Мьянмада құлдықта болған екі қазақстанық азамат босап шығып, Қазақстанға жеткізілді. Сыртқы істер министрлігінің ресми өкілі Айбек Смадияровтың айтуынша, қазір олар туғандарына оралды. Бірақ журналистер тарапынан мазаламауды өтінген. Өздеріңізге мәлім, өткен аптада Оңтүстік-Шығыс Азияда Тайланд, Мьянма және Лаос елдерінің шекарасындағы «алтын үшбұрыш» аймағына құлдыққа тап болған қазақстандықтар туралы ақпарат шыққан болатын. Министрлік бұл мәселе назарда деген еді.

Бүгінде қазақстандық жастардың ақша табу мақсатымен шетел асып жатқандары өте көп. Тепсе темір үзетін, ақылды, білімді жастар елден кетіп жатқаны жайында талай айтылып жатыр. Себебі, шетелде ұсынылып жатқан жалақы көлемі әлдеқайда жоғары. Алайда оның ішінде бәрі бірдей біз бен сіз ойлағандай заңды жұмыс болмай отыр. Әдемі жарнамамен жоғары жалақы төлейміз деп алдап-арбап шақырып алып, құлдыққа салып жатқандары да жоқ емес. Соның бір дәйегі -Оңтүстік-Шығыс Азияда Тайланд, Мьянма және Лаос елдерінің шекарасындағы «алтын үшбұрыш» аймағына құлдыққа тап болғандар. Бұл жерде халықаралық ұйымдасқан қылмыстық топ жұмыс істейді. Бұған дейін хабарланғандай, екі қазақстандық осы ұйымға еңбек құлдығына тап болғанды. Олар өткен жылы желтоқсанның соңында Таиландтағы елшілік арқылы байланысқа шығып, туғандары сыртқы істер министрлігінен көмек сұраған. Алайда жоғалған екі азаматтан кейін хабарсыз кетті. Ресми өкіл Айбек Смадияровтың айтуынша, өткен жұмада олардың туыстары хабарласып, Мьянмадағы компаниядан қашып шыққандары туралы айтқан. Ол жақтағы елшілік бірден әрекет етіп, екі азаматтың елге жетуіне көмек көрсеткен.

Құлдықтан қашып құтылып, елге аман-есен оралған азаматтар БАҚ өкілдері тарапынан өздерін мазаламауды сұрапты.

Министрлік өкілі болса, қазақстандықтарға шетелге барып, жұмыс істеуге ниет болса, алдымен барлық ақпаратты жіті тексеріп алуға кеңес береді.