Полиция басқармасының қызметкерлері әлеуметтік желіде таралып, қоғамда резонанс тудырған оқушылардың төбесі туралы ақпарат берді. Оқиға облыс орталығында Әбілқайыр даңғылында болған. Полиция қызметкері төбелеске қатысқан 6 баланың үстінен бұзақылық фактісі бойынша қылмыстық іс қозғады.

Әлеуметтік желіде бір топ оқушының төбелесіп жатқаны түсірілген бейнежазба тез таралып, қоғамда резонанс тудырған. Алты баланың төбелесі Оралдағы Тұңғыш президент алаңында 7-ші ақпанда болған. Полиция қызметкерлері төбелеске қатысқан оқушылардың кім екендігін анықтап, куәгерлерден жауап алыпты.

3 мектептің оқушылары алаңда төбелескені анықталып отыр. Қалалық білім беру бөлімі басшысының міндетін атқарушы Батика Пайдина болған төбелестен кейін, жоғарғы сыныптың оқушылары, соның ішінде ер балалармен жұмыстанудың жаңа үлгісін қарастыруымыз керек,- дейді.

Төбелеске қатысқан 6 оқушыға қатысты қылмыстық іс қозғалған. Қазіргі таңда білім беру бөлімінің қызметкерлері мектеп директорлары, ата-аналармен жиналыс ұйымдастырмақ.

Орал қалалық сотының қабырғасында қылмыстық-атқару жүйесі комитетінің бұрынғы бірінші орынбасары Бекболат Төремұратовтың ісіне қатысты даулы іс басталды. Айыпталушылардың арасында мердігер ұйымның директоры және «Мемлекеттіксараптама» РМК сарапшысы да бар. Жаза басқандарға Оралдағы тергеу изоляторының құрылысына бөлінген бюджетті жымқырды, - деп айып тағылып отыр. «Бура Строй» ЖШС-нің бұрынғы директоры Сергей Барабошконың бір өзі ғана қамауға алынған. Сотталушы аталған Барабошконы сот залына қолына кісен салып, айдауылмен әкелді. Ал, қылмыстық-атқару жүйесі комитетінің экс-бірінші орынбасары Бекболат Төремұратов пен «Мемлекеттіксараптама» РМК-ның сарапшысы бостандықта жүр. Айыптау актісінде:"Айыпталушылар Орал қаласының тергеу изоляторының құрылысына деп бөлінген 1,5 миллиард теңгені талан-таражға салды",- деп көрсетілген. Жобаның жалпы сомасы -10 миллиард теңгені алқымдайды. Сот залыннан шыққан айыпталушылардың қорғаушылары: "Тергеу заң бұзушылықтармен өтті ", - деген пікірде. Прокуратура өкілдері болса, айыптау актісін заңға сәйкес келтіретіндерін айтап өтті. Заң алдында жауапкершілікке тартушылар Төремұратовқа ісіне немқұрайлылық көрсетті деген айыбы тағылса, Барабошкоға алаяқтық, ал Серғазинге сараптамалық жұмыстарды тиісінше орындамағаны үшін деген кінә тағылып отыр.

Сот процесі орыс тілінде басталды. Алайда сотталушы Шерхан Байзенов істің қазақ тілінде жүргізілуін сұрағаны мәлім болды. Сол себепті алғашқы процесте үзіліс жарияланып, судья залға аудармашыны енгізді. Айыпталушы тарап сондай-ақ сотта БАҚ өкілдерінің қатысуына қарсы екендіктерін жеткізді.

Айта кетейік, Денис Тенге қарақшылық шабуыл жасалып, қазасы қалың елдің қабырғасын қайыстырғанда 25 жасар мұғалім жігіт Шерхан Байзенов әлеуметтік желіде қылмыскерлерді қолдап жазба қалдырған еді. "Бір қытай үшін зарламаңдар. Жерің мен қыздарыңды жаулап алғанда зарлап жыларсыңдар деген жазбада өлтірген адамдар жарады",- деген сынды пікір аза тұтқан көпшіліктің ашу-ызасын туғызған-тұғын. Артынан Байзенов аңдамай сөйлегені үшін бейне жазба арқылы кешірім сұрады.

Байзеновтің үстінен ҚР ҚК 174-бабы 1-бөлігіне сай әлеуметтік, ұлттық, рулық, нәсілдік, тектік-топтық немесе діни алауыздықты қоздыру фактісімен қылмыстық іс қозғалған болатын. Айыпталушы 25 жасар Шерхан Байзенов өз кінәсін мойындап, бұл ісіне өкінетінін оның қорғаушысы атап өтті. Сондықтан оған тағайындалатын жаза жеңілдеуі мүмкін.

БҚО-да киік аулаған браконьерлер қолға түсті. Казталов ауданының Тереңкөл ауылы маңында тексерілген көліктен қызыл кітапқа енген жануардың 4 мүйізі мен қару-жарақ тәркіленген. Қазіргі күні аталмыш факті бойынша қылмыстық іс қозғалып, тексеріс жүріп жатыр. Алдағы сюжетте толығырақ.

Бұл жедел түсірілім кезінде түсірілген материал. Браконьерлердің қылмысы 22-шілде күні әшкере болады. Пайданкүнемдер мүйізіне бола "Қызыл кітапқа" енген ақбөкендерге оқ атуын тоқтатпай тұр. Қазіргі күні жануарлардың төшкелері іздестірілуде.

Әуе санағы кезінде аймақта 145 мың ақбөкен есепке алыныпты. Аша тұяқты, сүт қоректі бұл жануарлар облыстың Жәнібек, Казталов, Бөкейорда, Жаңақала аудандарын мекен етеді. Биыл облыста киік аулауға қатысты 30 қылмыстық іс қозғалған. 12 адам 1 жылдан 3 жылға дейін бас бостандығынан айрылған.