Обылыста мектептердегі тамақтандыру бағасы артты. Бұған негізгі себеп қазіргі таңдағы қымбатшылық болып отыр. Оралдағы 51 мектепте бастауыш сыныптарда ыссы тамақпен қамту шаралары ұйымдастырылған. Бірнеше жылдан бері өңірде әлеуметтік аз қамтылған балалар ыстық тамақпен қамтылып келеді. Оның орташа бағасы 200-250 теңге. Демек бағаның өсуімен реттеліп отырады. 1-ші төртінші сынып оқушыларының тамақтануы үшін қаражат қалалық бюджеттен қарастырылады. Өткен аптада қоғамдық тамақтану ассоцациясының өкілдері облыс әкімінің қабылдауында болып, қымбатшылыққа орай бір баланың аухаттану ақысын 485 теңгеге дейін өсіру мәселен көтертіпті. БҚО Кәсіпкерлер палатасы директоры Нұржан Мақсотовтың айтуынша салаға өзгерістердің енгізілуіне облыстық прокуратура өкілдеріде мұрындық болған. Қазір Оралдағы 52 мектепкетегі оқушыларды тамақтандыру ісімен 7 кәсіпкер қызмет көрсетеді. Солардың бірі кәсіпкер - Ляна Тұрсынованың айтуынша, бұған дейінгі бекітілген баға өте төмен. Және мектеп жасындағы балаларды құнарлы тамақтандыру үшін кем дегенде 500 теңге жұмсалуы тиіс.Тұрғындар балаларының мектепте тамақтануын қолдайды. Өйткені дұрыс тамақтану өскіншек ұрпақтың болашағы үшін маңызды деп біледі. Оралда 1-4 сыныптарда - 25 545 оқушы болса, әлеуметтік аз қамтылған отбасы балалар саны - 1035.

Оралдық мектептердің асханасы толықтай жұмысын қайта бастады. Санитарлық талаптарға сәйкес адам саны тамақтану орнының 30 пайызынан аспауы тиіс. 1-ші және 4-ші сынып оқушыларын тамақтандыруға 300 млн. теңгеден астам қаржы бөлінсе, аз қамтылған отбасы балаларына 89 млн. теңге қарастырылған. Айта кеткен жөн, әзірге өткен жылғы тендер жеңімпаздары жұмысын жалғастырады. Екіжақты келісімшарт мерзімі ұзартылған. Бүгінгі ас мәзірінде дәруменге бай 50 грамм салат, 250 грамм бұршақ сорпасы, 25 грамм нан және компот. Бұл барлық мектептерге ортақ мәзір. Бағасы 162 теңге тұрады. Өткен жылы бұл баға -150 теңгені құраған болатын.Асханада санитарлық талаптар күшейтілді. Аспаздар медициналық бетпердесіз қызмет етпейді. Жасөспірімдер тамақтану орнына арнайы кесте бойынша кезекпен барады. Әрбір үстелде 2 адамнан артық отыруға болмайды.Тұрмысы төмен, әлеуметтік жағдайына байланысты аз қамтылған отбасы балалары мен 4 сыныпқа дейінгі оқушылар тегін бір мезгіл ыстық тамақпен қамтылады. Асханалардағы санитарлық талаптарға баса мән берілген. Барлық санитарлық-гигиеналық талап, арақашықтық сақталып отыр. Оқушыларды ыстық тамақпен қамту әрбір елдімекендегі эпидахуалға байланысты жүргізілуде.Мамандардың айтуынша, асханаларда әзірге санитарлық талаптардың бұзылу дерегі тіркелген жоқ.

1 қыркүйектен бастап барлық оқушылардың тамақпен қамтылуына басты назар аударылады.Ыстық тамақ 1 мен 4 сынып оқушыларына, әлеуметтік жағдайларына байланысты 5-11 сынып аралығындағы мектеп балаларына, сондай-ақ ата-ана қамқорынсыз қалған балаларға беріледі. Бүгінгі күні аймағымыз бойынша 74 мыңнан астам мектеп оқушысы ыстық тамақпен қамтылған болса, оның 14 мың 515 -сі көп балалы отбасынан шыққан, жетім және ата-ананың қамқорынсыз қалған оқушыларды құрап отырған көрінеді. "Ыстық тамақпен қамтылуға тиіс 1-4 сынып оқушылардың көрсеткіші де 100 пайызды алқымдайды", - дейді іске жауаптылар.

Жоғарыда аталған көп балалы отбасынан шыққан, жетім және ата-ананың қамқорынсыз қалған оқушылардың 1 күндік тамағы 200 теңгеге бағаланса, ал 1 мен 4 сынып аралығындағы оқушылардың ас мәзірі 180 теңге көлемін құрамақ. Дегенмен, мектеп балаларына көретіліп жатырған әлеуметтік көмек жыл санап артып келе жатқандығын№19 ЖОББМ-і директорының оқу ісі жөніндегі орынбасары Самал Шакетова тілге тиек етті . Аталмыш мектепте 1200-ге жуық оқушы бар. Жалпыға білім беру қоры арқылы аталмыш мектептің 546 бастауыш сынып оқушысы мен 5 пен 11 сынып аралығында 39 бала ыстық тамақпен қамтылып келеді екен.

Мектепте тамақтану мәселесімен жеке кәсіпкер айналысып келеді. Ал, тамақтарды тасымалдау, даярлау кезінде белгіленген санитарлық - гигиеналық сақтау метеп медбиексінің жауапкершілігінде. Асханада 2 аптаға тағайындалған ас мәзірі мен сыныптардың тамақтану кестесі ілулі. Буфет тағамдарының түрлі мәзірі бірден сатылып кетеді. Шырындардан өзге, қайнаған су да бар.

"Театр киім ілгіштен басталады", - демекші, ыстық тамақты ұйымдастыруда тамақтың сапасы, құнарлығы мен асхананың санитарлық жағдайы, аспаздардың сыртқы киім үлгісі басты назарда қала бермек. Өйкені, өрендердің саулығы - елдің болашағымен тікелей байланысты.

Мектеп асханасындағы қызметті жақсарту үшін бұдан былай кәсіпкерге 3 жыл көлемінде бір мектепте жұмыс жасауға мүмкіндік берілмек. Бұл туралы бүгін өңірлік коммуникациялар қызметінің ақпарат алаңында облыс әкімінің орынбасары Ғабидолла Оспанқұлов мәлімдеді. "Ақжайық адалдық алаңы" кеңсесі жұмысын бастағалы бері бірқатар саладағы олқылықтардың орны толтырылып, мемлекеттік мекемелерде осы кезге дейін жіберілген қателіктер түзетілді. Бұл жолы спикерлер мектеп асханасындағы кейбір заңбұзушылықтарды анықтаған. Мәселен ас мәзірінің стандарттарға сай келмеуі, таза суды ішуге ар­налған диспансерлардың бол­мауы, кей тағамдардың салмағының аздығы, пластмас­садан жасалған және жарығы бар ыдыстарды қолдану сияқты  заңбұзушылықтарға жол берілген. Сонымен қатар бұдан былай мектеп директорлары мемлекеттік сатып алу процесіне қатыспайтын болады. Бұл жұмыстар енді орталықтан қадағаланбақ.  Кез келген мемлекеттік мекеме жұмысын «Ақжайық адалдық алаңы» кеңсесі нысанға алуда. Соңғы үш айда облыстың барлық аудандарында кеңсе филиалдары ашылып үлгерген.Сала мамандары негізінен медицина және  білім саласында көптеген заңбұзушылықтардың орын алатынын да жасырмады.