Пандемияның кесірінен кәсіпкерлер дөңгелентіп отырған кәсіптерін басқа арнаға бұрып, өзге бизнестің түрін меңгеруге мәжбүр. Қазіргі таңда банкет залдарының қожайындары үлкен ғимараттарын жалға берсе, енді біреулері дүкен ашып, амалдап отыр.

Зашағандық бүлдіршіндер бос уақыттарында түрлі үйірмелерге қатысады. Бірі-ағылшын тілін меңсерсе, енді бірі шахмат үйренуде. Ал кейбір өрендер ән шырқап, өнерлерін шыңдап жатыр. Көркем сөзге жақын оқушылар мәнерлеп оқу үйірмесіне қатысуда.

Үйірмеге қатысып жатқан оқушылар орталыққа келіп, құрдас-қатарластарымен көңілді, әрі қызық уақыт өткізетіндіктерін айтады.

"Шабыт" орталығы биыл қаңтарда өз жұмысына кірісті. Жаңа ғимарат педагогтарға балалармен жұмыс жасауға ыңғайлы екенін айтады.

"Атамекен" кәсіпкерлер палатасының өкілдері өңірде өзге кәсіптің түрін меңгеріп жатқан кәсіпкерлердің аз екенін мәлімдеді. Бизнес субъектілерінің өзге кәсіпке ауысуы үшін оны жабдықтайтын қаржысы тапшы.

Жалпы БҚО 43 мыңнан астам кәсіпкерлік нысаны бар. Пандемияның кесірінен көптеген сала тақырға отырып, есіктеріне қара құлып іліп, кредитін төлей алмай келеді. Үкімет кәсіпкерлерді қолдау үшін несиені кешіктіріп төлеуге болатын мүмкіндік берді. Жақында жабық тұрған кәсіпкерлік нысандарының жұмысына қан жүгірту үшін "Ашық" бағдарламасы іске қосылған болатын.

Бүгін Оралдағы тойхана иелері 50-кісіге дейін қызмет көрсетуге рұқсат беруді өтініп «Нұр Отан» партиясынан көмек сұрады. Кәсіпкерлердің сөзінше 7 айға жуық жұмыссыз отырған олар несиелеріне төлей алмауда.Ірі мейрамхана, тойхана иелері мен жұмысшылар наразылық өткізіп, ірі банкет залдарын ашуды талап етті. Рестораторларға 50-ден астам адам қабылдауға рұқсат беруді сұрады. Олар базарлар мен сауда орындары ашылған шақта ірі мерамханаларға жұмыс жасауға рұқсат бермей отырған билікке наразы.Коронавирусқа байланысты шамамен 6 ай карантинде болып, соңғы кезде шектеу шараларының басым бөлігі алынған Оралда қоғамдық тамақтану орындарына 30-дан артық адам қабылдауға тыйым салынған. Соның кесірінен кәсіпкерлер шығынға батқан. Кәсіпкерлік нысандарының басым бөлігі бизнестерін несие алып бастағандықтан бүгінде бұл мәселе сала мамандарына таныс. Және тез арада бұл проблеманың шешу жолдары ел аумағында қаралуы тиіс дейді.Орал қаласы тауарлар мен қызметтердің сапасы мен қауіпсіздігін бақылау басқармасы басшысының орынбасары Роза Кәкімқызы қоғамдық тамақтану орындарына 30-дан артық адамның жиналуына рұқсат бермеу себебін түсіндірді: - Коронавирус инфекциясы жойылды деуге ерте. Тек ел аумағында қолға алынған карантиндік шаралардың нәтижесінде ауру жұқтырғандар қатары азайып отыр.Кішігірім тамақтану орындарында адамдар тойхана, банкет залдарындағыдай ұзақ отырмайды. Науқастар өсімі күн сайын құбылып тұр. Мұндай орындарды ашу вирустың тарау жылдамдығын арттыруы мүмкін. Қазан айында аурудың екінші толқыны болуы мүмкін деген болжам бар. Сол себепті денсаулыққа мән беру қажет, - деді ол. Кешегі күнгі мәлімет бойынша облыс аумағында 3 адам ковид 19 инфекциясын жұқтырған.