Көктем туғалы Орал қаласында санитарлық тазалық жұмыстары басталды. Қар астында жатқан көң-қоқыс, құрылыс қалдықтары мен құлаған ағаштардан көз сүрінеді. Шаһарда бейсенбі күні тазалық шаралары жүргізілген еді. Сенбілік ертең де өтеді деп жоспарланып отыр. Мәселен, 14 сәуір күні қала маңындағы 1 -ші және 2 -ші саяжай аумағын тұрмыстық қалдықтардан тазарту іс -шарасын ұйымдастырылды. Қала келбетін көркейтіп, жасыл желекпен көмкеру жұмыстарына мейлінше көп халықты жұмылдыру көзделген. Осы мақсатта арнайы акциялар іске асуда. 13-ші сәуір күнгі сенбілікке жоғары және арнайы оқу орындарының барлығы 1000 жуық студенті жұмылдырылған. 1502 қап қоқыс жиналып шығарылған. Оған қоса бизнес объектілеріне сенбілікке шақыру жөнінде 832 хабарлама таратылыпты.

Орал қаласындағы Қонаев көшесі 27 мекенжайының тұрғындары екі жылдан аса уақыттан бері ыстық сусыз отыр. Тұрғынжай иелерінің айтуынша, жергілікті әкімдік пен «Жайықжылуқуат» АҚ-на мәселені айтып көмек сұрағанмен ешқандай қолдау болмапты.9 қабатты бұл үй мемлекеттік бағдарлама негізінде 181 отбасына осыдан бес жыл бұрын пайдалануға берілген. Бастапқы кезде су жаңа тұрғынжайда ешқандай мәселе болмаған. Алайда осыдан екі жыл бұрын төртінші қабаттан жоғары қарай ыстық су жүрмей, пәтер иелерінің мазасын қашырған. Үй иелері аталған жағдайдан шығу үшін қалалық әкімдік пен коммуналдық мекемеге талай барып, хат жазса да мәселенің әлі күнге дейін халықтың пайдасына шешілер түрі жоқ. Керісінше тұрғындар қаражат жинап, жертөледегі құбырларды өз қалталарынан қайта ауыстыруы қажет екен. Мәселе шенеуініктерге таныс. Үйдің құжатта көрсетілген кепілдік уақыты аяқталыпты. Алайда тұрғын үйді қабылдап алған мемлекеттік комиссия бұл олқылыққа бей-жай қарағаны қалай?Бүгінде Қонаев көшесі 27 мекенжайының бірқатар тұрғындары су ысытқыш техника орнатып үлгерген.

Оралда жылыту маусымы басталды. Бұл туралы бүгін Орал қаласы әкімінің орынбасары Мирас Мүлкәй мәлімдеді. Айта кеткен жөн, алдымен 20-шы мектеп, Жазира және Зашаған кенттеріндегі көп қабатты үйлерге жылу беріледі. Жайықжылуқуат» АҚ мамандарының айтуынша, апта соңына дейін толықтай шаһардағы көп қабатты үйлер жылу көзіне қосылады. Биыл Зашаған кентіндегі жылыту қазандықтары толықтай жаңғыртудан өтуі себепті алдымен осы аудандадағы көп қабатты үйлерге жылу беріледі.