Мичурин ауылдық округіне қарасты бірнеше елдімекенді су басу қаупі бар екенін төтеншеліктер мәлімдеген болатын. Жұмыс күні басталысымен қызмет телефонына тыным жоқ. Еріген қар суы мен қалың түскен қардан жапа шеккен тұрғындар шағымы азаяр емес. Мәселен, сағат 10 ға дейін 30 дан аса ауылдықтан  өтініш келіп түскен. Күн райы күрт жылынып, еріген қар суы әсіресе көлік жүргізушілерінің титығына тиуде. Мичурин ауылдық округінің әкімі Беккали Бекжановтың берген ақпаратына сүйенсек тасқынмен күрес жұмыстары округте ақпан айынан басталған. Бүгінде аумақтыағы екі су басу қауіпі бар елді мекенде қар тазаланып, құм да жетлікті мөлшерде тасылып қойған. Шамамен су тасқынының алдын алу шараларына 10 млндай қаржы жұмсалады деп жоспарланып отыр.

Рамазан айында Зеленов ауданының Мичурин ауылында осындай қайырымдылық шарасы атқарылып жатыр. Ауылдық округ әкімінің айтуынша, биыл 1 жарым шақырым авто көлік жолын күрделі жөндеуден өткізу жоспарланған. Сондай-ақ кәсіпкердің қолымен ор-шұңқырлары бітелген жолда ағымдағы жөндеу атқарылмақ екен.

Мичурин ауылындағы Магистральный көшесі - басты жолдардың бірі саналады. Бұл жолдың бойымен қоғамдық көлік қатынайды, тұрғындардың да қаладан ауылдық округке енетін бірден бір жолы саналады. Өткен жылы жөндеуден өткен жол қазір қайтадан шұрқ тесіліп, қозғалысқа қолайсыз қалыпқа түскен. Жүргізушілердің зығырданын қайнатқан жол әйтеуір жеке кәсіпкердің арқасында лекерге келіп жатыр. Қайырымды жан өз ақшасына цемент сатып алып, барлық шұңқырларды бітеп, жолды қалыпқа келтіріп шығыпты.

-"Мичурин ауылы қаланың іргесінде орналасқанымен Зеленов ауданына қарайды. Бюджеттен бөлінетін қаражат мардымсыз болғандықтан көп нәрсеге жетпей отыр. Бұл орайда қол қусырып отырмайтын ауылдық округтің халқы бір жағадан бас, бір жеңнен қол шығарып, тазалық шараларына, абаттандыру мен жөндеуге өз күштерімен бірлесе атсалысып жатыр",- дейді ауылдық округ әкімі Бекқали Бержанов.

Жеке кәсіпкердің шарапаты мол іске үлес қосуы - қуантарлық жайт. Ал "Өңірлерді дамыту" бағдарламасы бойынша ауылда балаларға сыйлық жасалыпты. Халықаралық балаларды қорғау күніне орай заманауи ойын алаңы салынып, қолданысқа берілген. Биыл жасыл желекті осынау ауылдағы көлік жолдарында күрделі және ағымдағы жөндеу атқарылмақ.

Өзен бетінде қалықтаған өлексе тұрғындарды бей-жәй қалдырмады. Жағалауға келгендер сиыр төшкесін көріп, балаларына өзенге жоламауды ескерткен. Бұл жағдайды естіген дәрігерлер дабыл қағуда. Жалпы адамның, балалардың денсаулығы үшін өте қауіпті бұл жағдай түрлі аурудың ошағы болмасына кім кепіл дейді ақ халаттылар.

Өлкен сиырын іздеген қожайын әзірге табылмай отыр. Өзенде өлексенің қалай пайда болғаны да белгісіз. Ауылдық округ әкімі аталмыш мәселені қадағалауға алатынын айтты. Өлексені судан шығарып, залалсыздандыру үшін арнайы бригада жасақтапты. Себебі мұндай қызметпен айналысатын арнайы сала қызметкерлері жоқ.
Дәрігерлердің ескертуін ескеріп, таяу маңдағы кез келген орында суға шомылудан денсаулығыңызға қандай қатер боларын ұмыт қалдырмау қажетін қаперлеріңізге саламыз!