Емельян Пугачев атындағы мұражайда "Масленица" мерекесі тойланды. Қысты шығарып салуға келген балалар ән салып, би билеп, арқан тартысып, мәре-сәре болды.

Облыс орталығында орналасқан Пугачев музейі осылай қысты шығарып салды. Олар "Шабыт" орталығының балаларымен бірге көңіл көтеріп, масленицаны тойлады. Жылдағы дәстүр биыл да өз жалғасын тапты. Масленицаға келген балалар түрлі аңыз-ертегілердің кейіпкерлері рөлін сомдап, өлең оқып, ән айтты.

Масленица-шығыс славян халқының мерекесі. Осы мереке қыстың соңғы аптасында тойланады. Бір аптаға жалғасқан масленицада көпшілік қонаққа барып, күн тәріздес бейнеленген құймақ пісіруі шарт. Масленицадан кейін христиан дінін ұстанатын жандар ауыз бекітеді.

Қыстың аяқталып, көктемнің келуін сипаттайтын мереке соңында жиналған бұқара қарақшы әйелді өртеп, құймақ жеп үйлеріне тарқасады.

Славиян халықтарының сүйікті мерекесі Масленица басталды.Бір жұма бойына қысты шығарып салу мен көктемді қарсы алу бағытында тойланатын бұл мереке Орал қаласында да кеңінен тойланады.Осы күні славиян халқының өкілдері ән айтып, би билеп қысты шығарып салу салтанатын атап өтеді.Бүгін Е.Пугачев музей үйінде дәстүрлі масленица мерекесі аталып өтті. Славиян халықтарының түсінігінде қысты қалай шығарып салсаң жыл солай берекелі болады деген ұғым бар.Осы ұғым аясында олар көктемнің басында қысты шығарып салу мерекесі, яғни Масленицаны атап өтеді.Е.Пугачев музейінде бүгін мектеп оқушылары осы мерекеге орай театрландрылған қойылым қойып, келушілерді тәнті етті.
Маслиницаның басты тамағы бұл құймақ.Тәтті құймақтар тоқшылықтың белгісі дейді славяндар.Және бұл күні ән салынып, би биленуі қажет.Егер Масленица жақсы тойланса көктем шуақты болып, егін бітік өседі деген ырымдары да бар.
Бұл мерекеде тұлыпты өртеп жіберу сәтін асыға күтеді.Егер тұлып лаулап жанып кетсе, онда қыс тез кетіп, көктем ерте шығады деген ырым бар.Ал, егер керсінше болса қыс ұзап кетеді деп ырымдайды славиян халқының өкілдері.

Оралдағы мәдениет және демалыс саябағында ежелден бері келе жатқан «Масленица» мейрамыкең көлемде аталып өтті. Жұртшылықтың мерейін тасытып, қуанышқа бөлеген көңілді мерекелік бағдарлама таңнан кешке дейін жалғасты. Ежелден келе жатқан славяндық қысты шығарып салу мерекесі театрландырылған көрініспен нақышталды. Саябақ ішінде әсем ән әуелеп, жақсы тілектер айтылды. Ақжарма тілегін жұртшылыққа облыс әкімінің орынбасары Ғабидолла Оспанқұлов та жеткізді. Масленица бұл жолы да қызыққа толы болды. Демалыс орнында жәрмеңке ұйымдастырылып, онда келушілер мерекенің басты дәмі - құймақтан дәм татып жатты. Самаурын қайнап, кәуап пісірілген соң, түрлі байқауларға да кезек беріліп, жеңімпаз-жүлдегерлерге сый-сияпаттар табысталды. Осылайша көтеріңкі көңіл-күймен серуендеген оралдықтар қысты шығарып салды.

Көңілді шараға мектеп оқушылары мен мұражай қызметкерлері қатысып, қысты шығарып салу рәсімін жасады. Қалыптасқан дәстүр бойынша мерекеге қатысушылар құймақтан дәм татып, қарақшы әйелді өртеді. Қысты шығарып салып, көктемді қарсы алуға жиналған оқушылар ән айтып, би биледі, түрлі ойындар ойнады. Тарихи жәдігерлерге толы Пугачев музей үйінде өткізілген шарада театрланған көрсетілім ерекше үйлесімде орындалды. Славян халқының іскі діни нанымы бойынша егер Масленицаны көңілді өткізсе, сол жылыңыз құтты, қуанышты болады деген сенім бар.

Дәстүрлі киімдерін киген мерекеге қатысушылар қапшық киіп жарысып, арқан тартыстан топтаса күш сынасты. Масленицада дастарханнан үзілмейтін күн шапақты қызғылт түсті дәмі тіл үйіретін құймақтардан аязға тоңған балалар сүйсіне дәм татты. Шара соңында қарақшы әйелді өртеп, көктемнің қашан келеріне божам жасаған қатысушылар мерекеден ерекше әсермен тарқасты.

Бұл пұтқа табынушылық заманынан келе жатқан ежелгі мейрамды славян халқы бір апта тойлайды. Алғашқы күні бір-біріне қонаққа барып, апта соңында жақын жандардан кешірім сұрайды. Ежелгі мереке Жайық өңірінде әлі күнге дәстүр бойынша жалғасып келеді. Масленицаның нақты датасы жоқ. Әр жылы әр түрлі уақытта Пасхадан бір апта бұрын тойланады. Өзінің пұтқа табынушылық тамырына қарамастан Масленица – нағыз діни мейрам, ол ауыз ашардың келгенін білдіреді. Соған қарамастан пұтқа табынушылық дәуірінен келе жатқан мереке бүгінде славян халқының бір дәстүріне айналған. Құймақтар-мерекенің басты символы. Бір апта бойы дәстүр бойынша мерекені тойлаушылардың дастарханынан құймақ үзілмейді. Діни наным-сенім бойынша күн көзінің шапағы іспеттес саналған тағам әдеттегіден әлдеқайда жұқа және дөңгелек пішінде пісірілуімен ерекшеленеді. Егер Масленицаны салтанатты, қызықты және жайбарақат өткізсең, келесі жылда сенің ісің алға басып, мол табысқа қол жеткізесің деген ұғым бар.