марихуана – TDK-42

Шекарадан марихуана алып өтпек болғандар сотталды

Ажар Хамитова — Thu, 14 Nov 2019 09:38:46 +0000

Шекарадан есірткіні алып өтпек болған Қазақстан Республикасының екі азаматы сотталды. Оқиға "Шаған" өткізу бекетінде тіркелген. 6-шы қыркүйекте қос азамат шекара асып, Ресейге бет алмақшы болған. Сол кезде шекарашылар "Хюндай" маркілі автокөлік пен азаматтардың жеке заттарын тінту кезінде 2 грамм болатын есірткі тектес зат тапқан. Сараптамадан соң, оның "марихуана" екендігі анықталыпты. Бәйтерек ауданы соты есірткіні шекарадан алып өтпек болған қос азаматтың әр қайсысы 833 250 теңге көлемінде айыппұл төлесін деп үкім шығарған. Қазіргі таңда сот үкімі заңды күшіне енді.

Есірткімен ұсталды

Айнур Құрмашева — Tue, 02 Jul 2019 12:59:18 +0000

0:00 / 0:00

Оралдық полицейлер 2 келі марихуананы өз үйіне сақтаған шаһар тұрғынын қолға түсірді. "Көкнәр 2019" профилактикалық іс шарасы кезінде күдікке іліккен 1978 жылы туылған тұрғынның үйін тінту барысында полиэтиленді пакеттегі бірнеше бөлікке бөлінген есірткі затын анықтады. Оның үстінен қазір қылмыстық іс қозғалды. Әдеттегідей жыл сайынғы «Көкнәр» жедел-профилактикалық іс-шарасы республика бойынша 1 маусымнан басталды. Оның басты мақсаты жабайы өсетін есірткі өсімдіктерін анықтау және жою, сонымен қатар заңсыз есірткі тасымалдауға қатысы бар адамдарды анықтап, ұстау және есірткі арналарының жолын кесу болып табылады. Аталған іс-шараның бірінші айында БҚО полиция бөліністері заңсыз есірткі құралдарының айналымына байланысты 23 қылмыстық және 15 әкімшілік құқық бұзушылық фактілерін анықтады.

65 жасқа дейін түрмеде отырады

Айнур Құрмашева — Thu, 28 Mar 2019 11:57:56 +0000

Бүгін Батыс Қазақстан облысының қылмыстық істер жөніндегі сотында ірі көлемді есірткі саудасына қатысы бар Асқар Мұхамбетовке үкім шықты. 55 жасар ер адам есірткі бизнесімен шұғылданғанға дейін, бұзақылық әрекеті бойынша бірнеше мәрте жауапкершілікке тартылған. Оқиға былайша өрбиді. Осыдан бір жыл бұрын Мұхамбетов Жаңақалада тұратын досы Құспановтың қонақтыққа барады. Екеуі өзара әңгіме барысында Мұхамбетов өзінде 1 келіден аса кептірілген марихуанының бар екенін айтып, оңай олжаға қарық болудың жоспарын құрады. Осылайша Құспанов бұл кәсіпке облыс орталығында тұратын жиені Омаров Шамилді тартады. Мәселеге қанық болған ол өнімді сатып алатын таныстарының бар екенін айтады. Осылайша екеуі облыс орталығында кездесіп, 1 келі 700 грамм есірткіні «Toyota Camry» автокөлігіне ауыстырмақ болады. Олардың бұл әрекеті ұлттық қауіпсіздік қызметінің өкілдерінің араласуымен әшкере болды. Қара базарда шамамен 1 келі 700 грамм марихуана 3 млн. теңгені құрайды. БҚО мамандандырылған ауданаралық сотының судьясы Бахыт Ермаханов атап өткендей қылмыскер Мұхамбетов енді өмірінің 10 жылын қатаң тәртіптегі түзету мекемесінде өтейтін болады. – Қылымыскер Мұхамбетов ҚР ҚК 297 бабының 3 бөлігіне сәйкес есірткі, психотроптық заттарды, заңсыз дайындау дерегі бойынша айыпты деп танылды. Ол тергеу амалдары барысында өз кінәсін толықтай мойындады. Аталған бап бойынша 10 жылдан 15 жылға дейін бас бостандығынан айыру жазасы көзделген. Дегенмен күдікті өз кінәсін толықтай мойындап, өкінуі және 80 жастағы егде жастағы анасының бар екені ескеріліп, ең төменгі жаза 10 жыл бас бостандығын шектеу жазасы кесілді. Үкім заңды күшіне әлі енген жоқ.

Есірткімен ұсталды

Айнур Құрмашева — Mon, 04 Feb 2019 12:29:54 +0000

1 ақпан, сағат 18:30-да тәртіп сақшылары «Сити центр" сауда үйі маңынан белгісіз ер адамды есірткі тектес затпен қолға түсірген. БҚО полиция департаментінің баспасөз қызметінен түскен мәліметке қарағанда ер адамның қалтасынан шамамен 60 грамм марихуана анықталған. Бүгінде оның үсітінен ҚР ҚК 297 бабы бойынша Есірткі тектес өнімдерді "Заңсыз дайындау, өңдеу, иемденіп алу, сақтау, өткізу мақсатында тасымалдау әрекеті бойынша сотқа дейінгі тергеу амалдары жүргізілуде. Бүгінде аталған азаматтың үстінен қывлмыстық іс қозғалуда. Аталмыш психотропты затты сатуы да мүмкін деген болжам бар. Өйткені жеке басына пайдалну үшін дайындалған дүниеге қарағанда мөлшері өте көп болып отыр. Деседе бұл әзірге болжам. Тергеу амалдары аяқталған соң қандай мақсатта қолда жүргені анықталатын болады.

Оралда мұғалім есірткімен ұсталды

Mon, 26 Mar 2018 06:20:29 +0000

32 жастағы мектеп мұғалімі 23-наурыз күні қолға түскен. Ол №3 жалпы орта білім беретін мектепте дене тəрбиесінен сабақ берген. Күдіктіден 5,04 грамм марихуана тəркіленіпті. Мұғалімді ұстау үшін арнайы сатып алушы жіберілген. Нəтижесінде ол өз үйінде тұтқынға алынып отыр. Аталмыш фактіге қатысты ҚР ҚК-нің 297 бабы, 1 тармағы бойынша іс қозғалады.