Сәкен мектебінен тағы да дау шықты. Мектептің интернатында жатып оқитын оқушылардың ата-аналары сабаққа 2 жұма қалғанда балаларын қайда орналастырарын білмей дал. Мектептің жөндеу жұмыстары енді басталды. Ата-аналарға білім ордасының тәрбиешілері ауыл-аймақтан келген оқушылар тума-туысында немесе пәтер жалдап тұрыңдар, интернат дайын емес деп смс жазып, хабарландыру жасаған. Ата-аналар кәмелетке толмаған баланы қалай өзгенің пәтерінде жатқызамыз деп дал.

Жаңа оқу жылының қарсаңында Сәкен мектебінің интернатында жатып оқитын оқушылардың ата-аналарынан маза кетті. Олар оқуға 2 жұма қалғанда баласын жатқызатын жер таппай дал.

Ақжайық ауданының тұрғыны кәмелетке толмаған қызымды орналастыратын жерім жоқ. Пәтер жалдай алмаймын,- дейді. "Өзгенің үйінде перзентімді жатқызсам оның қауіпсіздігіне кім жауап береді?"- деп сұрайды.

Білім басқармасының басшысы №20 мектепке қарасты, бұрынғы облыстық санаториялық мектептің ғимаратында оқитынын жеткізді. Алайда балалардың жатып оқитын интернатында бірнеше мәселе барын жасырмады.

11-ші мектептің күрделі жөндеу жұмыстары шілденің ортасында басталды. Білім ордасы КПО "БИВИ" компаниясының әлеуметтік жобалары аясында жөнделуде. Бұл үшін компания 900 млн теңгедей қаржы бөліпті. Сәкен мектебінің күрделі жөндеу жұмыстары қарашада аяқталады деп жоспарланған.

Орал қаласында арық жүйесін жөндеу жұмыстары басталды. Қазіргі таңда мердігер компания арықтарды ретке келтіріп жатыр. Жалпы облыс орталығының арық жүйесі 7 шақырым 100 метрді құрайды.

Орал қаласында арық жүйесі өткен ғасырдың 60-жылдарынан бастап өз жұмысын бастайды. Содан бері арық жүйесі бірде-бір рет жөндеу көрмеген. Қазіргі таңда арық жүйесінің кем-кетігін дұрыстау үшін жөндеу жұмыстары басталған. Бұл үшін қалалық бюджеттен 54 млн теңге бөлінген.

Оралдың арық жүйесі үлкен және кіші айналымнан (Круг) тұрады. Арық жүйесінің жалпы ұзындығы 7 шақырымды құрайды. Үш ай бұрын су жолында жөндеу басталған. Қазіргі таңда Некрасов көшесіндегі жұмыстар толықтай аяқталып, Құрманғазы көшесіне жалғасып жатыр.

Арық жүйесінің жөндеу жұмыстары келісім бойынша 3-ші қыркүйекте аяқталуы тиіс. Бірақ мердігер компания өкілдері жұмысты тамызда аяқтауды жоспарлап отыр.

БҚО-да жаңадан мал бордақылайтын алаң өз жұмысын бастамақ. Кәсіпорын Бәйтерек ауданына қарасты Янайкин ауылында орналасқан. Қарағандылық инвестор "74 адамды жұмысқа қабылдаймыз",-дейді. Кәсіпорын биыл 8000-нан астам мал басын бордақылап, 1100 тоннадан астам сиыр етін экспортқа шығармақ.

2020 жылдан бастап Бәйтерек ауданына қарасты Янайкин ауылында мал бордақылайтын алаң өз жұмысын бастайды. Жаңа нысанның қызметіне білек сыбана кіріскен кәсіпкер биыл 8000-нан астам мал басын бордақылап, 1100 тоннадан астам сиыр етін экспортамақ. Кәсіпорынға 74 азамат жұмысқа қабылданбақшы. Қарағандылық кәсіпкер тек зеңгі бала тұқымын өсіреміз,- дейді. Жұмысын енді бастаған нысанның аяқ алысымен аймақ басшысы Ғали Есқалиев танысты. Кездесу барысында кәсіпкер судың тапшылығын тілге тиек етіп, қордаланған мәселені жіпке тізді.

Биыл Янайкин ауылында орналасқан Батурин мектебі күрделі жөндеуден өтпек. Ғимараттың қабырғасынан өзге, шатыры, едені, есік-терезесі алмастырылады. Мектептің жалпы аумағы 925 шаршы метрді құрайды. Нысан 160 балаға арналған. Жөндеу жұмыстары үшін 194 млн теңгеге жуық қаражат бөлінген. Мектептің күрделі жөндеу бағытында 50 адам еңбектенуде.

Өткен ғасырда бой түзеген ғимараттың қасында екі қабатты жаңа нысан бой түземек. Оның ішінде спортзал, асхана мен жетіспейтін сыныптар болады. Күрделі жөндеу жұмыстары тамыз айында аяқталмақ.

Облыс әкімі Тасқала ауданына жасаған іс-сапары барысында аудан орталығында күрделі жөндеуден өткен Қаныш Сәтбаев атындағы мектептің жұмысымен танысты. Білім ордасы "Ауыл-ел бесігі" бағдарламасы аясында жөнделген болатын. Бүгінде ажарланған ғимаратта 600- ден астам оқушы білім алып жатыр.

Бұл- Тасқала ауданы орталығында орналасқан Қаныш Сәтбаев атындағы мектеп. Аталмыш білім ордасы 1999 жылы бой түзеген. Бүгінде 600 оқушыға білім беріп отырған оқу ордасы өткен жазда күрделі жөндеуден өткен. Бұл үшін 157 млн теңгедей қаражат бөлінді.

Тасқала ауданына жұмыс сапарымен барған аймақ басшысы өткен жылы сәуірде ашылған "Самғау" коворкинг орталығының жұмысымен танысты. Жастардың басын қосатын орталықта түрлі мәдени- танымдық шаралар ұйымдастырылып келеді. Аудан көлемінде жас тасқалалықтарды жұмысқа орналастырып, олардың бос уақытын тиімді өткізу үшін бірталай жоба атқарылуда.

Президент Қасым-Жомарт Тоқаевтың бастамасымен 2020 жыл "еріктілер жылы" болып бекітілген болатын. Еріктілер жылының ашылуы салтанаты еліміздің түпкір-түпкірінде ұйымдастырылып келеді. Осы үрдіс Тасқала ауданында өз жалғасын тапты. Жас тасқалалықтар еріктілердің 7 бағыты бойынша жұмыстануға уәде беріп, волонтер болып, елге қызмет етпек.

БҚО әкімі Ғали Есқалиев күрделі жөндеуге жабылған Орал халықаралық әуежайы терминалының жағдайымен танысты. Өткен жылы әуежай терминалы күрделі жөндеуге жабылған болатын. Жобалық сметалық жұмыстарды қабылдамастан бұрын эскиздеу барысында терминалдың іргетасы мен өзге бөліктерінің тозығы жеткендігі анықталып отыр. Содан кейін, жобалау жұмыстарына жауапты мердігер компания ауысып, ендігі жұмыстарды жергілікті мамандар қолға алып отыр.

Кеңес дәуірінде авиция саласында қызмет жасаған Оралдың әуежай терминалы өткен жылы күрделі жөндеуге жағылған болатын. Содан бері терминалдың жобалау жұмыстары басталған-ды. Алайда, сала мамандары ғимараттың кейбір бөліктерінде олқылықтарды анықтапты.

Қазіргі таңда жергілікті компания терминалдың эскизін жасауды қолға алған. Сала мамандары жаңа жоба бұрынғы нұсқадан көп айырмашылығы болмайды деп отыр. Жоба бойынша ғимарат әйнекпен қапталып, каркасы метальдан жабдықталатын көрінеді.

Терминалдың жобалауымен танысқан облыс әкімі мамандарға абаттандыру мәселесіне көңіл аударуды тапсырды. Жобаның құны бөлінген 2,4 млрд теңгеден аспайтын көрінеді. Алайда, жобалық-сметалық құжат мемлекеттік сараптамадан өтіп, бекітілгесін терминалдың нақты құны белгілі болмақ. Жергілікті компания өкілдері құрылысты уақытылы 2021 аяқтаймыз деп отыр.

Жәнібек ауданында 218 адам тұрғын үй кезегінде тұр. Аталмыш мәселені шешу үшін аудан көлемінде 12 пәтерлі екі тұрғын үйдің жобалық сметалық құжаттары тиісті сараптамадан өтіп жатыр. Аталмыш нысандар пәтер кезегінде тұрған азаматтарға табысталмақ. Облыс орталығынан шалғай орналасқан аудан тұрғындарын жол мәселесі толғандыратыны мәлім. Аудан мен облысты жалғайтын тас жолдың жөнделуі Елбасының тапсырмасынан соң, оң шешімін тапты.

Бұл- Жәнібек ауданына қарасты Қамысты ауылындағы суландыру жүйесі. Аталмыш жүйенің жалпы ұзындығы 34 шақырымды құрайды. Бірнеше ауылды сумен қамтып отырған бұл жүйенің әбден тозығы жеткендіктен, күрделі жөндеу басталды. Жобаның жалпы құны 82 млн теңгені құрап отыр.

Аудан орталығында сөз алған Жәнібектің әкімі өңірдің жеткен жетістіктерін жіпке тізіп, табыстың мөлшерінің артқандығын тілге тиек етті. Бүгінгі таңда ірі қараның саны 48 мыңнан, қойдың саны 65 мыңнан асып жығылған. Сондай-ақ, ет экспорттау ісі алға басты. Аудан көлемінде 900-дан кәсіпкерлік нысаны бар. Оларда 1000-нан астам тұрғын еңбектенуде.

Жәнібек ауданының хал ақуалымен танысқан облыс әкімі аудан басшысының есебі мен бұқара халықтың пікірі мұқият тыңдап, биылғы жылдың алты айында атқарған жұмыстарын жіпке тізіп, тиісті тапсырмаларды жүктеді. Сондай-ақ, Жәнібек өңіріне жасаған жұмыс сапары барысында Ғали Нәжмиденұлы күрделі мәселелермен келген тұрғындармен жүздесіп, жеке қабылдау ұйымдастырды.

Шаһарымызда "Нұрлы жол" бағдарламасы бойынша жылу магистралдарын күрделі жөндеуге 1 млрд. 254 млн. теңге бөлініп отыр. Бұл қаражатқа №7 және №2 жылыту магистральдарында күрделі жөндеу жүргізіліп жатыр. Айта кетейік, аталмыш жұмысқа байланысты осы аудандардағы 225 тұрғын үйде ыстық су ажыратылған болатын. Сондықтан мердігер компания жөндеуді мерзімінен ерте аяқтауға күш салып отырғандарын мәлімдеді.

№7ші және №2ші жылу магистарлдары сонау 1972, 1987 жылдары салынған. Қыстың көзі қырауда ескірген желіде апаттың тіркелуінің алдын алу үшін қазір толықтау күрделі жөндеу жүргізіліп жатыр. Бүгінде 225 үй аталмыш жөндеуге байланысты ыстық судан ажыратылған болатын. Коммуналдықтар бұл орайда тұрғындардан түсіністік танытуды өтінеді.

-""Нұрлы жол" бағдарламасы бойынша күрделі жөндеуге 1 млрд. 254 млн. теңге бөлінген болатын. Сәуір айында мердігер мекеме "Уральскводстрой" компаниясымен келісім шарт жасалды. Тұрғындарды ыстық суға тезірек қосу үшін мердігерлер жұмысты мерзімінен ертерек тапсыруды жоспарлап отыр",-дейді "Жайық жылу қуат" АҚ бас директоры Мұрат Бәйменов.

Жоба бойынша күрделі жөндеу мерзімі 4-5 айға жоспарланған. Қазір Кердері көшесінің бойынша жұмыс қызу жүріп жатыр.

-"Шамамыз келгенше аз уақытта жұмысты бітіруге тырысамыз. Адамдар қашан бітеді деп сұрап жатыр. Материалдардың барлығы дерлік жергілікті, Отандық. Құбырлар Ақтау қаласынан алынған. Құмды қиыршықты қоспа, науалар, темір бетондар өзімізден",-дейді мердігер мекеменің нысан басшысы Михаил Зубков.

Орал қаласында жылу желілерінің 50 пайызы ескірген. Жаңғырту жұмыстары бөлінген қаражатқа сай сатылап атқарылатын болады.