Көпбалалы аналар мәселесін шешумен айнлаысып жүрген әкімнің орынбасары Бақтияр Мәкеннің басы дауға қалды. Нұр-Сұлтан қаласы әкімінің орынбасары міндетіне кіріскелі Бақтияр Мәкен баспана мәселесіне қатысты бас көтерген көпбалалы аналардың наразылық акциясына жиі қатысып жүр. Өткен демалыста әлеуметтік желіде әкімнің орынбасарының көпбалалы аналармен арадағы жанжалдасқан бейнетүсірілімі тарап кеткен еді. Осыған қатысты бүгін журналистерге берген сұхбатында Мәкен мырза эмоцияға бой алдырғанын, дегенмен талап қойып отырған аналарға заңды бұзып үй бере алмайтынын айтты.

Әкім бол, халқыңа жақын бол. Нұр-Сұлтан қаласының әкімдігі атқан таңын көпбалалы аналар мәселесімен бастап жүргелі біраз уақыт болды. Бұрынғы әкім Бақыт Сұлтанов көпбалалы аналар бас көтерсе бірден алдарына шығып, олардың назын тыңдап, келіссөз жүргізіп бастағанды. Кейін қала билігі Алтай Көлгіновке өткелі бұл үрдіс жалғасын табуда. Бірақ әкім Көлгінов аналардың наразылық акциясында бой көрсетіп жүрген жоқ. Ал орнына орынбасары Бақтияр Мәкенді жібереді. Әрине бұл орынбасарының жауапты жұмысы болар. Кезек күттірмей баспана беруді талап етіп жүрген көпбалалы аналар тіпті министрлік алдына келіп түнеген кездері де болды. Олар әкімдіктің құр уәдесінен шаршадық дейді. Мәселені тез арада шешуді талап етеді. Өткен демалыста осындай кездесулердің бірінде әкім орынбасары Мәкен мырзаның шыдамы шегіне жеткен болуы керек, өзіне қатты дауыс көтеріп айғайға салған әйелдермен, сол тілде сөйлескен. Шенеунік пен көпбалалы аналар арасында туындаған жан-жал әлеуметтік желіде тез тарады.

Бүгін осы жәйітке байланыста журналистерге берген сұхбатында, Бақтияр Мәкен өзінің жеке басына қатысты балағаттаулар айтылғанда эмоцияға бой алдырғаным рас деді.

Әрине қандай жағдайда болмасын,мемлекеттік қызметкердің сабырлық танытқаны жөн. Шенеунік оны да мойындап отыр.

Қала әкімдігі жыл  соңына дейін елордада 1 600 пәтер қолданысқа берілетінін айтады. Оның 600-і кезекте тұрған көп балалы аналарға табысталады. Қазір елордада  47 600 адам кезекте тұр.

Демалыс күндері Қазақстан қалаларында антиқытай тақырыбындағы  рұқсат етілмеген митингіге шыққан 100 шақты адам ұсталды. Бұл туралы ішкі істер министрі Ерлан Тұрғымбаев Үкімет отырысынан соң, журналистерге берген сұхбатында мәлімдеді. Еске сала кетейік, 21 қыркүйек күні Нұр-Сұлтан мен Алматы қалаларында және еліміздің 7-8 қаласында заңсыз шерулер өткен болатын. Ал бұған дейін, ел прокуратурасы бірнеше рет ескертулер жасап, қазақстандықтарды заңсыз митингіге шықпауға үндеген болатын.

Демалыс күндері Нұр-Сұлтан мен Алматы және бірнеше қалада толқулар болды. Ішкі істер министрлігі рұқсат етілмеген митингке шыққандардың ішінде жекелеген адамдар арандатушылық шақыруларға ұшырап, басқа азаматтардың тыныштығы мен қауіпсіздігіне қауіп төндіріп құқыққа қарсы әрекеттер жасады деп хабарлап отыр. Қыркүйектің 21 күні наразылық шерулер еліміздің 7-8 қаласында өтті, сладарынан 100 –деген адам ұсталды дейді бас полицей.

Ерлан Тұрғымбаев – ҚР ішкі істер министрі: «21 қыркүйекте адамдар тобы жиналған жерлерге полицейлер жасағы шықты және профилактикалық жұмыстар жасалды. Бұл күндері 100-ге жуық адам ұсталды. Олардың 15-і жауапкершілікке тартылды, 9-ы әкімшілік қамауға алынды, алтауына әкімшілік айыппұл салынды". Басқа ұсталғандармен профилактикалық жұмыстар жүргізген соң, үйлеріне жіберілді ».

Митингілер барысында өздеріңіз көріп отырғандай, тәртіп сақшылары наразылық білдірушілерді арнайы автокөліктерег салып, алып кетіп жатты. Тек Нұрсұлтан қаласының Республика даңғылында өткен заңсыз митингтің жолын кесу барысында  50-ге жуық адам ұсталды. Солардың арасында үш қызымен келе жатқан ананың жанайқайы көпшілік назарына ілікті. Онда тәртіпсақшылары қызбаланы сүйреп, салып алып кетті. Әлуметтік желіде тараған бұл түсірілімге қатысты қызбала кәмелет жасқа толмаған деген мәлімет тарады. Алайда, министр бұл ақпаратты растамай отыр.

Наразылық шеру барысында журналист қыз да ұсталған болатын. Ерлан Тұрғымбаев тілшінің үстінде арнайы жилеті мен куәлігі болмаған соң полиция оны ұстады. Журналистке ескерту жасалып, босатылды дейді ол.  Өз кезегінде министр журналистерден мұндай шерулер кезінде полиция жүрген жерде аккредитациялық карта мен "пресса" деген жазуы бар жилет киіп жүруді сұрады.

Елімізде технологиясы ескірген 55 қытай кәсіпорны  ашылып жатыр деген дауға қатысты Үкімет өз пікірін білдірді. Премьер-министрдің орынбасары Жеңіс Қасымбек осы мәселеге қатысты арнайы брифинг өткізді. Бұл  зауыттар, жаңа жобалар лас деген нарызылықтар айтылып жатады. Бұған қоса, бұл Қазақстан аумағына көшірілетін ескі жобалар деп те айтылады. Мен бірде-бір ескі зауыт немесе Қазақстан аумағына көшірілетін зауыт жоқ деп ресми түрде мәлімдегім келеді. Бұл жобалардың барлығы жаңа», - деді Жеңіс Қасымбек. Еске сала кетейік, Жаңаөзенде жүздеген адам бас көтеріп, елімізде қытай кәсіпорындарын ашуға тиым салуда талап еткен еді. Жаңаөзендіктердің бұл талабын еліміздің бірқатар қалаларында белсенділер қолдап, көшеге шыққан еді.

Көрші алып ел-Қытай Қазақстанға инвестиция құйып отырған елдердің ішінде төртінші орында тұр. Жаңаөзенде бас көтерген жүздеген адам елімізде Қытайдың 55  кәсіпорын салуына қарсылық білдірген еді. Бұл наразылық республиканың өзге де аймақтарында көрініс тапты. Алматы, Нұр-Сұлтан, Ақтөбе қалаларында белсенділер Жаңаөзендіктердің бастамасына қолдау көрсеткен болатын. Талап –Қазақстанда Қытайдың ескі технологиясмен  зауыттар салудан бас тарту. Осы дауға қатысты ел Үкіметі үндемей отыра алмады. Бүгін арнайы өткен брифингте Премьер-министрдің орынбасары Жеңіс Қасымбек Қазақстан мен Қытайдың бірлескен 55 жобасы жайлы айтып берді.

Бас көтергендер қытай компаниялары көбейсе, елге келетін қытай жұмысшылары да қаптап кетуі мүмкін. Бұл орайда жергілікті тұрғындарды жұмыспен қамту қажет дегенді алға тартқан еді. Алайда, премьер-министрдің орынбасары, Қытаймен бірлескен жобалар бойынша тек қазақстандық азаматтар басшылықта отыр деп сендірді.55 жобаның 15-і экономиканың әртүрлі секторында іске қосылды. Оның ішінде ауыл шаруашылығы, металлургия, химия, мұнай-газ, көлік және логистика мен басқа да секторлар бар. Жалпы 15 жоба құны - 3,9 млрд АҚШ долларын құрайды. Қазіргі күні осы 15 жобада 4 мыңға жуық жаңа жұмыс орны ашылған.

Қасымбектің айтуынша, Қытаймен бірлескен жобалар еліміздің әр өңірінде жүзеге асып жатыр.

Биылғы жылдың соңына дейін тағы 5 жоба іске қосылмақ. Жаңа жобалар қатарында Алматыда ашылатын құбыр шығаратын зауыт бар. Жалпы айтқанда, кәсіпорындар аясында 20 мыңға жуық жұмыс орнын ашу жоспарланған. 95%-тенастамықазақстандықжұмысшыларболады, депсендірдівице-премьер.