БҚО-да 17 көпқабатты тұрғын үйдің құрылысы жүріп жатыр. Үйлер "Нұрлы жер" бағдарламасының аясында салынуда. Олардың үшеуі Бөрлі ауданына қарасты Ақсай қаласында болса, қалғаны облыс орталығында бой түземек.

Биыл БҚО-да 1610 отбасы қоныс тойын тойлады. Сала мамандары 2020 жылы 8 үйді іске қосуды жоспарлаған болатын. Оның екеуі жылдар бойы пәтер кезегінде тұрған жандарға арналған. Жалпы биыл облыс аумағында 17 көпқабатты үйдің құрылысы жалғасуда. Сала мамандары соңғы жылдары қаладан бөлек, аудан орталықтарында да құрылыстың қарқын алғанын айтады.

Орал қаласындағы жаңа "Ақжайық" ауданында барлық инженерлік желілер тартылып, ішкі жолдардың жобалық сметалық құжаттары сараптамадан өтіп жатыр. Сала мамандары биыл жергілікті екі компаниямен шарт жасасып, олар келер жылдан бастап өз қаражаттарының есебінен он шақты үйді салуы тиіс.

Биыл облыс аумағында 18 әлеуметтік нысанның құрылысы жүріп жатыр. Бұл үшін мемлекет қазынасынан 12 млрд теңгедей қаражат бөліпті. Сала мамандары күні бүгінге дейін 5 нысан пайдалануға берілді,-дейді.

Әлеуметтік нысандардың ішінде ең маңыздысы саналатын жұқпалы ауруларға арналған аурухананың құрылысы биыл толықтай аяқталмақ. Аурухананың құрылысына 7 млрд теңге бағытталған.

Биыл республикалық санаттағы тас жолдарды жөндеу үшін 8,6 млрд теңге бөлінді. Республикалық маңызы бар тас жолдардың 35 шақырымына күрделі жөндеу қажет. Сала мамандары мамыр айында Чапаев-Жалпақтал-РФ жалғайтын тас жолдың жөндеу жұмыстары басталатындығын хабарлады. Өңір басшысы облыс аумағында жүргізіліп жатқан құрылыс жұмыстарының қалай атқарыларын, жұмысқа дайындықты пысықтап, басқарма басшыларымен онлайн түрде кеңесті.

Биыл 86 млрд теңгеге республикалық маңызы бар тас жолдар жөндеу көрмек. 35 шақырым тас жол күрделі жөндеу көрсе, 76-сына орташа деңгейдегі жөндеу жасалатын болады. Бұл туралы облыс әкімінің төрағалығымен өткен жиында "Қазавтожолдың" өкілдері хабарлады. Жиында сөз алған мамандар Чапаев-Жалпақтал және Ресей Федерациясын жалғайтын тас жолдың құрылысына тоқталды. Аталмыш нысанда жөндеу жұмыстары мамырда басталмақ. Сондай-ақ, жиында Атырау-Орал бағытындағы тас жол 4 учаскіге бөлінгені белгілі болды. Облыс әкімі Подстепный-Федеровка мен Ресейді жалғайтын тас жолдың құрылыс жұмыстарын сұрады.

Жолдан бөлек, биыл облыс орталығында арендалық 4 көпқабатты және ауылдық жерде 94 тұрғын үй салынады. 2020 жылы сатып алу құқығынсыз 643 пәтер азаматтарға табысталмақ. Несие бойынша берілетін тұрғын үйлерге тоқталсақ, қазіргі таңда 16 құрылысы жүріп және жоспарланып отырған нысан бар. 2215 пәтер қалада салынса, 40 үйдің құрылысы ауылдық жерде жүзеге асады. Сала мамандары бұл үшін 15,8 млрд теңге қаражат бөлінгенін айтады. Былтыр 585 пәтердің иесі қоныс тойын тойласа, биыл 1100-ден астам отбасы жаңа баспанаға қол жеткізбек. Сала мамандары жиын барысында Теректі ауданына қарасты Тоқпай ауылындағы құрылысқа тоқталды.

Жиында сөз алған облыс әкімі құрылыс жұмыстарын уақытында аяқтау керектігін айтып, сапаны басты назарда ұстауды еске салды.

Облыс әкімі Ғали Есқалиев Орал қаласындағы әлеуметтік нысандардың құрылысымен танысты. Қазіргі таңда облыс орталығында көпбейінді мәдениет ошағының құрылысы жүріп жатыр. Ғимараттың жалпы шаршы ауданы 20 мың шаршы метрге жуықтайды. Мәдениет ошағында 926 адам сыйатын концерт залы, екі конференция залы, көрме мен экспозициялық зал болмақ.

Облыс орталығында заманауи, көркі көз тартар, көп көрермен бір уақытта отырып концерт көретін, мәдени шара ұйымдастыратын нысан жоқ. Осы мәдениет ошағының жоқтығын Ақжайық өңірінің тұрғындары айтып жүрген-ді. Міне, сабақты ине сәтімен демекші, көптен күткен мәдениет ошағының құрылысы өткен жылдың жаз айында басталды. Қазіргі таңда ғимараттың қабырғасы қалануда. Сала мамандарының сөзіне сенсек, нысанның жалпы ауданы 20 мың шаршы метрге жуықтайтын көрінеді.

Сондай-ақ Орал қаласында №33 мектептің құрылысы басталды. Ет комбинаты ауданында орналасқан бұл білім ордасының бұрынғы ғимараты өткен ғасырда бой түзеген еді. Осы құрылысы 2019 жылдың желтоқсанында басталды. Құрылысшылар биылғы жылдың аяғында жұмыстарды толыққанды аяқтаймыз деп отыр.

Облыс орталығында орналасқан "Жеңіс" алаңында да жөндеу жұмыстары басталды. Қазіргі таңда алаңда құрылыс жұмыстарын жүргізу үшін 62 млн. теңгедей қаражат бөлінді. Сала мамандары алаңның жарықтандырылуын, көгалдандыру мен "Мәңгілік алау" тұсындағы граниттен жасалған тақтайларды алмастыру сынды жұмыстарды мамырда айында аяқтамақшы.

Тамыздың екінші жексенбісі елімізде құрылысшылар мерекесі. Кәсіби мерекеге орай хадиша бөкеева атындағы қазақ драма театрында бүгін өңір құрылысшылары бас қосып, салтанатты шара соңы сала үздіктері мен еңбек ардагерлерін марапаттауға ұласты.

Биыл БҚО 3000-нан астам пәтер табысталмақ. Оның 1500 астамы оралдықтарға беріледі деп жоспарлануда. Бес ауданда пәтер кезегінде тұрған азаматтарға баспана салынып жатыр. Сала мамандары жыл санап құрылыс қарқының артып келе жатқандығын айтады. Бұл үшін мемлекет есебінен бөлінетін қаржы да қомақты.

Тамыз айының екінші жексенбісі құрылысшылардың кәсіби мерекесі. Мерекеге орай Х. Бөкеева атындағы қазақ драма театрында бас қосқан құрылысшылардың еңбегін ерекше атап өткен өңір әкімінің орынбасары, облыс көлемінде атқарылып жатқан жұмыстарға да тоқталды.

қыстың суығы мен жаздың ыстығында құрылыста үздік жұмыс жасаған мамандармарапатталды. Солардың бірі- еңбек ардагері Фатима Казмачова. Ол осы салада 40 жылдан астам жұмыс жасап келеді.

Жыл сынап ел аумағында құрылыс қарқынды дамып келеді. Сала мамандарының мәліметтеріне сүйенсек, құрылыстың көптігінен Нұр сұлтан қаласы көш бастаса, екінші орынды Алматы шаһары еншілеген. 2017 жылы облысымыз салынған нысанның көптігімен ерекшеленіпті. Биыл өңірде тоғыз көп қабатты тұрғын үй мен екі мектеп және 400 шақырымнан астам жол қолданысқа табысталмақ.