мемлекеттік қызмет – TDK-42

Елге қызмет

Ажар Хамитова — Wed, 29 May 2019 12:04:28 +0000

0:00 / 0:00

Бүгінде "Тірі болсам, қазаққа қызмет қылмай қоймаймын" деген мақсатты көздеген жастар көбейіп келеді. Олар еліміздің дамуы үшін түрлі салада бел жазбай еңбектеніп жатыр. күн сайын білімдерін шыңдап, тәжірбиесін толықтырған түрлі маман иелері бәсекеге қабілетті болуды мақсат тұтады. Күн өткен сайын кадрларға қоятын талап күшейіп келе жатыр. Замана жүктеген міндетті бірінші болып, мемлекеттік қызметшілер мүлтіксіз орындауы шарт.

Қазіргі таңда мемлекеттік қызметші болып жұмыс жасаймын деген жандардың саны мен оларға қойылатын талап күн өткен сайын артып келеді. Замана жүктеген міндетті абыройлы атқарып жүрген жандар аз емес. Солардың бірі -Әлібек Молданиязов. Ол 2012 жылдан бастап Орал қалалық ішкі саясат бөлімінде жұмыс жасайды.

"Болашақ" степендиясы арқылы білімін жетілдірген Әлібек Молданиязов 2018 жылы Ұлыбританияда "сыбайлас жемқорлыққа қарсы күрес және мемлекеттік басқару " мамандығы бойынша оқуын аяқтап, елге оралып, қызметін жалғастыруда. Кейіпкеріміздің әріптестері шетелде білімін толықтырған маманның жұмысын оң бағалап отыр.

Өмірінің 7 жылын мемлекеттік қызметке арнаған Әлібек Молданиязов бүгінде мемлекеттік қызметтің дамуы үшін атқарылып жатқан жұмыс көп,- дейді. Кейіпкеріміз елдің дамуы үшін бел жазбай еңбектенем деген жастар мынаны ескеруі керек,- дейді.

Қазақияның келешекте толағай табысқа жетіп, өркениетті елдердің тізімінде көш бастауы үшін әрбір маман кәсіби тұрғыда жұмыс жасап, білімін үнемі толықтырып, жаңа дүниелерді үйреніп, оны тәжірбие жүзінде қолдана білуі шарт.

Мемлекеттік қызметтің сапасы ақсап тұр

Ажар Хамитова — Tue, 09 Apr 2019 12:15:09 +0000

Жыл сайын әрбір өңірдегі мемлекеттік қызметтің көрсетілу барысы есепке алынып, жаңа жылда есептеулердің нәтижесін жариялап отырады.
2018 жылдың қорытындысы бойынша облыс көлемінде көрсетілген мемлекеттік қызмет 44,2 баллды көрсеткен. Сала мамандары салыстырғанда олқылықтар көптеп орын алып жатырғандығын айтады. Мәселен, өткен 2016 жылдары олқылықтың саны 50 болса, 2018 жылы қателіктердің саны 200-ден асып жығылған. Ауыл шаруашылық саласы және рұқсат беру сынды сауалдарда мемлекеттік қызмет көрсету ісі ақсап тұр. Аталмыш олқылықтарды түзету мен кешелекте мемлекеттік қызмет көрсету ісін жолға қою үшін ведомство аралық комиссияның кезекті отырысы ұйымдастырылды. Шара барысында әлеуметтік көмек алу мен тұрғын үй кезегіне тұру сауалы талқыланды. Атаулы әлеуметтік көмек алу үшін құжаттарды рәсімдеп жатқан мамандар сәуірдің алғашқы күндері кеңес алуға келген жандардың қарасы көп болғандығы мен "е.халық" бағдарламасының жұмысы біраз қиындықтар туғызғандығын жеткізді.

Ашық алаңда бас қосты

Айнур Құрмашева — Fri, 15 Mar 2019 13:10:57 +0000

0:00 / 0:00

Бүгін коворкинг орталығында ҚР Мемлекеттік қызмет істері және сыбайлас жемқорлыққақарсы іс-қимыл агенттігі БҚО бойынша департаментінің ұйымдастыруымен бірнеше басқарма басшылар жастар өкілдерімен кездесті. Ашық форматтағы басқосуға келген жастар аға буын өкілдеріне мемлекеттік қызметтегі бірқатар артықшылықтар туралы баяндады. Сала мамандарының айтуынша бүгінде ел игілігі жолында еңбек етуге жастар өкілдерінің қызығушылығы жоғары. Мемлекеттік қызметшілермен ашық алаңдағы басқосу бұған дейін де бірнеше мәрте ұйымдастырылғаны аян. Көп жағдайда жастардың оқу орнын аяқтап жас маман атанған соң жұмысқа орналаса алмай уақытты құр өткізетіндері жасырын емес. Сол себепті сыбайлас жемқорлыққа қарсы іс- қимыл агенттігінің мамандары мемлекеттік қызметке жұмысқа орналасудың негізгі тәртіптері туралы баяндады. Еркін форматтағы кездесуде мемлекеттік қызметшінің беделі, мемлекеттік қызметшілер мен азаматтар арасындағы сенімді қарым-қатынастарды орнату жөнінде сөз қозғалды. Бұл туралы департамент басшысылары қатысушыларға арнайы дайындалған бейнеүзік арқылы кең көлемде түсіндіріп өтті. Жиын соңында жастар департамент басшысына ашық әңгіме мен жылы жүздесу үшін алғыстарын айтып, ерекше әсер алғандарын, сонымен бірге, маңызды да қажетті ақпаратқа ие болғандарын айтты.

Меритократия қағидасы

admin — Wed, 13 Jun 2018 13:03:45 +0000

Батыс Қазақстанда 250ге тарта жұмыссыз бен жоғары оқу орнын жаңа бітірген түлек мемлекеттік қызметке орналасқан. Бұл Елбасымыз атап өткен меритократия қағидасының жемісі. Ұлттық құндылықтардан бастау алып, заманға лайық меритократиялық қоғам құру бағытындағы жұмыстар елімізде қарқынды жүруде. Әр адамға еңбегіне лайық құрмет көрсетіп, бәсекеге жол ашатын таза, ашық ортаны қалыптастыру - Президентіміз деттеген меже. Кадрлық саясат жұмыстарынің Батыс өңіріндегі нәтижелері мен негізгі бағыттары бүгін облыстық мәслихатта талқыға түсті. Алқалы жиын барысында мемлекеттік кәсіпорын, ұлттық компаниялардың және бюджеттік ұйымдардың кадрлық саясатына меритократия қағидатын енгізу жөнінде жоспар құрылды.

БҚО-ның мемлекеттік қызметкерлері шектен тыс көп міндеттер мен төмен жалақыға наразы

Эльмира Рахмешева — Tue, 03 Apr 2018 12:43:26 +0000

0:00 / 0:00

Олар мамандардың жетіспеуі салдарынан бірнеше адамның қызметін атқарып, тіпті жұмыстан соң қалуға мәжбүр екендерін айтқан. Бұл мәліметтер мемлекеттік қызметшілер арасында жүргізілген сауалнаманың нәтижесінен алынып отыр.

Жұмыс уақыты біткен соң да үйлеріне қайтпастан жұмыс жасайтын мемлекеттік қызметшілердің саны біраз болып тұр. Бірнеше маманның орнын басып, 2-3 міндетті қатар атқаратын мамандар осы еңбегі үшін қосымша жалақы алмайды. Соның салдарынан білікті қызметкерлер мемлекеттік қызметтен кетіп жатырғаны жасырын емес.

Жүргізілген сауалнамаға қатысқандардың басындағы басты мәселелері - жалақының мардымсыздығы. Ал жалғыз адам бірнеше маманның орнын басуға үлгірмей, қажетті құжаттар дер кезінде рәсімделмей қалатын көрінеді. Мемлкеттік қызмет және сыбайлас жемқорыққа қарсы күрес басқармасы сауалнама нәтижесі алдағы жұмыс пен өзгерістер енгізу кезінде ескерілетінін мәлімдеді.