мектеп оқушылары – TDK-42

Орал қаласында "Абайлаңыз, жаяу жүргінші" акциясы өтуде

Evgeni St — Fri, 18 Oct 2019 12:49:29 +0000

0:00 / 0:00

Былғы жылдың 9 айында Орал қаласында 118 жол-көлік оқиғасы болды. Аталған оқиға кезінде 34 адам көз жұмса, 151 адам әртүрлі дене жарақатын алған. Осыған орай, қаладағы мектеп оқушыларының жолда жүру ережелерін сақтаудағы дағдыларын қалыптастыру, жаяу жүргінші жолынан қалай өту керек екенін түсіндіру мақсатында "Абайлаңыз жаяу жүргінші" акциясы өз бастауын алды. Игі бастама аясындағы түсіндіру жұмыстары №46 ЖОББМ-нің оқушыларына жүргізілді. "Жас қанат жастар" ҚБ-гі мен Жергілікті полиция қызметінің мамандары бірдей мұрындық болған шарада оқушыларға үнпарақтардан өзге, түнгі уақытта жанатын ленталар мен брелогтар тегін таратылды.

Қызғалдақ теруге барған...

Айнур Құрмашева — Mon, 22 Apr 2019 11:38:47 +0000

Жаңақалада жол апатынан, 17 жасар қыз бала ауруханаға түсті, Оқиға сенбі күні кешкісін аудан орталығы Жаңақала ауылы маңында болды. Облыстық денсаулық сақтау басқармасының баспасөз хатшысы Айнагүл Сақпосынованың айтуынша, е сағат 19.20-да жедел жәрдем шақыртылды. Жол-көлік оқиғасынан 2002 жылғы қыз бала зардап шеккен. Түнде облыс орталығынан нейрохирург, хирург, реаниматолог шақыртылған. Облыстық полиция департаментінің баспасөз қызметінен түскен мәліметке қарағанда көлік жүргізушісі рульге ие бола алмай, көлігі аударылып қалған. Автокөлік рулінде Жаңақала ауылындағы №3 мектептің 11-сынып оқушысы болған. Көлікте одан басқа тағы 5 оқушы отырған. Алдын ала мәлімет бойынша немересі атасынан автокөліктің кілтін сұрап алып, сыныптастарымен бірге қызғалдақ теруге барған. Қазіргі кезде сотқа дейінгі тергеу амалдары жүргізілуде.

Ыссы тамақпен қамтылған

Айнур Құрмашева — Mon, 28 Jan 2019 10:16:51 +0000

Қазір Оралда барлығы 25 988 бала ыстық тамақпен қамтылған. Ал мектеп асханасының жабдықтау шараларына бюджеттен 64 млн теңге қаржы бөлінген. Орта білім мекемелеріндегі асханадағы тағамдар талапқа сай ма? Мұны мәслихат депутаттары, ата-аналар мен «Нұр Отан» партиясы мүшелерінен құралған комиссия анықтауға тырысқан.Қазақстанда 14 жасқа дейінгі балалардың 21 пайызы артық салмақтан жапа шегеді екен. Мұның бәрі оқу орындағы сапасыз тамақтың кесірі. Балаларының денаулықтарына алаңдаған ата-аналар, партияның бұл бастаманың қолға алынып жатқанына қуанышты. Қазір бюджет бір бала азығына 100, ал аз қамтылған балалар үшін 150 теңге бөледі. Айта кетейік, қазір Астана, Атырау, Батыс Қазақстан облыстарында 1-4 сынып оқушылар тегін тамақтанады.Осы жылдан бастап әр бала үшін бөлінген қаржы көлемі 50 теңгеге көтеріліп отыр.

Мектептегі қатыгездік: оқушыға шприц сұққан

admin — Fri, 26 Oct 2018 11:27:14 +0000

Жаңақала ауданы Жуалыой ауылындағы Нұрымғалиев атындағы жалпы орта білім беретін мектептің 7-сынып оқушысы Елтыныш Аманжол 22 қазан күні 6-сыныпта оқитын Эльвира Жарастың сол жақ қарына шприц сұғып алған. Оқушы медбикеге барып, алғашқы көмек алған. Күні бүгін жарақат алған қыз бала аудандық емханада тексерістен өткізіліп, ем алуда және қосымша амбулаторлық бақылау тағайындалған.

АЙНАГҮЛ САҚПОСЫНОВА, БҚО денсаулық сақтау басқармасының баспасөз хатшысы:
Жалпы медициналық тексерістің алдын ала қорытындысы бойынша қан арқылы жұғатын қауіпті инфекциялық аурулардың белгілері анықталған жоқ. Қыз баланы ата-анасы 25 қазан күні аудандық ауруханаға әкелген. Бүгінде қажетті ем дом жасалауда.

Жас ұрпақтың денсаулығы басты назарда!

Ажар Хамитова — Tue, 10 Apr 2018 06:40:12 +0000

Қалалық қоғамдық денсаулық сақтау басқармасының мамандары жаппай мектеп оқушылармен кездесу ұйымдастырып жатыр. Басты мақсат: оқушыларға дұрыс тамақтану ережелерін үйрету, денсаулыққа пайдалы тағамдарды қалай қолдану дерегін түсіндіру. Адам денсаулығының жақсы болуы үшін дұрыс тамақтанудың алар орны зор екені даусыз. Ал, осы орайда өскелең ұрпаққа дұрыс тамақтануды үйрету бүгінгі күннің басты мәселесі болып отыр.