Қазақ елі латын графикасына кезең-кезеңімен көшетіні белгілі. 2022 жылдан бастап-ақ мектеп оқушылары жаңадан қабылданған әліпби бойынша оқуды бастамақ. Ең алдымен қазақ тілі пәні латын қарпіне өзгертіліп, кейіннен басқа пәндер де осы қаріпбиге көшіріледі.

Батысқазақстандық зиялылар осылай дейді. Бекітілген әліпбиге қатысты жанайқайын білдірген аға буын өкілдерінің бірқатары қаріпбиіміздің өзгеруіне өз қарсылықтарын да білдіруде. Елбасының стратегиялық мақаласы аясында қабылданған бұл мәселе бүгін әдебиет саласының өкілдерінің арасында қызу талқыға түсті.
Ресми бекітілген латын әліпбиі Қадыр ақын атындағы орталықта талқыға түсті. Жас ақындар, студенттер мен өскелең ұрпақ үлгі тұтатын зиялы қауым өкілдері дөңгелек үстел басына арнайы жиналды. Ұлтымыздың рухани тұрғыдан жаңғыру мақсатында қолға алынған латын қаріпбиіне қайта оралуға жастар қатары оң көзбен қарайды. Себебі, бұл ұлттық тілімізді, дыбыстарымызды, әріптерімізді жаңғыртуға тың серпін берері рас.
Бірақ, аға буын өкілдері кириллицадан ат тонын ала қашудың қажеті жоқ екендігін алға тартты. Жаңашылдық атаулығы секем ала қарайтын зиялылар «қазақ латын қаріпіне көшсе де, сана өзгермей көш ілгері дамымайды» дегенді айтады. Түркі әлеміне алфавитсіз ақ қосылып, жаһандық дамуға да қол жеткізе алады екенбіз.
Тихон Әліпқалиұлы латын әліпбиінің елбасы бекіткен нұсқасын да қолдамайтындығын жеткізді. Үтір толы қаріптерді оқу да, жазу да қолайсыздық тудырады-мыс. Алайда тілтанушы ғалымдар латынға қайта оралудың бірқатар артықшылығын айтып көрсеткен болатын. Бұның жаһандық дамуға да, түркі әлеміне қосылауға да қатысы жоқ, бұл тұста ұлттың ұтары - төл дыбыстарымыздың жандануында. Орыстың саясатымен жоғалтып алған қазақы үнімізді қайтару - басты міндет, заман талабы. Өзекті мәселеге байланысты қоғам арасында екі жақты пікір туындайтыны орынды да. Себебі, бұл күллі алашқа қатысты маңызды шешім. Сондықтан да ұлт жанашырлары, зиялылар латын әліпбиіне көшу мәселесіне атүсті қарамау керектігін айтады.

Х. Бөкеева атындағы қазақ драма театрында " Латын әліпбиіне көшу- болашаққа қадам" тақырынбында БҚО жастарының латын әліпбиін қолдау форумы өтті.Шараның негізгі мақсаты мемлекеттік тілдің маңызын насиxаттау болды.