Бұл жолы басынан дау кетпеген құрылыс нысаны басқа мердігер компанияға тапсырып жатыр. Енді бұл нысан 2019-жылы қолданысқа беріледі дейді мамандар. 150 орынға лайықталған дарынды балаларға арналған мектеп-интернатының белгіленген мерзімнен кеш тапсырылуына осыған дейін құрылысқа жауапты болған "Марасант" ЖШС-нің мемлекеттік сатып алулармен келіспей, туындаған дауы себеп болып отыр. Нәтижесінде жоғарғы сотта тапсырыс беруші спорт басқармасы өздерінің дұрыстығын дәлелдеген. Осы жағдайға байланысты қаржыландыру тоқтатылып, құрылыс жұмысы 9 ай бойы қаңтарылып тұрған еді. Енді нысан "Алтаир" ЖШС-не табысталып отыр. Кәсіпорын ғимарат 2019 жылы ғана қолданысқа дайын болатынын айтады. Мектеп интернат Деркөл кентіндегі дене шынықтыру сауықтыру кешені жанында орналасқан.

Ал бүгінде жаттығатын жөнді орындары жоқ мектеп-интернат оқушылары жаттығу алаңдарын жалға алып жүр. Оларды тасымалдайтын көлік шығыны тағы бар. Орын-жайларды жалға алуға жыл сайын 57 млн теңге бюджеттен бөлініп отыр. Бұл мәселе ғимарат қолданысқа берілген кезде ғана шешімін таппақ. Нысан аймағы 4,5 гектарды құрайды. Дарынды балаларға арналған мектеп-интернаттың құрылысына 1,5 млрд теңге жұмсалғалы отыр.

Дарынды балаларға арналған мектеп-интернатты салу жұмысы тоқтап тұрғанына бірнеше ай болған. Нысанға 1,5 млрд. теңге қаражат жұмсалуы тиіс болатын. Алайда құрылыс бірнеше жылдан бері аяқталар емес. Бұған не себеп?
Спорттық мектеп-интернат Деркөл кентінде орналасқан. Дарынды балаларға арналған нысан жоспар бойынша 2 жылда бой көтеруі тиіс болатын. Бірақ бірнеше айдан бері құрылыс қаңтарылып тоқтап тұр. Ғимараттың жанына футбол алаңы мен жүгіруге арналған жолақ жол салынады және аумақ көлемі 4,5 гектарды құрайды.

Құрылыс жұмысына 1,5 млрд теңге бағытталуы тиіс болатын. Алайда белгілі бір себептерге байланысты даулы мәселе туындап, қаражат бөлінуі бөгеліп отырған көрінеді. Қазіргі кезде дарынды балаларға арналған мектеп интернаттың ғимараты жалға алынып отыр. Ал 150 орынға лайықталған жаңа нысан бюджет қаражатын үнемдеуге сеп болады және мектепте барлық қолайлы жағдай қарастырылмақ.