«Даму» Қорының БҚО бойынша филиалы "Бизнестің жол картасы 2020" , "Басымдықты жобаларды несиелеу" және "Қарапайым заттардың экономикасы " мемлекеттік бағдарламалары аясында бизнесті қолдау мен дамытудың бірыңғай бағдарламасының жүзеге асуы көрсеткіштерін қорытынылады.Өңір кәсіпкерлерлерінің өздері атап өткендей, «Даму» қорының арқасында олар жеңілдетілген несие алып, бизнестің жаңа бағыттарын дамытуға мүкіндік алған.

«Қарапайым заттардың экономикасы» бағдарламасы бойынша қаламыздағы баспахана қағаз шыныаяқтарын шығаруға арналған жабдықтар желісіне 10 млн. теңге сомасына несие алған.
Бұл жабдықты сатып алу кәсіпорынға көрсетілетін қызметтердің спектрін кеңейтуге және жаңа деңгейге көтеруге мүмкіндік берді.Жабдық ыстық сусындар, шырындар, агрессивті емес компоненттерден жасалған сусындар мен балмұздақ үшін әртүрлі мөлшердегі қағаз қағаз стақандарын шығара алады. Сыйақы мөлшерлемесі: 15%, оның ішінде өндіріске құрал-жабдық сатып алуға мемлекет 9% субсидиялайды.

Қаладағы дүкен сөрелерін нан-тоқаш және май өнімдерімен толтырып келе жатырған №1 наубайханадағы қайнаған жұмыс тәуілік бойына үздіксіз жалғасады. Мұнда шамамен 30-ға жуық нан түрі пісіріледі. Зауыт басшылығы ескірген жабдықты жаңарту мақсатында "Даму" кәсіпкерлікті дамыту қоры" АҚ БҚО филиалының қолдауымен «Басымдықты жобаларды несиелеу» бағдарламасы аясында екінші деңгейлі банктен 15 млн. теңге қаражатқа қол жеткізген.

Ел экономикасына зор үлесі бар өңір кәсіпкерлерін қолдауда мемлекеттік бағдарламалардың өресі жыл санап ұлғая берері сөзсіз. Тек өз кәсібін ашқысы келетіндер "Қалауын тапса қар жанар" деген ұстанымды серік етсе болғаны.

Қанша уақыт өтсе де баспана еш өзектілігін жоғалтқан емес. Бүгінгі таңда мыңдаған адам өзгенің босағасында күнелтіп, тапқан таянғанына пәтер жалдап, баласын жетілдіріп, жаңа қонысқа ие болуды армандайды. 2016 жылы "Нұрлы жол" бағдарламасы іске қосылып, еліміздің аумағында құрылыс қарқынды жүзеге аса бастады. Өткен жылы облыс көлемінде мемлекеттік бағдарламаның аясында бой түзеген 6 көпқабатты тұрғын үй азаматтарға табысталды. Сала мамандары биыл 449 мың шаршы метр баспананы тапсырамыз деп жоспарлап отыр.

Әрбір отбасы баспаналы болуы үшін өткен жылы Елбасының тапсырмасына орай "7-20-25" бағдарламасы іске қосылды. Бүгінгі таңда 276 Батысқазақстандық баспана алу үшін арнайы өтініш берген. Өтінім берген жандардың 181 тексерістен өтіп, жаңа қонысқа ие болды

7-20-25 бағдарламасына барлық дерлік жұмыс жасайтын жандар қатыса алады. 25 жылға баспана алуды көздейтін жандар жаңа салынған үйден қалаған пәтерді несиеге рәсімдей алады. Тек жаңа қоныстың бағасы 15 млн теңгеден көп болмауы тиіс.

Тәуелсіздік күнінде 180 батысқазақстандық отбасы қоныс тойын тойлады. Көптен бері жаңа баспанаға көшуді армандап жүрген азаматтардың қуанашында шек болмады. Көп қабатты тұрғын үй Зашаған кентінде орналасқан. Мереке күндері қуанышы еселене түскен азаматтарды облыс әкімі құттықтады.

Тәуелсіздік күнінде 180 отбасы жаңа баспананың кілтіне ие болды. Су жаңа көпқабатты тұрғын үй Зашаған кентінде орналасқан. Тоғыз қабатты тұрғын үйдің құрылысы өткен жылдың тамыз айында басталыпты.

Қоныс тойын тойлап жатқан жандардың қатарында Бақтылы Сапарова да  бар. Кейіпкеріміз көп жылдан бері пәтер кезегінде тұрған. Ақ жаулық ана тіпті күдерімді үзіп, пәтер алам деген арманым орындалмайтын шығар деп ойлағанында жасырмады.

Мемлекеттік бағдарламалардың арқасында облыс орталығында тағы 15 көп қабатты тұрғын үйлердің құрылысы жүріп жатыр. Олардың 3 пәтер кезегінде тұрған азаматтарға арналған. Жобаны жалпы құны 20,7 млрд теңгені құрайды.

Сарытау шағын ауданында жаңа мектеп ашылды. Мектеп 900 балаға арналған.

Бүгінде жаңа мектеп оқушыларға білім беру үшін қажетті құрал-жабдықтармен жабдықталған. Қаңтар айынан бастап оқу процесі басталмақ. Бүгінде білім беру ошағы 1100 оқушыны қабылдап үлгерген.

Сондай-ақ, мектеп жанынан арнайы даярлық орталығы да өз жұмысын бастамақ. Ата-аналар қауымы мектепті аралап көріп, жаңа нысанға былай деп баға берді.

Облыс көлемінде 3 аусымда оқитын 5 мектеп бар. Олардың қабырғасында 2000 мыңнан астам оқушы білім алуда. Сондай-ақ, апатты деп танылған 5 білім ошағы анықталып отыр. Аталмыш олқылықтарды жою мақсатында облыс көлемінде 3 мектептің құрылысы басталмақ. Айта кетейік,  осы Сарытаудағы мектеп ең шулы құрылыс болды.Алғаш істі бастаған мердігердің жұмысы оқсамай, ісі сотқа дейін жеткені, кейін құрылысты басқа мердігер жалғастырғаны көпшілктің есінде.Бастысы нысан қоладнылуға берілді. баянды болсын дейміз.