Ақ пен қара алмасқан дүниеде түрлі тағдырлар тоғысары хақ. Қамшының сабындай ғұмырда көңілге демеу болар жүрек жылуын іздеп жатамыз. Ал көне көз қарияларға көмек пен қолдау әрдайым қажет. Осы мақсатта облыс әкімдігінің қолдауымен 1 қазан мен 1 қараша аралығы "Мейірбандық күндері" деп белгіленді. Қайырымдылық айлығы аясында халықтың әлеуметтік қорғалатын тобына жататын азаматтарға қамқорлық көрсетіледі. Орал қаласында 37 ардагер, 9112 мүгедек жан, 47-мыңнан астам зейнеткер бар. Қарияларға ең бастысы ел тыныштығы және бүгінгі ұрпақтың оларға бөлер шынайы көңілі қымбат дейді жұмыспен қамту орталығының директоры.
Акция барысында егде жастағы адамдармен кездесулер ұйымдастырылады. Қарттар, ардагерлер үйлерінде мерекелік іс-шаралар өткізіледі. Сауабы мол ілкімді істің бастауы болып жалғыз тұратын соғыс ардагерлері мен тыл еңбеккерлерінің тұрмыстық жағдайларын жақсарту мақсатында азық-түлік таратылды. Оған қоса әлеуметтік қызметкерлер зейнеткерлердің үйіне барып үй шаруасына ат салысады. Пәтердегі тазалықты сақтауға, тамақ әзірлеп үй жинасуға әлеуметтік қызметкердің көмегі зор ,- дейді 75 жасар зейнеткер.
Акцияға жас еріктілер қолдау білдіріп жүр. Бұндағы мақсат- өскелең ұрпақтың бойына мейірім , адамгершілік сынды құндылықтарды дарыту. Жалпы өңірде 10-мыңнан астам ерікті түрлі әлеуметтік маңызы бар шараларға қатысып келеді.
Айлық аясында емханаларда ашық есік күні, демалыс күндері ауыл шаруашылық жәрмеңкесі өткізіледі. Бұлардың барлығы көне көз қариялармызға жасалып жатырған қамқорлық пен мейірбандықтың тек бір тамшысы ғана. Ал теңіз тамшыдан құралып, көп түкірсе көл болары аян.

Оралда төртінші қайырылымдылық гранд балл өтті. Биылғы жылы ұйымдастырылған қайырымдылық шарасының ауқымы кеңейіп, республикалық сипатқа ие болған. Ақ жайық өлкесінде ұйымдастырылған салтанатты шараға ат басын бұрып келген жұлдызды қонақтардың саны да екі есеге дейін артып, биылғы жылы шаһарымызға 15 жұлдыз келген еді. Қызыл кілемнің үстінде жүріп өткен жұлдыздарды көруге келген Оралдықтардың да қарасы қалың болды. Қайырымдылық шарасынан түскен қаражаттың барлығы Гулхая Жуашбаеваның емделуіне жұмсалмақ.

Оралда төртінші мәрте ұйымдастырылған қайырымдылық шарасы жұлдыздардың қызыл кілемнің үстінен жүріп өтуінен басталды. Шара қайырымды, өзге адамға қамқор болуға үндейді.

Биылғы жылы облыс орталығында ұйымдастырылған қайырымдылық балына 120 дебютант қатысты. Олар бір айдың көлемінде түрлі қайырымдылық шарасына қатысып, қам көңіл жандарға көмек қолын соза білді. Төртінші мәрте ұйымдастырылып отырған шараның биылғы жылы ауқымы кеңейіп, республикалық деңгейге көтеріліп отыр. Қайырымдылық шарасына қатысқан жастар еліміздің түрлі қаласының тумалары. Жастардың бірі оқу орынында білім алса, енді бірі түрлі салада қызмет жасап жатыр.

Биылғы жылы ұйымдастырылып отырған шараға қазақ эстрадасының 15 жұлдызы арнайы табан тіреді. Олардың қатарында Төреғали Төреәлі, Мөлдір Әуелбекова, Гүлнұр Оразымбетова, Тамара Асар сынды
танымал әншілер болды. Олар сахнаға шығып, жүрекжарды пікірілерін білдіріп, әуезді әнін көрерменге сыйлаған еді.

Кештің жұлдызды қонақтарының ішінде белгілі кинопродюссер Нұрлан Қоянбаев та бар еді. Атақты продюссер қайырылымдылық шарасынан алған әсерін былай деп жеткізді.

Биылғы жылы ұйымдастырылған кештің басты ерекшелігі -  егде тартқан жандардың биі еді. Біраз жасты еңсерген жандар жастық кезін естеріне түсіріп, көрерменге керемет биді тарту етті.