20 жылдағы игі істер. Арнамыз ашылғалы бері көмек қолын созып, қолғабыс еткен отбасылар қаншама?! Құспановтар жанұясы да сол отбасылардың бірі. Орал қаласындағы Сельская көшесі бесінші үйде тұратын жанұяның күн көрісі тек бір отағасының табысына тәуелді. Білдей бір отбасының басында баспанасы жоқ, алдында ішер асы жоқ, көмекке мұқтаж. Екі жыл бұрын мәселесінен хабардар еткен отбасының бүгінгі жағдайы қандай?

Төбесі шұрқ-тесік мына баспананы біз 2016 жылдың қарашасында түсіріп едік. Үбірлі-шүбірлі отбасы өрттен аман қолған осы үйде күн көреді.Балалардың анасы - жұмыссыз, бала тәрбиесінде, бүтіндей бір жанұя отағасының ай сайынғы табатын 50 мың теңгесіне қарап отырған-ды.Отбасының қазіргі жағдайын білмек болып біз бұл үйге тағы бас сұқтық. Арнамызда көрсетілген сюжеттен соң қамкөңіл жандарға қол ұшын созғандар саны көп болыпты. Бірі ақшалай көмектессе, бірі киім-кешек әкеліп беріпті.

Айгүл Құспанова
Алты баланың анасы

Кімнің қандай мүмкіндігі болса, көмектерін аямай әкеліп беріп жатты. Азық түлік берді, киім берді. Қайырымды жандар мектеп құралдарын әкеліп берді. Үйде аздаған жөндеу жұмыстарын жүргіздік.

Екі жыл бұрын бес балалы болған отбасында бүгінде алтыншы сәби дүниеге келіпті. Көпбалалы жанұя туралы сюжеттен соң тұрғындар мен еріктілер назары Құспановтарға ауып, біраз уақытқа дейін материалдық көмек көрсетіліп келген. Алайда отбасының жағдайы әлі өзгеріссіз. Балалардың мектепке барар кезі таяу. Ал «отағасының жалақысы азық-түліктен ауысар емес", - дейді отанасы. Құспановтар отбасына көмек қолын созамын деушілер болса, арнамызға хабарласуларыңызға болады.