Осы жұмада күллі мұсылман қауым Құрбан айт мерекесін атап өтеді. Биыл пандемияға байланысты құрбан шалуда біраз өзгерістер бар. Олар мынадай: Алла тағаланың разылығы деп ниеттенген мұсылман "құрбан 2020" сайты арқылы қойға тапсырыс беріп, құрбандықтың ақысы мен қасапшының ақысын шотқа аударады. Кейін мешіт төрт-түліктің етін мұқтаж жандарға таратып бермек.

Биыл коронавирус пандемиясына байланысты Айт намазы оқылмайды. Және қала тұрғындары бұрынғыдай базарларға барып, қой таңдап, соя алмайды. Бұл шектеулердің баршасы карантин талаптарын сақтауға арналған. Оралдықтар 3 жерден қойды сатып алып, өз үйінде союына болады. Және биыл бірінші рет құрбандықты малды онлайн таңдап, етін мұқтаж жандарға үлестіріп беруге болады. Қазіргі таңда 50 адам сайтқа көмек сұрап, өтініш қалдырған.

Ауыл мен ауданның тұрғындары барлық санитарлық талапты сақтай отырып, үйлерінде құрбан шала алады. Мешіт қызметкерлері діни рәсімді орындап бермек.

Күллі мұсылман қауымының қасиетті мейрамдарының бірі құрбан айт біздің елімізде 11-тамыз күні тойланбақ. Сол күні жергілікті уақытпен таңғы 7-де айт намазы оқылып болған соң, жаппай құрбан шалуы рәсімі басталады. Биыл қала аумағында құрбан шалатын орындар арнайы белгіленіп, айтқа имамдар жаппай дайындықты да бастап кетіпті.

Күллі мұсылман қауымы 30 күн оразадан соң, 70 тәуліктен кейін құрбан айт мейрамын тойлайды. Биыл Қазақстан мұсылмандар басқармасы қасиетті мерекенің бастауын 11 тамызға бекітті. Айт тамыздың 13-іне дейін жалғаспақ. Дін шарттары бойынша барша балиғат жасына жеткен, ақыл- есі дұрыс, жолаушы емес жандар құрбан шалғандары абзал..

Биыл азаматтар қала көлемінде «Ел ырысы», «Кублей» және "Батыс адал ет" мекемелері аумағында құрбандықтарын өтемек. Шаһар имамы белгіленген орындарда тазалық шаралары бақылауда болады,-дейді. Мереке қарсаңында сала мамандары қасапшыларға арналған арнайы семинар да ұйымдастырмақ.

Тамыздың 10-шы жұлдызы қарапа деп белгіленді. Ол күні Меккеге қажылыққа барған жандар "Арафат" тауында құлшылық жасайды. Ал, қажылыққа бармаған жандар ол күні ауыз бекітіп, ораза ұстағандары абзал. Ұлттық салт-дәстүрімізге сәйкес, қарапа күні де мал сойылып шектік береді. Алайда, ол құрбандық болып есептелмейді.

Қаланың іргесінде орналасқан Асан ауылының тұрғындары мен жамағат бірлесе отырып, барша мұсылмандардың қасиетті мерекесі саналатын Құрбан айт мейрамын тойлап өтті. Аталмыш шара облыстың бас имамының құттықтауынан басталды. Кейін, барша көрермендер қазақтың спорттық ойындарын тамашалады.

Құрбан айт мерекесінің қарсаңында ұйымдастырылған шарада ауыл тұрғындарының арасынан шыққан жастар боз кілемде белделіп, кім мықтыны анықтауға тырысты. Аталмыш шараға келген меймандардың қатары сирек болғанына қарамастан, ауыл тұрғындары мұндай шараның ұйымдастырылғанына қарамастан риза екендіктерін жеткізді.

Шараның соңында спорттық сайыстың жеңімпаздары марапатталды.

Шаһар басшысының міндетін атқарушы Мирболат Нұржанов қала әкімдігінде өткен жиында осындай тапсырма берді. Игілік пен мейрімділік мейрамында жоқ-жітік жандарға құрбанға шалынған малдың еті үлестіріліп, "Мектепке жол" акциясы өткізілмек. Бұдан өзге мешіттер жанында спорттық шаралар оздырылады деп күтілуде.

Құрбан - араб тілінде "жақындау", яғни жасаған сауап істер арқылы жүректі тазартып, Аллаға жақындай түсу дегенді білдіреді. Ал шариғаттағы терминдік мағынасы - «шарттарымен санаса отырып, құлшылық ниетімен мал бауыздау» дегенге саяды. Құрбандыққа түйе, сиыр, қой, ешкі малы шалынады. Ал жылқы мен тауық сынды үй жануарлары құрбандық ретінде есептелмейді. Ірі малды 7 адам бірігіп шалуға болса, ұсақ мал бір адамның отбасы атынан шалынады.

Құрбан айт мерекесінің дұрыс ұйымдастырылып, жоспарланғандай өтуі үшін бірлесе атқарылған жұмыс маңызды. Бұл орайда құрбандық шалынатын орындарға арнайы маршруттар шығуы мүмкін. Құрбандық шалынатын арнайы орындар тізімі жарияланып, оған баратын жолаушы көліктері жөнінде ақпарат беріледі. Ал қасапшыларға мешітте малды шариғат бойынша қалай бауыздау, етті бұзу жөнінде арнайы семинар өткізіледі. Мерекенің оқу жылының қарсаңына тұспа-тұс келуіне бацланысты "Мектепке жол" акциясы өткізіліп, әлеуметтік аз қамтылған отьбасыларға көмек көрсетіледі. Бұдан өзге де қайырымдылық шаралары жалғасады. Және мерекеге орай, 19-тамыз күні сағат 9.30да Тәжіден батыр атындағы орталық базар маңындағы мешіт пен Зеленов ауданындағы Астана мешіті жанында спорттық ойындардан жарыс ұйымдастырылады.