Аймақта коронавирусқа шалдыққандар қатары соңғы аптада тағы жеті пайызға азайды. Бұл туралы облыстың бас санитар дәрігері Мұқамғали Арыспаев мәлімдеді. Сонымен қатар, ол алдағы күндері өңірде жаңа қаулының күшіне енетіні туралы айтып қалды.Алайда осы кезге дейінгі карнтиндік талаптар толықтай сақталады. Жаңашылдықтың бірі-бірінші мамырда қойылған блокбекеттер алынып тасталуы мүмкін. Дегенменде бұл туралы ақпарат штаб отырысында толықтай айтылған жоқ. Бір белгілісі жақын уақытта қаулыға өзгерістер енгізілмек.  Ал ауру жұқтыру көрсеткішінде төмендеу бар. Бұған негізгі себеп  ауруды дер кезінде анықтайтын жылжымалы лабараториялар санының көбеюі. Бүгінгі таңда өңірде барлығы 31 екпе кабинеті мен 4 жылжымалы пункт жұмыс жасайды. Осы уақытқа дейін айтылғандай облыс тұрғындарының 60 пайызы екпе алуы тиіс. Жыл басынан бері коронавирус инфекциясын жұқтырып салдарынан 300 адам қаза тапқан. Облыстың бас дәрігері  Арман Талғатұлының айтуынша бақилық болғандардың дені егде жастағылар. Дәрі-дәрмек пен қажетті медициналық препарттармен қамтамасыз етілгеніне қарамастан созылмалы аурулары бар науқастарға медициналық көмек дертіне дауа болмай отыр. – Қазіргі таңда өңір қызыл аймақта. Жалпы коронавирустық инфекция жұқтыруының 20 671 жағдайы тіркелді.  Аурушаңдық көрсеткіші 3129,6-ны құрайды. Аурудың өсу қарқыны – 0,61. Коронавирустық инфекциядан жазылғандар саны – 16 085. Жалпы індеттен 300 адам көз жұмды. Бүгінгі күні 195 төсек-орынға арналған 4 карантиндік стационарларда 19 науқас жатыр. Карантиндік стационарлардың толымдылығы 9,7 %-ды құрайды. Облысымыз бойынша коронавирустық инфекцияға қарсы күресте жұмылдырылған 18 инфекциялық стационарлардың толымдылығы 46,3 %-ды құрайды (1123-тің 520-сы). Қала стационарларының толымдылығы 70,8 %-ды (600 төсек-орында 425 науқас), ал облыс стационарларының толымдылығы 18,2 %-ды (523 төсек-орында 95 науқас). «Өңірде тұрғындарды коронавирусқа қарсы егу жұмыстары жалғасуда. Бүгін Орал қаласындағы «Мәскеу» базары аумағында да егу кабинеті ашылды,- деді БҚО денсаулық сақтау басқармасы басшысының м.а Арман Қалибеков.  Өздеріңізге мәлім ауру таралу матрицасы бойынша, қызыл аймақтағы өңірлерде «Ashuq» мобильдік қосымшасы арқылы бірқатар кәсіпкерлік субъектілері жұмысын бастады. 1 мамырдағы мәлімет бойынша  Оралда 13 адам осы қосымша арқылы  ауру жұқтырғаны белгілі болған. Анықталғандай тұрғындар науқастанып жүрген уақытта оқшаланудың орнына ойын сауық қуған. Сондай-ақ осы қосымша арқылы ауру адамдармен қарым-қатынаста болған бірнеше факті де белгілі болыпты. Ал 14-ші сәуір мен 11 мамыр аралығында, «Ashuq» қосымшасына сәйкес, жұмыс жасап жатырған кәсіпкерлік объектілеріне келушілердің арасында, 11 жасыл , 2514 көк, 1 сары және 9 қызыл түс анықталған. Осы орайда облыс әкімінің бірінші орынбасары Мұхтар Манкеев  сала мамандарына нақты тапсырма берді. – Егер адамдардың жауапсыздығы салдарынан дертті екенін біле тұра еркін жүріп тұрғандар болса олар заң аясында жазалатын болады. –  Айыппұл салу мәселесіне тағы тоқталғым келіп отыр. Қызыл статусы бар, ауру жұқтырғаны белгілі адам тікелей ауруды таратып жүр деген сөз. Әр адамда жауапкершілік сезімі оянатын сәт туды. Тұрғындар арасында әлі де болса «ауру жоқ» деп жүргендер бар. Жоғарыда қанша адамның көз жұмғаны туралы ақпарат айтылды. Сол ебепті ПД мен санитарлық мекемелер бақылауды күшейту керек,– деді облыс басшысының бірінші орынбасары Мұхтар Наурызбайұлы. Сонымен қатар жедел штаб отырысында қала әкімі Абат Шыныбековтың баяндамасы оқылды.  Ертең  ораза айтттың алғашқы күні. Осы орайда таң намазы оралдағы үш мешітте оқылады. Шаһар басшысы атап өткендей мешітке жиналатын жамағат санитарлық талаптарды сақтауы тиіс. Сонымен қатар таң намазы оқылатын сәттерде жолдар жабылады. Ал қаупсіздік шараларына БҚО  ПД өкілдері жауапты.

Ақпан айы басталғалы өңірде мектеп оқушылары мен ұстаздар және мемлекеттік қызметкерлер арасында КВИ инфекциясын жұқтыру дерегі жиі тіркелген. Бұл туралы облыстық әкімдікте өткен жедел штаб отырысында облыстың бас санитары Мұқамғали Арыспаев мәлімдеді. Соңғы аптада 42 мектеп оқушысы мен 16 мұғалім сырқаттанса, 24 мемлекеттік қызметкер ауру жұқтырған. Яғни мемлекеттік мекемелердің 80 пайызы уақытша қашықтан жұмыс жасау режиміне ауысуы тиіс. Жаңа қаулы бойынша білім беру нысандарында бір оқушы немесе бір ұстаздың дертке шалдыққаны анқталса, нысан 14 күнге карнтинге жабылатын болады.
Жедел штаб отырысында айтылғандай өңірге әуе қатынасы арқылы келген шетел азаматтарынан ауру жұқтырғандар анықталмаған. Алайда облыс орталығы Орал қаласы мен Бәйтерек және Бөрлі аудандарындағы жағдай көңіл көншітпейді. Түсіндірме жұмыстары жүйелі жүргізілгенімен санитарлық талапты сақтамаудың ақыры жағдайдың ушығуына әкелуде.
Жиында бұдан бөлек жұмыссыздықпен күрес және медициналық мекемелердегі жедел желілермен КОЛЛ орталықтар жұмысын тәулік бойғы режимге көшіру мәселесі қаралды.

БҚО-да демалыс және мереке күндері сауда үйлері мен базарлардың жұмыс жасауына рұқсат берілді. Жаңа қаулы 9 желтоқсаннан бастап күшіне енеді. Естеріңізге сала кетеміз, кәсіпкерлер жексенбі және демалыс күндері сауда үйлерінің жұмысын жандандыруды өтініп, бірнеше мәрте шектеуге наразылық танытқан болатын.Енді жексенбі және мереке күндері де барлық сауда үйлері, жабық базарлар ашық болады. Сондай-ақ осы күндері қоғамдық көліктер де жүреді. Бұрын сағат 23.00-ден бастап таңғы 06.00-ге дейін қозғалысқа шектеу қойылған болатын. Енді бұл уақыт сағат 00.00-ден 06.00-ға дейін болып өзгерді. Сонымен қатар барлық бағыттағы тамақтану орындарына арақашықтықты сақтай отырып, 50 адамға дейін қабылдауға рұқсат берілді.Бұған дейін демалыста сауда орындарының жұмысын жандандыруға бірнеше мәрте рұқсат сұраған кәсіпкерлер жаңа қаулының шыққанына дән риза. Олардың айтуынша сенбі мен жексенбіде және мереке күндерінде ғана сауда жүріп, жұмыс жанданатын көрінеді. Мәселен, "Московский" жабық базарында бүгінде 700-ге жуық адам еңбек етеді. Базар әкімгері наурыз айынан бері жұмыс орындарын сақтап қалу үшін сауда бутиктерін жалға алушыларға барлық жағдайды жасағандарын айтады.Дегенмен ойын-сауық, спорттық іс-шаралар, көрмелер, форумдар, конференциялар, жаппай жаңа жылдық іс-шаралар (соның ішінде ертеңгіліктер, корпоративтер), сондай-ақ үйде және адамдар көп жиналатын жерлерде отбасылық, естелік іс-шараларды (банкеттер, үйлену тойлары, мерейтойлар, еске алу және т. б.) өткізуге тыйым салынады. Басқа да шектеу шаралары өз күшінде қалады. Кинотеатрлар жұмысын бастау бойынша мәселе алдағы аптада облыстық штаб отырысында қаралмақ.Қазіргі таңда өңірде ауырғандар саны 8304-ке жетсе, соның 7422-сі жазылып шықты. 137 адам індеттен көз жұмды. Пневмонияға шалдыққан 110 адам стационарда, 60-ы амбулаторлық ем алуда. Пневмониядан 239 адам қайтты. Күні бүгін өкпені жасанды желдету аппаратына 3, оттегі концентраторына 8 адам қосылған. Жеті жұқпалы аурулар стационарында 135, төрт карантиндік стационарда 70 адам емделуде. 10 адам жансақтау бөлімшесінде жатыр.