Бас Прокуратураға ҰҚК бұрынғы төрағасы Кәрім Мәсімовке қатысты БҰҰ-ан ұсыным түспеген. Бұл жайында прокурордың орынбасары Әсет Шындалиев айтты. Өздеріңізге мәлім БАҚ-да, әлеуметтік желі беттерінде БҰҰ-ң Мәсімовке қатысты мәлімдемесі жарияланды. БҰҰ-ң Себепсіз қамаулар бойынша жұмыс тобы Қазақстанның Ұлттық қауіпсіздік комитетінің экс-төрағасы Кәрім Мәсімов негізсіз қамауда отырғанын мәлімдегенді. Онда «Қазақ үкіметін Кәрім Мәсімовтің негізсіз қамауда отырғанына байланысты істерді тәуелсіз тергеушілердің жүргізуін қамтамасыз етуге және оның құқықтарының бұзылуына жауапты адамдарды тиісті шаралар қабылдауға шақырамыз», – делінген.

БҰҰ-ң мәлімдемесі жарық көрісімен, қазақстандық депутаттар да өз ойларын әлеуметтік желідегі парақшаларында жариялап жатты. Мысалы, мәжілісмен Ерлан Сайыров «Кәрім Мәсімовтің тағдырына «БҰҰ алаңдаушылық білдіріп, «кінәсіз» отыр» деп жариялапты. БҰҰ қандай да бір мемлекеттің ішкі ісіне араласуы, мемлекеттің құқық қорғау орындарына «нұсқау» беруі халықаралық практикада нонсенс. Бұл факт Қазақстан жұртшылығының көзінде БҰҰ-і беделін көтеремйтіндігі факті»-деп жазады. Ал әділет министрі қаралы қаңтар оқиғасына қатысты қамауға алынып, тергеліп жатқан Кәрім Мәсімовке қатысты заң бұзылмағанын айтады.

Еске сала кетейік «Мемлекетке опасыздық жасады» деп айыпталған ҰҚК экс-төрағасы Кәрім Мәсімов пен оның орынбасарларын қамауда ұстау мерзімі тағы да ұзартылды.