдырмай, дефицит тудырмау. Зашаған кентінде орналасқан мына дәріхананың иесі вирусты емдейтін барлық дәрінің бар екенін айтады.

Қиын-қыстау кезеңде дәрінің бағасы тым қымбаттап, азаматтар сағаттап адам жанын емдейтін дәріні сатып алу үшін кезекке тұрғанын көз көрді. Осыны болдырмас үшін Қазіргі таңда «Ақжайық» әлеуметтік -кәсіпкерлік корпорациясы Алматылық ірі дәрі тасымалдайтын дистрибютрмен және «СК Фармациямен» келісімге келген. Аталмыш компания облысқа 25 дәрінің, СК Фармация 8 дәрінің түрін тасымалдауы керек.

Сала мамандарының келтірген ақпарына сүйенсек, қазіргі таңда дәріханалар мен олардың қоймаларында 2 айға жететін дәрінің қоры жинақталған. Ал резервте 4 айға жетуі тиіс дәрі-дәрмек жасақталыпты. Және еліміз бойынша дәрі-дәрмектің шекті бағасы белгіленген. Мысалы, бетпердені 60 теңгеден қымбат саудалауға болмайды. Дәрінің шектік бағасын "Дәрі кз" бағдарламасынан білуге болады. Қасақана дәріні қымбатқа саудалаған дәріхана иесінің кінәсі дәлелденсе, жауапқа тартылады.

Орал қаласында жалға берілген Мөңкеұлы көшесіндегі 113/1 мекенжайындағы үйдің сапасы сын көтермейді. Нақтырақ айтқанда, балкондардың терезелері ашылып-жабылмайды. Үйдің есік-терезелерінен улеген жел түгел пәтерді алып кетеді. Бұл тұрғындардың шағымы. Бүгін Республикалық «Адалдық алаңы» жобалық кеңсесінің жетекшісі Төлеген Байгулов осы баспананың тұрғындарымен тілдескен еді. Тұрғындар бастан асатын базыналарын жеткізді.
Бұл Мөңкеұлы 113/1 мекен жайындағы көп қабатты үй.Үй бір жыл бұрын тапсырылған.Мердігер компания "Альтаир.Тапсырылғанына бір жыл болмаған үйдің проблемасы шаш етектен.
Адалдық алаңы жобалық кеңсесінің мақсаты мемлекеттік бюджеттің ақшасына салынған үйлердің құрылыс сапасын бақылау, талдау жүгізу.Бұл жолы тұрғындар үйдің терезесінен жел гулейтінін, балкондардың есігі ашылып жабылмайтынын айтты.Мердігер компаняның екі жылдық кепілдік мерзімі бар.Олар мұны жөндеуі керек.
Орал қаласындағы күйіп тұрған мәселенің бірі жолдардың сапасы.Мониторинг топ мүшелері Аймауытов, Жұмабаев көшелерінде жүріп жатырған жол құрылысын бақылады.Бұл жерден арнайы сынама алынып, тас жолдың ені, ұзындығы, қалындығы бәрі тексерілді.
Мониторинг топ мүшелері Орал қаласындағы жол құрылысын, жалға берілетін үйлерді тексерді.Тұрғын үйлерді жаңғырту бағдарламасы арқылы төбелері жөнделген бірнеше көп қабатты үйге мониторинг жүргізді.Тұрғындармен сөйлесіп, халықтың арыз тілегін тыңдады.
Халық тарапынан айтылған барлық сын ескертпелер тиісті мекемелерге жіберіліп, қажетті шаралар жасалады дейді мониторинг топтың басшысы.

Мемлекеттік қызмет істері және сыбайлас жемқорлыққа қарсы іс-қимыл жөніндегі Агенттігінің өкілдері жұмыс тобы құрылған уақыттан бері қоғамдағы әр түрлі мәселенің шешімін тауып, бірқатар заң бұзушылыққа жол бермеген. Бұл туралы бүгін мониторинг топ өкілдері БАҚ кездесуде мәлімдеді. жылы арнайы мониторинг тобының 6 отырысы өтіп, 16 сұрақ көтерілген. Файсбук әлеуметтік желісінің білім беруді қоғамдық бақылау парақшасына келіп түскен мәселелер бойынша мониторингтық топ жұмыстанып, 50 астам ата-ана мен балабақша балаларының құқығы қорғалыпты.Студенттік жатақханаларға да мониторинг жүргізіліп, бекітілген нормадан артық студенттердің тұруы, соның ішінде басқа оқу орнынан келу фактісі анықталған.Өткен жылдың соңында «Сырым» шекара бекетінде жүк автокөліктерінің кептілісі болған сәтте мониторинг тобы өкілдері тексеру жүргізіп тас жолдағы қалың қардың тазартылмағанына көз жетікізілген. Сондай-ақ, ауыл аймақтарды да аралап, тұрғындар тарапынан туған сан сауалдың да шешімі табылған. Агенттіктің 1424 сенім телефоны тәулік бойы жұмыс жасайды. Яғни елдіміздің кез-келген азаматы сыбайлас жемқорлық көріністері ақпараттарды хабарлай алады.

Өңірге арнайы ат басын бұрған жемқорлыққа қарсы мониторингтік топ Теректі ауданындағы бірқатар нысандарды аралап шықты. Аудандағы халыққа қызмет көрсету орталығы мен орталық ауруханаға табан тіреген олар бұқараның мұң-мұқтажына құлақ түрді.
Теректі аудандық халыққа қызмет көрсету орталығы биылғы жылға 53 мың қызмет түрін атқарып, оның 33 мыңын электоронды түрде көрсеткен. Орталық бүгінде бір терезе қағидаты бойынша жұмыс істейді. Бос компьютерлер арқылы әр тұрғын мекенжайлық анықтама немесе айыппұлдары туралы біле алады.
Халыққа қызмет көрсету орталығының басшысы мұнда тек қызметкерлер ғана емес, тұрғындар да арнайы оқытудан өтетінін атап өтті. Бұл үшін арнайы бұрыш дайындалып, жағдай жасалған. Мониторингтік топтың мүшелері бұдан соң аудандық емханаға да табан тіреді. 1972 жылы салынған ғимарат ең алдымен қонақүй ретінде ашылыпты, ал тоқсаныншы жылдары оның орнына медициналық мекеме өз есігін ашқан. Еш жөндеу көрмеген ғимараттың ескіріп, жөндеуді қажет етіп тұрғынын Астанадан ат терлетіп келген топ мүшелері бірден байқады.
Комиссия мүшелері халықтың барлық сұрақтарын мұқият тыңдап, келелі мәселелердің шешілетінін айтты. Ал ең күрделі, өзекті деген сауалдар Астанадағы құзыретті орындарға жеткізілмек.

БҚО бойынша табиғи монополияларды реттеу және бәсекелестікті қорғау агенттігі департаменті әлеуметтік маңызға ие тауар бағаларына қатысты жүргізілген мониторинг кезінде жанармай құнының өсімін анықтап отыр. Қазір бекетттерде АИ 92 маркілі сұйық отын бағасы 150 теңгеден басталып, кейбірінде 153 теңгеге дейін жеткен. Жанармай бағасының қымбаттауы жүргізушілер үшін үлкен қиындық тудыруда.

Бұл қымбатшылық қаншалықты негізді? Оны анықтау мақсатында арнайы тексеріс жүргізілмек. Егер жемқорлыққа жол беру және бекеттер мен жеткізушілердің қор бола тұра өзара келісу фактісі анықталған жағдайда аталмыш тұлғалар үстінен әкімшілік кодекстің 159 бабының 2 бөліміне сайіс қозғалып, жауапкершілікке тартылады. Қазіргі кезде осындай бірнеше факті сотта қаралуда.

Орал қаласында тәулігіне 600-700 тонна АИ 92 маркілі жанармай тұтынылады екен. Ал айына бұл көрсеткіш 26-28 мың тоннаны құрайды.