Елімізде алғаш рет ауыл шаруашылық өнімін өндірушілерге арналған жеңілдетілген несие көлемі 580 млрд теңгеге көбейді. Жарты жыл ішінде ауылшаруашылық өнімдерінің көлемі артып, жарты триллион теңгені құрады. Премьер-Министр Олжас Бектеновтің төрағалығымен өткен Үкімет отырысында агроөнеркәсіп өнімін арттыруға бағытталған іс-шаралар жайлы айтылды.

Ауыл шаруашылық өнімдерін 111 пайызға көбейтуді жоспарлап отыр. Бұл тек биылға арналған жоспар. Бірінші жарты жылдықтың қорытындысы бойынша көрсеткіш 103 пайызды құрайды. Үкімет басшысы өсімдік шаруашылығының жемісін күзде көреміз,- дейді.

Тұңғыш рет жеңілдетілген несие көлемі 580 млрд теңгеге жеткен. Өткен жылдары жеңілдетілген несие 180 млрд теңгеден аспаған еді. Қолдаудың арқасында дихандар тиісті агротехникалық жұмыстарын толыққанды атқарып үлгерген. Биыл елімізде жалпы егіс алаңы 23,8 млн гектарды құрады. Ауыл шаруашылық өнімдерін өндіретіндерге қолдау көрсету жолға қойылған. Аграрлық несие корпорациясы арқылы Әлеуметтік кәсіпкерлік корпорациялар қорының есебінен ауыл шаруашылығы өндірушілеріне жеңілдікпен қаржыландыру беру арналары кеңейтілді. Десек те, ауыл шаруашылығы министрі бұл мүмкіндікті әлі де қолданбай жүргендер көп,- дейді. 20 өңірдің тек бесеуі ғана осы бағытта белсенді жұмыстануда.

Соңғы алты айдың ішінде ауыл шаруашылығы саласы 410 млрд теңгеге инвестиция тартқан. Биыл жоспарланған меже-1,7 трлн теңгені құрайды.

Сурет https://tengemonitor.kazgazeta.kz/ сайтынан жүктелді.

Биыл батыс қазақстандық дихандар 228 мың гектар дәнді-дақылды орып, 260 мың тонна өнім алған. Бұл туралы ауыл шаруашылық басқармасының мамандары мәлімдеді. Көрсеткіш өткен жылмен салыстырғанда 18 мың тоннаға көп. Шаруалардың төккен терлері ақталып, кәсіптерін дөңгелентіп, істерін дамыту үшін мемлекеттік қолдау керек. Осы қолдаулар туралы толығырақ келесі сюжетте.

Биыл дихандардың кәсібін дөңгелентуге, егін мен дәнді-дақылдарды өсіруге көмектесу үшін бірқатар мемлекеттік және қаржылай қолдау көрсетілді. Қазіргі таңда шаруаларға тыңайтқыштарды қолдануға, пестицидтердің құнын субсидиялау мен су жеткізу құны, тұқым шаруашылығын дамытуға мемлекеттік субсидия төленді. Мәселен, тыңайтқыштарды қолданған шаруаларға 136,3 млн теңгедей қолдау қаржы төленген.

Мемлекеттік қолдауды алған жандардың бірі - Серік Аманжолов. . Шаруа инвестициялық қаражаттың арқасында егін шаруашылығын дамыту үшін пайдаланатын бірнеше техника сатып алыпты. Сол техниканың арқасында бүгінде келер көктемде жыртылуы керек, жерлер жыртылып, егіс жұмыстарына дайын тұр. Мемлекеттік қолдаудың құны 483 млн теңгені құрайды. Жеке кәсіпкер бүгінде кәсібін екі бағытпен дамытуда. Бірі тұқым шаруашылығын дамыту болса, енді бірі қара жерге дәнді-дақылдарды егу.

Мемлекеттік қолдаудың арқасында кәсібін дөңгелентуге мүмкіндік алған кәсіпкер келешекте егіс алқаптарында егілетін дәнді-дақылдардың санын көбейтіп, тұқым шаруашылығын дамытқысы келеді.

сурет https://bossagro.kz//  жүктелді