Биыл БҚО бойынша ауыл шаруашылығы саласын қолдау мақсатында 6 миллиардтан астам қаржы бөлінген. Бұл қаржы ауыл шаруашылығы саласындағы мал басын арттырамын, қожалығымды дамытамын деушілерге несие ретінде беріледі. Осылайша әр адам мемлекеттің қолдауын пайдаланып, мал басын көбейтіп, жағдайын дұрыстап алуына болады. Былтыр 2019 жылы осы агро несиені пайдаланып, БҚО шаруалары 9 мыңнан астам ірі қара малын сатып алған.

Өмірін мал шаруашылығымен байланыстыратын ауылдықтар үшін агро несиенің пайдасы зор. Мал басын көбейтіп, ата кәсіпті жандандырамын дейтіндерге қазір қолдау күшті. Шаруашылығы енді басталған жас кәсіпкерлер үшін «Іскер» бағдарламасы тиімді. Осы бағдарлама арқылы жеңілдікпен несие алып, мал басын көбейтуге, ауыл шаруашылығына қажетті техника алуына болады. Ал ірі көлемдегі шаруа қожалықтары «Агробизнес» бағдарламасын пайдаланады. Бұл бағдарламаны да кезек келген қожалық иесі алып, шаруашылығын одан әрі үлкейтуіне болады.
Ал, "Сыбаға" бағдарламасы ірі шаруа қожалықтарын қолдауға арналған. Әсіресе асыл тұқымды ірі қара малының басын көбейтемін дейтіндер осы бағдарлама арқылы несие алады. Олар асыл тұқымды ірі қара малын алыс- жақын шетелдерден әкеледі. Қазір тек шетелден тасымалдап жеткізу ісінде қиындық бар. Оның себебі біріншіден- алдамайтын, дұрыс сатушы табу қиын, екіншіден өлтірмей, зиянын тигізбей, елге сол малды аман-есен әкелетін тасымалдаушы табу қиын. Қазір карантинге көп шекаралар жабылып қалды. Малды шетелден әкелудің әлегі біраз баршылық.
Төрт түлік малды бағып, ата кәсіпті жандандырамын дегендерге осы агро несие бағдарламасы тиімді. Мемлекеттің бұл қодауын әр адам пайдалана алады.

Сырым ауданында туберкулез дертіне шалдыққан жандардың саны екі есеге артқан. Бұл туралы аудан әкімі мәлімдеп отыр. Биылғы жылдың сегіз айында ауданда обыр дертіне шалдыққан азаматтардың саны азайыпты. Аудан көлемінде жыл басынан бастап, 213 сәби дүниеге келген. Медицина саласын цифрландыру мақсатында үйге дәрігерді шақырту, барлық дерлік профилактикалық жұмыстар мен диагностикалық қызметтер электронды форматқа көшірілген.

Аудан көлемінде "Цифрлы Қазақстан" бағдарламасы түрлі салада қолданылып жатыр. Мәселен, ауданда мал ұрлығына тосқауыл үшін азаматтар арнайы құрылғының көмегі арқылы жануарлардың қай бағытта жүргендігін тексере алатын мүмкіндікке ие. Мал шаруашылығы демекші, аудан көлемінде асыл тұқымды мал басын көбейтіп отырған 14 шаруашылық қызмет жасап жатыр. Қыс жақындаған сайын, малдың азығы да күн тәртібінен түскен емес.

Аудан көлемінде 270-тен астам азамат баспана кезегінде тұр. Кезекті азайту мақсатында "Нұрлы жер" бағдарламасының аясында Жымпиты ауылында 3 қабатты тұрғын үйдің, ал Алғабас ауылында 10 баспананың жобалық сметалық құжаттары дайындалып жатыр.

Жаңақалалықтар ұзақ жылдар бойына зəру болып келген таза ауыз су үстіміздегі жылы жеткізіліп, ел игілігіне пайдалануға берілмек. Құлшық жер асты суын аудан орталығы мен сегіз елді мекенге қосуды мойындарына алған мердігерлер өңір əкіміне жұмысты биыл белгіленген мерзімде бітіріп беруге сөз берді.

Жалпы 2 млрдқа тарта қаржы жұмсалған Құлшық жер асты суы 16 мыңнан астам аудан халқының шөлін қандырып, өмірін жандандырмақ. Ауыз су тапшылығын өте көп тартқан тұрғындарды өңір əкімі 145 шақырым қашықтықтан тартылып жатырған тіршілік сөзі-құлшық суын ысырап жасамауға шақырды.

Аудан көлемінде атқарылып жатқан көп жұмыстың Жуалыой,Жангелді,Мұқыр,Сарыкөл сынды төрт бірдей елді мекенге көгілдір отын тарту. Осы ауылдар газге қосылса, ауданның 70 пайызы көгілдір отынмен қамтылмақ. Жаңақалалықтар үшін тағы бір үлкен жаңалық аудан орталығынан тұрғындарға берілген 1047 жер теліміне осы үстіміздегі жылы толықтай инфрақұрылым тартылып, су, газ, жарық берілмек.Бұл да біраз жылдан бері көтеріліп шешімін таппай келе жатқан мəселе еді.

Қазіргі ауданның негізгі кəсібі төрт түлік мал өсіру. Жергілікті ірі шаруа қожалықтары жетекшілеріне елдегі,өңірдегі ет экспортын өркендету үшін мал басы санын кемітпей, көбейтуді тапсырды. Аудан аумағында шаруалардың мал бағуына да жағдай жасалып, сай-салалар мен көлтабандар суға толтырылып, тозығы жеткен қақпалар қалыпқа келтіріліп жатыр.

Өткен жылдар 19 үйді тұрғындар игілігіне тапсырған ауданда биыл үш қабатты 24 пəтерлі жалдамалы тұрғын үй құрылысы басталған. Құрылыс жұмысымен танысқан облыс əкімі мердігерлерге жұмысты кешіктірмей тапсыруды ескертіп, жаңа баспананың кірпішін қаласты.

Аудан ақсақалдарымен,кəсіпкерлермен, жастармен кездескен өңір əкімі өңірдегі соңғы жылдардағы оң өзгерістерге тоқталып, аудан тұрғындарының ризашылығын алып, Бөкей Орда ауданына аттанды.

Өңір басшысы асыл тұқымды ірі қара малын өсіріп отырған және егін салу ісін қолға алған диқаншылармен кездесті. Кездесу барысында шаруалар қордаланған мәселелерін ортаға салды. Диқаншылар мен ірі қара малды айналысып жүрген жандарды жер телімдерінің аздық етуін көтерді. Олар игерілмей жатқан жер телімдері бос жатыр,- дейді. Сондай-ақ, кәсіпкерлер мемлекеттен берілетін субсидия мәселесін тілге тиек етті.

Бұл  - Нұрлан Карин. Ол Январцева ауылында асыл тұқымды қазақтың бас сиырын өсіруді қолға алған кәсіпкер. Кәсіп иесі 2016 жылы мал шаруашылығын қолға алыпты. Асыл тұқымды ақ бас сиыр өсіретін азамат былтырғы жылы 21 млн теңгедей мемлекеттің қолдауына ие болып, 5 адамды тұрақты жұмыспен қамтып отыр. Бүгінгі таңда, ол 200 ірі қара малын өсіріпті. Биылғы жылдың аяғына дейін мал басын 400-ге жеткізуді жоспарлап отыр.

Өңір басшысы асыл тұқымды ірі қара малын қарап болғаннан соң, малшылармен жүздесті. Кездесуге келген шаруалар толғандырған мәселелерін ортаға салды. Қордалаған мәселелердің бірі ол жер телімдері болды. Кәсіпкерлер мал санының өсуіне байланысты, жер телімдеріміз таршылық етеді,- дейді.

Өңірімізде егілетін дәнді-дақылдардың 55 пайызы осы Зеленов ауданына тиесілі. Қазіргі таңда диқаншылардың басым көпшілігі егін салу жұмыстарын бастап кеткен.

Диқаншылар да игерілмей жатқан жер телімдері төңірегіндегі мәселелерін ортаға салды. Сондай-ақ, егін шаруашылығын қолға алған жандарды биылғы жылы өзгеріске ұшырайтын мемлекеттік субсидия мәселесі де толғандырды. Олар өткен жылдары мемлекеттен қандай қолдауға ие болатынымызды анық білетін едік,- дейді.

Биылғы жылы 513 мың гектар жерге дәнді-дақылдар салынбақ. Бұл көрсеткіш, өткен жылдармен салыстырғанда 22 мың гектарға көп.