Облыс орталығындағы №7 мектеп ауласына ішімдік ішкен ер адам кіріп кетіп, оқушыларды қорқытқан. Оқиға жұма күні түс ауа болған. Мектеп әкімшілігі мен ата-аналар белгісіз тұлғаның үстінен ПД-не арыз түсірген. Өздеріңіз көріп тұрғандай белгісіз тұлға мектеп ауласында ішімдік ішіп, емін-еркін сайран салып жүр. Құдды бір өз үйінің қасында жүргендей әсер қалдырады. 7 мектеп ұжымы мәселеге қатысты түсінік берді.Ал ата-аналар болса өрескел қылық көрсеткен ер адам бұған дейінде бірнеше мәрте көзге түскенін жеткізді.Аталмыш жағдайға қатысты ПД мәлімдеме жасады. 1985 жылғы ер адам ішідік ішкен күйі ұсталған.
Ата-аналардың наразалығын тудырған күдікті әлеуметтік желі арқылы тұрғындардан кешірім сұрады.
Оралдықтар балалардың зәресін алған әумесердің бұған дейін бірқатар кәсіпкерлік нысандарына мас күйде кіріп кеткенін әлеуемттік желілерде жарыса жазуда.

Татарстан республикасының Қазан қаласында болған кешегі қайғылы оқиға білім нысандарындағы қауіпсіздікті одан әрі күшейту қажеттігін айқындап берді. Облыстық білім басқармасы мамандары өңірдегі барлық білім беру нысандары толықтай бейнебақылау құрылғаларымен қамтамасыз етілгенін атап өтті. Қауіпсіздік шаралары барысында ең өзекті күн тәртібінен түспейтін мәселелердің бірі - білім беру нысандарының күзет мекемелерімен бірге қауіпсіздікті қамтамасыз ету жәйі. Не бары өңірде 7 мектеп қана күзет қызметімен келісімшарт негізінде ғана жұмыс жасайды. Облыста барлығы 927  білім беру мекемесі болса, Оралдағы- 1, ал Қаратөбе ауданындағы -6 мектеп күзет қызметімен қорғалған. Қазан қаласындағы қайғылы жағдай қабырғаны қайыстырды. Әлемнің түкпір-түкпірінде қаралы күн жарияланып, қаза болғандар отбасына қайғыра көңіл айтылуда. Тіпті мемлекеттік органдарда таң сәрісінен қауіпсіздікті қамтамысыз ету және бұл бағыттағы жұмыстарды ширату қажеттігі жөнінде сала өкілдерін жинап, тапсырмалар берілді. Бұл оралдағы №6 ЖББОМ. Мұнда 1300 бала білім алады. Мектептің дәлізінде арнайы дабыл құрылғысы орнатылған. Ал ғимараттың 18 жерінде бақылау құрылғысы бар. Айта кеткен жөн, қауіпсіздік жұмыстарының тағы бір ақсайтын тұсы - мектеп инспекторларының жетіспеушілігіне байланысты. Өйткені 5-6 мектептегі тәртіпті бір ғана мектеп инспекторы бақылауда ұстайды. Бұл мәселе де күн тәртібінен түспейді,-дейді сала мамандары. «Жаман айтпай жақсы жоқ», егер де қандайда бір төтенше жағдай туа қалса қорғансыз балаларды қарақшылардан қорғау мүдделі мекемелер міндеті екенін ұмытпаған жөн.