Орал қаласында аутизм спектрі бұзылған балаларды қолдау мақсатында «Асыл мирас» аутизм орталығы ашылды. Аталмыш орталық Самал көшесі, 102 мекенжайында орналасқан. Екі жылдай уақыт бұрын ата-аналар осындай орталықтың керек екенін айтқан еді. Арнайы мекеме балалар жылы аясында ашылды. Қала әкімдігі көлемі 700 шаршы метрге жуық ғимаратпен қамтамасыз етті. Орталықтың ашылуына облыс әкімі Ғали Есқалиев қатысты. Қала әкімдігі орталықты көлемі 700 шаршы метрге жуық ғимаратпен қамтамасыз етті. «ҚПО б.в.» компаниясы жөндеу жүргізді. Ал «Болат Өтемұратов» қоры заманауи жабдықтармен, жиһаздармен қатамасыз етті. Ең бастысы- бұл қор осында қызмет ететін педагогтердің білімін жетілдіріп, аутизм спектрі бұзылған балалар мен жасөспірімдердің өмір сүру сапасын жақсартатын, аутизмді түзетудің озық әдістеріне үйрететін арнайы курс оқытты.  Орталық тегін қызмет көрсету арқылы ата-аналарға зор қолдау білдіретінін атап өтті. Облыс әкімі барлық кабинетті аралап, педагогтермен сөйлесіп, жұмысымен танысты. Аутизм орталығында «Болат Өтемұратов» қорының «Аутизм. Әлем баршаға ортақ» бағдарламасы жүзеге аспақ. Мұнда «Ерте қолдау», «Оқыту дағдыларын дамыту», «JASPER сөйлеу дағдыларын дамыту», «Әлеуметтік дағдыларды дамыту», «Өмірлік дағдыларды дамыту» және «Қарқынды курс» бағдарламалары бойынша кабинеттер жасақталған. Бұл бағдарламалар АСБ-ны анықтауға және әлеуметтік, сөйлеу және тұрмыстық дағдылардағы кемшіліктерді жоюға бағытталған. Орталық директоры Дилара Салыхованың айтуынша, облыстық психологиялық-дәрігерлік, педагогикалық кеңес беру мекемесінің тізімінде аутизм спектрі бұзылған 253 бала тұр. Заманауи оқу құралдарымен және жиһаздармен жабдықталған «Асыл мирас» орталығындағы сабақтарға ата-аналар да қатысады.

Батыс Қазақстан облысында жастардың төбелесі видео арқылы тарады. Бейнежазбадан көрінгеніндей, алдымен олардың екеуі алысып, жұдырықтасады. Кейін оған қарап тұрған жігіт қосылып, артынан бүйірінен ұрғанда, біреуі құлап қалады. Оны төбелескен жігіттің бірі тепкілей бастаған мезетте видео үзіледі. БҚО полиция департаментінің мамандары Бөрлі аудандық полиция бөлімінің қызметкерлері бейнежазбаны зерттеп, төбелеске қатысқандарды анықтапты.

Қаламыздағы Есқалиева көшесі бойындағы 186 пәтердің тұрғындары жол жөндеу жұмыстарынан соң қалған құрлыс материалдарының қалдықтары жиналмай қалғандарын айтып редакциямызға хабарласты.
Тұрғындардың сөзінше қоқыс қалдықтары үй айналысан шашылып бүгінде үлкенді кішінің мазасын қашырыпты. 

Есқалиева көшесіндегі 178-ші бес қабатты пәтер үйдің тұрғындарының сөзінше жол жөндеу жұмыстары әлі толыққанды аяқталмаған. Құрылыс жұмыстары "КПО Б.В." компаниясының қаражаты есебінен жүргізілсе, жол құрылысымен мердігер Нұрсәт құрылыс компаниясы шұғылданған.

Қала тұрғыны:
Қазір күз мезгілі. Бір күні жаңбыр екінші күні қар. Үйілген топырақ. Қала орталығында тұрамыз. Тұрғындар орталық саябаққа демалуға қатынайды. Ал мына үйілген құрылыс қалдықтары тек олардың емес біздердің де мазамызды алды.

Сондай ақ аталмыш үй тұрғындары бұған дейін балалар ойын алаңы болған жердің бүгінде көлік тұрғанына айналғанын айтып налиды.

Қала тұрғыны:
Мәселен мына көліктер балалар ойын алаңының орынында тұр. Немерелерімізбен таза ауада серуендейік десек көлікке қағылып жазатайым оқиғаға тап боламыз ба деп қорқамыз.

Сала мамандары ойын алаңын қалпына келтіру үшін қалалық Тұрғын үй-коммуналдық шаруашылығы және тұрғын үй инспекциясы бөлімінің қызметіне жүгінуі тиіс. Ал құрылыс қалдықтарына келер болсақ:

АЙДАР МЕНЕЕВ,  «ТҰРҒЫН ҮЙ-КОММУНАЛДЫҚ ШАРУАШЫЛЫҒЫ ЖӘНЕ ТҰРҒЫН ҮЙ ИНСПЕКЦИЯСЫ БӨЛІМІ» БАСШЫСЫНЫҢ ОРЫНБАСАРЫ
Аталмыш құрылыс жұмыстары Мәметова көшесінен басталып Петровский көшесіне дейін жалғасуда. Ал Есқалиева 178 ші үй орналасқан алаңда жол жөндеу құрылысына материалдар уақытша сақталған еді. Қазір құрылыс қалдықтарынан қалған құрылыс материалдарын тасымалдау шаралары қолға алынатын болады.

Естеріңізге сала кетеміз биыл түрлі қаражат көздерінен 8,1 млрд теңге бөлініп, Орал қаласында 67 көшедегі көлік және жүргінші жолдарында күрделі жөндеу жұмыстары жүргізілуде.