машина – TDK-42

ҚЫСҚЫ ДӨҢГЕЛЕКПЕН ЖҮРГЕНДЕР ЖАУАПҚА ТАРТЫЛАДЫ

Evgeni St — Thu, 13 May 2021 12:31:39 +0000

0:00 / 0:00

Автокөліктерінің қысқы дөңгелектерін ауыстырмағандар айыппұл төлейді. Осылай деп темір тұлпар иелеріне ескерту жасаған погондылар қысқы шинаны ауыстыруды талап етті. Көліктерді тоқтату барысында жүргізушілердің басым бөлігінің маусымдық дөңгелектерін ауыстыруға құлықсыз екені байқалды. Мұздақты жолда көлік табанын тіреу үшін қолданылатын бүрлі шиналар қазіргі кезде жолдың қара жамылғысына нұқсан келтіріп жатқанын жүргізушілер елегісі келмейді. Талап баршаға ортақ. Ал жалпыға ортақ талап еленбеген жағдайда тәртіпті бұзған жүргізушілер әкімшілік жауапкершілікке тартылады дейді погондылар.
Ескерту жұмыстары көлік ағыны көп шоғырланған көшелерде жүргізілді. Жалпы, темір тұлпар иелерінің жартысынан көбі жаз уақыттында дөңгелектің шинасын ауыстырудың міндетті екенін біле бермейтін көрінеді. Сонымен қатар қыстан шыққан көлікті жазғы мезгілге дайындауға уақыт табылмайды. Оған қоса қаражат мәселесі де кедергі деп ақталды жүргізушілер.
Алдағы уақытта жүргізушілер көліктің 4 дөңгелегін бірден алмастыруы керек. Бұл заңды тұрғыда әр жүргізушіге міндеттелген. Себебі кейбір темір тұлпар иелерінің арасында немқұрайлылық танытып, машинаның тек алдыңғы дөңгелектерін ауыстыратындар бар. Салдарынан күні кеше төселген жол төсемі жарылып, шұрық тесік кейіпке түседі. Осылайша біздің облыста онсыз да сапасы сын көтермей тұрған жолдардың ахуалына аталмыш жағдай теріс ықпалын тигізуде дейді мамандар.

БҚО -да полиция "Interpol"халықаралық ұйымында іздеуде тұрған автокөлікті қолға түсірді

Wed, 17 Apr 2019 12:20:31 +0000

БҚО Жол партульдік полициясы "Interpol"халықаралық ұйымында іздеуде тұрған автокөлікті қолға түсірді.Айта кетейік республикалық маңызды тас жолдардың бірінде кезекшілік атқарған жол патрульдік полициясы Ресейлік нөмірлі "Toyota Camry" автокөлігін тоқтатып, құжаттарын тексере бастайды. Тексеріс барысында автокөліктің халықаралық іздеуде тұрғаны анықталады.Көлікті басқарып келе жатқан 1996 жылғы азамат Атырау облысының тумасы. Ол Оралға келе жатқан бетінде қолға түсіп тұр.Белгілі болғанындай бұл азамат машинаны Ақтау қаласынан сатып алыпты. Ал, ақтаулық азамат оны Ресейден сатып алған. Халықаралық іздеуде тұрған 2012 жылғы "Toyota Camry" автокөлігі қазір айып тұрағына қойылған.Жалпы бөтеннің машинасын айдап кету оқиғасы өкінішке орай азаймай тұр. Біздің Орал қаласы бойынша бүгінде 5 автокөлік іздеуде.Яғни, бес азаматтан автокөлігін айдап кеткені жөнінде арыз келіп түскен.Сол бес автокөлік те Ресейлік нөмірлі көліктер. Осы оқиғаны бастамаға ала отырып БҚО полицейлері Ресейлік нөмірлі көліктерді сатып аларда мұқият болыңыздар деп ескертеді.Себебі ол машиналардың тарихы белгісіз деді облыстық жол патрульдік полициясының командир батальоны Берік Дүйсегалиев.

Қылмыстың жолы кесілді

Tue, 26 Mar 2019 05:03:49 +0000

0:00 / 0:00

БҚО полицейлері өзгенің машинасын айдап кетпек болған адамды қолға түсірді.Оқиға 20 наурыз күні таңғы сағат 4 -терде болған.Көшім бекетінде түнгі тексеріс кезінде қолға түскен үш жігіт қазір тергеліп жатыр.Халық алдында есеп берген бас полицейдің өзі де БҚО бөтеннің мүлкін еншілегенді жаны сүйетіндер көп екенін айтып өткенді.Мысалы былтыр біреудің көлігін заңсыз айдап кеткен 119 факт тіркелген.Біреудің көлігіне қызығатындар саны азаймай тұр, нурыздың 20 күні таңғы сағат төртте полицейлер Көшім бекетінде тағы бір қылмыстың жолын кесті.
Түнгі тексеріс барысында Ресейлік нөмірлі автокөлік полицияға бағынғысы келмейтін сынай танытыпты.Дереу іске көшкен облыстық жол- патрульдік полициясының инспекторлары оларды ұстап, тергеу барысында машинаның өзгеге тиесілі екендігін анықтапты.
Белгілі болғандай да үш жас жігіт болған. Машинаны айдап кеткен адам сол мезетте ішімдік ішпегені және бұрын сотталмаған. Қазір сотқа дейінгі тергеу жүріп жатыр.