Жобаның құны 818 млн. теңге тұрады. Қазіргі кезде құрылғы ауруханаға орнатылып, мамандарды оқыту процесі жүріп жатыр. Бұған дейін медициналық мекемедегі осындай құрылғы істен шығып, науқастар тексерістен өту үшін өзге аймақтарға баруға мәжбүр болатын. Бүгін БҚО әкімі Алтай Көлгінов жаңа құрылғыны игеру барысымен ауруханаға барып арнайы танысып қайтты.

БҚО денсаулық сақтау саласында мемлекеттік жеке серіктестік бағдарламасы бойынша бірнеше жоба жүзеге асуда. Соның бірі- облыстық клиникалық ауруханадағы магнитті резонансты томограф. Қазір аппаратты орнату жұмысы аяқталған. Қымбат құрылғының бағасы 818 млн. теңге тұрады. Жоба мерзімі 5 жарым жыл.

Қазіргі таңда тағы екі жоба атқарылуда. Оның бірі Ақжайық орталық ауруханасына қажетті комьютерлі томографқа қол жеткізуге бағытталған. Бағасы 379 млн. теңге тұрады. Ал облыстық ауруханаға ангиографиялық құрылғы сатып алуға инвестор 370 млн. теңге жұмсамақ.

Сондай-ақ онкологиялық диспансерге сәулелік терпаия өткізетін сызықтық жеделдеткіш алу жоспарлануда. Бұл сұрақ денсаулық сақтау министрлігімен қаралуда. Денсаулық сақтау саласында мемлекеттік жеке меншік серіктестік бағдарламасымен техникалық базаның жетілдірілуі медициналық қызмет сапасын арттырып, адам өмірін сақтап қалуда дәрігерлер жұмысына оңды ықпалын тигізеді деп күтілуде.

Олар Еуразия даңғылы 244, 246 және 246/1 мекен-жайында орналасқан тұрғын үйлер. Биыл облыс орталығында 10 үй бұзылып, орнында жаңа жоба бойынша құрылыс басталмақ. Бүгінде мемлекеттік жеке серіктестік бағдарламасы шеңберінде тұрғындардың алды баспанаға қол жеткізіп отыр.

Бір жыл бұрын Ғарифолла Құрманғалиев 3 мекен-жайындағы ескі апатты үйді тұрғындар мекен етіп жатты. Бір қабырғасы ырсиып құлағалы тұрған 2 қабатты үй тұрғындардың үрейін қашырып, бір күні үйінді астында қаламыз ба деп қауіптерін арттырды. Үй қабырғалары жанынан өтіп бара жатқан адамды да еріксіз үйрейлендіретін.

Үй 2016 жылы апатты деп танылған еді. Мәселені мемлекеттік жеке серікестік баңғдарламасымен шешті. Қазір апатты үйдің орнында жаңа көп қабатты ғимарат бой көтеріп жатыр. Мемлекеттік жеке серіктестік бағдарламасымен үй салу аймақта 2015-жылы басталып, 11 үй бұзылса, биыл 10-нан астам үйді сүріп, орнына жаңасын салу көзделген еді. Қазіргі күні 4-уі орындалу барысында. Тұрғындар уақытша Зашаған кенті мен 5-ші шағын ауданға көшірілген. 3 жылдың ішінде қалада 40 апатты үйді бұзып, тұрғындарды жаңа баспанаға көшіру жоспарланып отыр.

Батыс Қазақстан облысында мемлекеттік жеке серіктестік негізінде 14 ірі жоба іске асуда. Сұранысқа ие жобалар қатарында балабақшалар салу мен көшелерді жарықтандыру жұмыстары да бар. Бүгін жергілікті билік өкілдеріне осы саланың жай-жапсарын түсіндіруге арналған оқыту семинары өтті. Мемлекеттік жекеменшік серіктестігі батыс өңірінде әлі қарқынды дамымай тұр. Бұлай дейтініміз, былтырдың өзінде ғана, Қазақстан бойынша қолға алынған 253 жобаның 14-і ғана батыс өңіріне тиесілі екен. Алайда, көрші Ақтөбе облысында 100ден астам жоба қолға алынып, іске асып жатыр. Ал біздің өңірде бұл бағдарлама жұмысы неліктен ілгерілемей тұр? Бас орталықтан арнайы ат терлетіп келген мамандардың айтуынша, бізде балабақша салу, көшелерді жарықтандыру мен денсаулық сақтау саласына қажетті құрылғыларды алуға қызығушылық артып тұр. Ал мемлекет өз кәсібін мемлекеттің көмегімен, серіктестігімен ашамын деушілерге көмек қолын созуға дайын екен.