Биылғы жылы байқауға ақылына көркі сай 12 ару қатысқан болатын. Биылғы сұлулық байқауы жылдағыдан ерекше болды. Үздіктерді қала күніне арналған Абай алаңында өткен концерт барысында марапаттады.

Байқауға қатысушылар алдымен өздерін таныстырып, өнерлерін ортаға салып, білімдерін сынады. Бірі би билесе, бірі ән шырқап, театрланған көріністерде әртістік қабілеттерін паш етті. Хадиша Бөкеева атындағы қазақ драма театрына жиылған көрермен бірінен бірі өткен сұлуларға қошеметін аямады.

Биылғы "Жайық аруы-2018" байқауы жылдағыдан ерекше. Себебі алғашқы рет байқауға мүмкіндігі шектеулі бойжеткендер қатысып отыр. Олар өздерін өзгелермен тең ұстап, сұлулыққа шектеу жоғын дәлелдеуге тырысты. Байқау барысында үздік атанған аруларды Абай алаңында өткен концертте марапаттап, жүлделерін табыстады.

Бірінші вице мисс - Әсел Дәулетбаева атанса, екінші вице мисс - мүмкіндігі шектеулі болғанына қарамастан қазылар жүрегін жаулаған, ақылына көркі сай- Аружан Мұқаш атанды. Ал "Жайық аруы-2018" тәжі №44 мектеп-гимназиясының оқушысы 16 жасар Айдана Каримоваға бұйырды.

Қала әкімдігі байқау жеңімпазы Айдана Каримоваға теледидар сыйлады. Ал демеушілер- бағалы ішік пен екі адамға арналған Чехияға туристік саяхатқа жолдама тарту етті. Енді байқаудың жеңімпаздары Ақжайық өңірінің атынан шығып, республикалық байқауда бақтарын сынайтын болады.

Қазір бойжеткен Самара қаласындағы агенттіктердің бірімен келісім шарт жасап қойыпты. Естеріңізге сала кетейік, ол 2015-жылы "Орал аруы" тәжін киіп, "Қазақстан аруы" байқауының вице-мисі атанған болатын. Арна тілшілерімен кездескен Вероника өзінің алдағы жоспарларымен бөлісті.

Вероника Залата осыдан 3 жыл бұрын сұлулық байқауларында бақ сынап, "Орал аруы" атанған болатын. Жас бойжеткеннің талпынысы қазылар алқасының көңілінен шығып, республикалық додаға жолдама алады. Ал "Қазақстан аруы- 2015" байқауында бірінші вице-мисс жүлдесін жеңіп шығады. Бұл уақытта Вероника Самарадағы университетке оқуға енді түскен болатын. Ал қазір ару бұрынғдан да жоғары деңгейдегі байқауларға қатысып, бақ сынауға бел байлап отыр.

Ресейдегі байқауларға қатысу үшін Залата Вероникаға барлық қадамдарынан жаңадан бастауға тура келмек. Елімізде сұлулығымен танылғанымен көрші мемлекеттегі байқауда онысы ескерілмейді. Қазір күллі әлем көз тіккелі отырған әлем чемпионатын бойжеткен де тағатсыздана күтіп жүргенін айтады.

Вероника болашақта осы салада үлкен жоспарлары барын, өзін үлкен сахнадан көрсеткісі келетінін айтқанымен оны құпия сақтауды жөн санайтынын атап өтті