Мас күйінде 6 жасар қызды алып кетпек болған ер адамның үстінен ҚК-нің 24-125-бабының 2-бөлігі (адам ұрлау әрекеті) бойынша сотқа дейінгі тергеу басталды. Арна тілшілері оқиға болған кентке барып, мән-жайды қос тарап өкілдерінің өздерінен біліп қайтты.Мұрат Мөңкеұлы көшесіндегі тұрғын үйдің ауласынан 6 жасар қызды алып кетпек болған ер адамның туыстарының сөзіне сенер болсақ, оның ақыл-есі дұрыс. Алайда алкогольдік өнімдерді тұтынатын көрінеді.Оның бұл әрекеті видеоға түсіп қалған. Өздеріңіз байқағандай ойын баласын өзімен бірге ертіп бара жатқан ер адамның бұл әрекеті көңілге күдік ұялатады. Оқиғаның куәгерлері тұрғынжайларының жол бойында орналасуы себепті балаларды ешқашан өз беттерімен ойнауға жібермейтіндерін айтады.Қазіргі кезде қыздың анасының арызы Зачаган полиция бөлімінде тіркеліп, оқиғаның мән-жайы анықталу үстінде. Ер адамның үстінінен ҚК-нің 24-125-бабының 2-бөлігі (адам ұрлау әрекеті) бойынша сотқа дейінгі тергеуді басталған. Күдікті орта дәрежелі мас күйінде болған. Қазір одан ешқайда кетпейтіні туралы қолхат алынып, бостандыққа жіберілген. Бүлдіршіннің әкесі туған қызын айдың күні аманында, өзімен бірге ілестіріп бара жатқан бөгде жанның әрекетіне ызалы.
Аталған факті бойынша Зачаган полиция бөлімі жұмыстануда. Көп қабатты үй осыдан 3 жыл бұрын пайдалануға берілген болатын.

Бүгінде қалалық бау-бақша өсірушілер мен саяжайшылар қауымдастығын бірқатар сауалдар толғандырады. Шешімін таппай келе жатқан сұрақтардың бірі электр жарығының бағасы. Азаматтар қордаланған мәселелерін облыс әкімінің есебінде көтерген еді.

Бүгінгі таңда облыс көлемінде 170 саяжай қауымдастығы тіркелген. Аталмыш қауымдастықтың құрамында 18 мың адам қысы -жазы өмір сүреді. Саяжайда өмір сүретін азаматтарды электр жарығын төлеу мәселесі толғандырып отыр.

Сондай-ақ, салық төлеу мәселесінде де бірқатар сұрақтар туындайтын көрінеді. Бірқатар саяжайға апаратын тас жол жоқ. Саяжай тұрғындары толықтай дерлік қоғамдық көлікпен қатынай алмайды. Аталмыш сауалдардың баршасын қауымдастықтың төрағасы Андрей Заозёров аймақ басшысының есебінде көтерген еді. Облыс әкімі қордалаған мәселеге қатысты былай деп пікір білдірді.

Көктемгі су тасқыны саяжайда өмір сүретін азаматтарға қауіп төндіруде.

Орал қаласы, Еуразия көшесіндегі 55-ші үйдің қабырғасы сөгіліп, кірпіштері үгітілуде. Осыған орай тұрғындар атқарушы биліктен көмек сұрады. Өтініш ізімен мамандар аталған баспанада болып, пәтерлердің жай-күйі назарға алынды. Облыс орталығының Еуразия 55 мекенжайындағы бұл көп пәтерлі үйдің қабырғасы жабылып тұр.  Аталмыш баспана өткен ғасырдың 80-ші жылдары салынса, қабырға жарықтары  7-8 жыл бұрын пайда болыпты. Содан бері ырсиған жарық қабырға бойлай тоғызыншы қабатқа дейін жетіпті.

Мария Громова, қала тұрғыны: - Қорқынышты, қабырғасы жарылып кеткен. Қанша жөндеу жасасақ та қолымыздан ештеңе келер емес. Сол ебепті билік өкілдерінен көмек сұраймыз.

Аталған үйде  108 пәтер бар. Сала мамандары тұрғындарға төніп тұрған қауіп әзірге жоқ дейді. Пәтер иелерінің дабылынан соң жауапты сала мамандары өлшем белгілерін қойды. Ал пайда болған жарықтардың неден пайда болғаны  белгісіз.Бұған қоса үйдің техникалық жағдайы да жауапты сала мамандарының тексерісі арқылы сараланып, нақты баға береді. Одан кейін ғана аталған пәтерге қатысты тиісті шешім қабылданбақ.

Қазақ драма театрында оздырылған шараға әкімнен бастап, барлық мемлекеттік мекеме басшылары қатысып, тұрғындармен бетпе-бет жүздесті. Қарапайым азаматтар бұл жерде көкейлерінде жүрген сауалдарын билік өкілдеріне тікелей қойып, өзекті мәселелерін шешу мүмкіндігіне ие болды.

Сенбі күні қазақ драма театрына жиылған қала тұрғындары әр түрлі сала бойынша көкейлерінде жүрген сауалдарын бір жерде жиылған мамандарға қойып, түйткілді мәселелерін шешіп алды. Мәселен денсаулық сақтау басқармасына 16 шағым түсіп, басшылық тұрғындардың базынасын өз күнделігіне түртіп алды.

Тұрғындарды мазалаған басты сұрақтар - жұмысқа орналасу, әлеуметтік мәселелер мен баспанаға қол жеткізу және қоғамдық көлік қызметіне қатысты болды.

Тұрғындар әдетте шенеуніктерге арыз-шағыммен немесе өзге ұсыныспен жүгіну үшін алдын ала жазылуы керек. Ал "Ашық әкімдік" шарасы халықтың билікпен бетпе-бет жүздесіп, басқарма басшыларымен және әкіммен тікелей тілдесуіне жағдай туғызады.

Акция аясында сол мезетте басшылық алдына келген 350 адамның мәселесі шешіліп, қалған ұсыныстар күн тәртібіне жазылып алынған.