Қазақстан Республикасы Парламенті Мәжілісінің депутаты Мақсат Раманқұлов полиция қызметкерлерімен кездесті. "Ақ жол" партиясының өкілі құқық қорғау органдары қызметкерлерінің сұрақтарына жауап беріп, заңнамадағы өзгерістер турасында айтып берді.

Халық қалаулысы ең алдымен қаңтар оқиғасын еске алып, тәртіп сақшыларына алғысын білдірді. Тәуелсіздігіміз сынға түскен мезеттегі полиция қызметкерлерінің еңбегін айтты. Кейін депутат құқық қорғау органдарына қатысты заң жобасының өзгерістері туралы баяндады. Енді құзырлы органның сапында қызмет жасау үшін барлық дерлік құқық қорғау салаларында талапкерлерге бірдей талап қойылмақ. Бұрынғыдай әрбір мекеме өз талабын қоймайды. Және қызметкерлерді жауапқа тарту, оларға шен беру мәселесі де бірдей болады. Тіпті анттың мәтіні де бір болмақ. Және құқық қорғау органдарының қызметкерлері үшін әлеуметтік көмектің көлемі артпақ.

Мәжіліс депутатымен кездескен полиция қызметкерлері сұрақтарын жолдады. Тәртіп сақшыларын тас жолдардағы жол көлік оқиғасы алаңдатып отыр. Олар Орал-Атырау мен Орал-Ақтөбе тас жолының проблемасын көтерді. Полицейлердің келтірген статистикасына сүйенсек, күні бүгінге дейін 24 жол көлік оқиғасы тіркелген. Осы апаттың кесірінен 23 адам жан тапсырып, 44-і түрлі дене жарақатын алды.

Өңірге іс -сапармен келген парламент мәжілісінің депутаты полиция қызметкерлерінің сауалдарын жоғарғы мінберде көтеріп, өзекті проблемаларды депутаттық сауал ретінде жолдауға уәде берді.

Зеленов ауданында мемлекеттік жекеменшік серіктестік аясында 4 бірдей балабақша қызмет жасап жатыр. Олардың қабырғасында 282 бала тәрбиеленуде. Дариян ауылында биылғы жылдың қаңтарынан ашылған нысанда 49 бала бар. Ал, балабақшаның өзі 115 бөбекке арналған. Жекеменшік балабақшаның иесі 4 айдан бері мемлекеттік субсидия берілмей, қызметкерлеріне жалақыны әрең төлеп отырмын,- дейді. Мемлекет әрбір бала үшін отыз мың теңгедей қаржы төлейді. Бүгінгі таңда жалпы қарыздың соммасы 2 млн. теңгеге жеткен.

Әрбір жекеменшік балабақшаға берілетін қаржы жергілікті бюджеттің есебінен бөлінеді. Аудандық білім беру бөлімінің басшысы біздер кәсіпкерлерге берілетін қомақты қаржыны аудандық бюджетте үнемделген қаражат жинақталған кезде ғана төлеп бере аламыз,- дейді.

Мемлекеттік жекеменшік серіктестік аясында қолға алынған жобада қаржы мәселесі қол байлап тұр. Демек, кәсіпкер мемлекеттен бөлінген қаржысын біраз уақыттан кейін алуы мүмкін.

Мәжіліс депутаты Зеленов ауданына жасаған жұмыс сапары барысында "Шабыт" коворкинг орталығының жұмысымен де танысты. Аталмыш орталық шілде айынан бастап өз жұмысын бастаған еді. Ауыл жастары аталмыш орталыққа келіп, тегін ғаламтор ресурстарын пайданаланып, түрлі шараларға қатысып біліктіліктерін шыңдауға мүмкіндік алып отыр.

Қазақстан Республикасының мәжіліс депуттаты Кенес Әбсаттаров Ақ жайық өлкесіндегі іс сапарын бастады. Халық қалаулысы ең бірінші болып мемлекеттік жекеменшік серіктестік аясында құрылысы жүріп жатқан тұрғын үймен танысты. Аталмыш нысан 64 пәтерлік. Көп қабатты тұрғын үйдің бірінші қабаты бизнес нысандарына беріледі деп жоспарланып отыр.

Облысымызда тері илеп, былғарыдан аяқ киім тігетін кәсіпорынның өңір экономикасына тигізер пайдасы мол. Алайда, тері илеумен айналысатын кәсіпорын шикізат мәселесінде бірқатар қиындықтар бар. Яғни, біздерде сапалы тері жоқтың қасы,- дейді. Қазіргі таңда кәсіпорын өндіретін мамандар иленген теріге елімізде сұраныс жоқ. болса да оның саны аз көрінеді. Сол себепті тері өнімдері шетел асып, экспортталып жатыр.

Оралға табан тіреген мәжіліс депутаты аталмыш кәсіпорынның жұмысымен танысқан тұста кәсіпкерлерден бірқатар мәселелерді талқылады. Бұл сектордағы басты мәселе ол сапалы тері екендігі сөзсіз. Тағы бір өзекті мәселе өндірілген өнімнің шетелге асуы да назардан тыс қалмады. Облыс орталығына жұмыс сапарымен келген мәжіліс депутаты бұл мәселелердің өзектілігіне тоқталып өтті.

Жұмыс сапарымен Оралға табан тіреген мәжіліс депутаты былтырғы жылы құрылысы басталған тұрғын үйдің құрылысымен танысты. аталмыш нысан 64 пәтерлік. Құрманғазы көшесінде құрылысы жүріп жатқан тұрғын үй мемлекеттік жекеменшік серіктестік аясында іске асып жатыр.